أخذت إبرة تفجيرية .. و خايفة !

[التفاحة البيضاء]

مرحبا بنات...
طبعا من العنوان واضحة قصتي...
اليوم كان عندي موعد مع الدكتورة ..
عشان تشوف التبويض وحجم البويضات .بعد ما خلصت كلوميد.
و كل شي تمااام الحمد لله رب العالمين.
شافت بويضتين بحجم ممتاز ..
و على طول قالت لي خذي ابرة ..
صراحة فاجأتني ما توقعت تعطيني إبر ..
تقول عشان نضمن نضوج البويضات و عدم تحولها إلى كيس وبعدين ما نستفيد شي.
و أخذت الإبرة..
وصراحة خايفة بعد هالتعب.. ما يصير حمل ..؟
هذا غير إني أعاني من لوعة فظيعة بتقتلني..
فهل هي من آثار الإبرة .. وشنو آثارها الجانبية ؟؟
فمين منكم جربت الابر و حملت ؟؟

فيدوووني بلييز .
الله يكرمكم..

[ندوووش]

حبيبتي لاتخافي وتوكلي على الله من اعراضها مغص في الجوانب
الله يرزقك يارب
حبيبتي فيه ملف شامل عن الابره التفجريه في المنتدى

[ام تميم 66]

حبيبتي هذا من اثر الابرة وان شاء الله خير ياارب ونفرح فيك واكثري من الاستغفاار والصدقه وربي يرزقك ولا يظيع تعبك سدا يااارب,,

[حوريه السعوديه]

هلا حبيبتي

هالابره تساعد البويضه انها تنفجروتروح لقناه فالوب وهناك تتلقح بالحيوان

وفي موضوع شامل فوق مثبت اقرايه وممكن يفيدج

ونصيحتي اخذيها

[نور منوره]

لله يرزقنا ويااااااااااااااك

[أوتار الحزن]

انا جربتها مرتين وهالشهر برجع اجربها هالشهر بس هذي اعراض الابره انا لما اخذت كلوميد مع حبوب دايمت تعبت وايد منهم وبعدين الابره التفجير جربتها مرتين وما حملت بس ان شاء الله احمل هاشهر
ربي يرزقك بالذريه الطيبه

[حبة السكر]

الله يكتب لك الحمل هالشهر يارب

[Nossi]

لاتخافين من الابرة توكلي على الله والله يرزقج ..، اللوعه من الابرة أنا مع الابرة صادتني لوعه والم في اسفل الظهر بس ماحملت..،

الله يرزقنا ان شاء الله ..،

[سموة الشوق]

الله يرزقك بالحمل السليم بالذرية الطيبة وتبشرينا

ومثل ماقالوا الأخوات


من تأثير الغبر هاللوعة

حتى لو حسيتي جسمك متغير ومنفخ

كله من الإبر غلاتي

[التفاحة البيضاء]

مشكورين خواتي..
على تواجدكم و وردودكم الحلوة ..
و إن شاء الله بعد هالتعب كله ربي يكرمني ..
..
لأني أحس بطني بينفجر من الألم من البارحة ..ألم مب طبيعي !!
صج انفجار..

والله كريم .
الله يرزقني وياكم إن شاااااء الله