من فيكم صارلها هلشي...في الحلم مثلي؟؟

[وردة غلا]

السلام عليكم ورحمة الله وبركاته
أولا ياحوامل أشكر كل وحدة تكرمت ودشت موضوعي...
ماراح أطول ...
السالفه ومافيها...أنا حامل في شهري الاول مدري الثاني لحد الآن متبين بأي شهر أنا لأني على قولة الدكتورة بأن حملي جاء متأخر...(ياكثر حكيي))
المهم موهذي المشكله (أجل وشنهي))
المشكله إني حلمت مرة إني ولدت وجبت بنوته حلوه...ومرة ثانيه حلمت إن معاي بنت إختي الصغنونه...
ويام فسرتها عند الشيخ قالي سترزقين ببنت...
وأنا مو مسألة ماأبي بنات لا والله إني أموت فيهم وماعندي فرق بينهم..
لكن زوجي وأهل زوجي معقدين بمعنى الكلمه...حتى إن كل ماشافوني قالو يالله جيبي أخو لبنتك...مانبي بنت...
أما زوجي حاله خاصه من يوم مادرى عن حملي إلا وقام يناديني بأم ((باسم))وإذا قلت له وش عرفك إنه ولد يمكن تكون بنت..يرد علي يقول الله يدق فمك.. يعني زاد المرض زياد
بإختصاااار
فمن فيكم ياحواملنا حصل معها نفس الشي وجابت نفس الجنس إلي حلمت فيه أو إلي فسرته...
تكفوووووووووووووون خبروني بأسرع وقت ,,,,,,,,,,,,,