طلبتكم تدخلون... تأخر الدورره واعراض حمل

[لحظة امل]

السلام عليكم خواتي..

انه قبل الدوره بسبوع سويت تحليل دم وماطلعت حامل
وييتكم تعلموني من خبراتكم
بس احين الدوره المفروض تنزل تاريخ 29 -4
لان اهي كل 30 يوم تنزل
ولحد احين ماجوفها نزلت فيني الم في بطني وظهري وساعات جهه اليمين من البطن وصاير يابس شوي ومتنفخ عن قبل وخاصه جهة اليمين بس ماتتلاحظ بالعين الا اذا احط يدي في الجهتين الاحظ ان اليمين منتفخ ازيد من اليسار
وصدري يعورني وايد واحسه صاير اكبر من قبل وحلمات الصدر وايد تعورني من اقل لمسه تعور
وفي افرازات شفافه مايله للون الاصفر بقليل لكن مافيها لا ريحه ولا عوار
وناس قالو لي ان هذي الافرازات مالت الدوره

ومادري هل ممكن يكون حمل ومابان في الدم قبل سبوع وانه كانت فتره الاباضه 15 16 17 وحللت بتاريخ 23 دم
شتقولون يعني ممكن اكون حامل ومابان
او عادي اول شهر زواج تتأخر العاده

[ام اغلى الناس]

اولا مبروك الزواج
وانطري كم يوم حبيبتي وحللي وان شاءالله حامل
الله يرزق كل منتضرة

[كنت احبك]

انا اقووووووووووول حاااااااااااااااااااااااامل وياااااااااااااااارب يبشرك بالحمل يااااااااااارب لان نفس اعرض وبس

[( دلووعة فؤاادي)]

انتظرررري كماااان اسبوع وان شاااااااااء الله يارب يجبر خاطرك بالحمل

[kingwow]

حبيبتي انا حابة اباركلك من باب التفاؤل ان شاء الله تكوني حامل لانه نفس الي كان يسير معي بالضبط وخصوصا الافرازات وانا حللت بعد الدورة بيومين وما بان انتظرت بعد اسبوع وحللت منزلي وطلعلي خطين واضحين جدا ورحت فورا حللت دم والحمدلله طلعت حامل ان شاء الله تكوني متل حالتي يا رب يرزقك حبيبتي بس لا تنسي تبشرينا يا عسل والف مبروك عالزوواج تتهني ان شاء الله

[لحظة امل]

مشكورين حبايبي
بس الي مخوفني الافرازات اهي تبع الدوره مثل ماقالوا حقي لان مو بيضه وايد
مايله للاصفرار

مشكورين على مروركم الي عطر موضوعي وفرحتوني وعطيتوني امل
لاتنسوني بالدعاء
والله ينولكم الي ببالكم عاجل مو اجل

قااااااااااااااادر ياكريم

[ر ي م]

الف مبروك الزواج وان شاء الله العمر كله بهناء وسعاده
حبيبتي ان شاء الله انك حااااااااااامل ,,, اعراضك كذا تقووووول
انتظري كم يوم بعد وحللي دم والله يرزقك

[لحظة امل]

تسلمين خيتي على الكلام الحلو
ويرزق كل محرومه يارب

[EeeMooOOoo]

مبروك الزواج حبيبتي
والعلم عند الله شو الاعراض اللي عندك، احتمال تغيير هرومونات بعد الزواج واحتمال حمل
ربنا يقدرلك الخير انشاء الله ويفرح قلبك يا الغالية

[ملوكه3]

ان شاالله حامل انتظري يومين وعيدي التحليل وبشرينا .وألف مبروك مقدما.