اختكم مغتربه وتحتاج نصيحتكم ..

[غربتي طالت]

السلام عليكم ورحمة الله وبركاته

كيفكم اخواتي يارب بخير ..

انا صراحه مالي علاقه في منتديات الحمل ولاجربت الحمل لسى الله يرزقني ويرزق كل منتظره (=

بس صادفتني مشكله وانا خارج بلدي و انتظر موعد بالمستشفى لحد الان ما بدأت مواعيد علاج الانجاب ..

وقلت مالي الا الله ثم اخواتي في منتدى حوامل من كثر ما تطلعلي مواضيعكم القيمه في محرك البحث و عزمت وسجلت معاكم ..

يا اخوات انا موعد دورتي اعزكم الله هو امس 31 /4 ونزلت الحمد لله

وبفضل ربي هي منتظمه من كم شهر و وضعي الصحي كويس ..

بس المشكله صارت من اسبوعين بدأت تظهر علي اعراض غريبه مع انو لي سنوات متزوجه بس هذي اول مره تظهر معاي حتى وانا كنت اشك اني حامل ما صارت لي ابداً ..

وهي ارتفاع حرارة جسمي بدون اي التهاب او مرض و الم في صدري مع انتفاخ و ظهور حبوب صغيره على الهاله و كمان تلونها باللون البني الغامق مع اتساعها لدرجة ان زوجي لاحظ هذا الشيء

وكمان ظهور عروق كبيره واورده حوالين الهاله << وهذا اللي مخوفني

واعراض الدوره جائتني قبل موعدها الطبيعي بحوالي 12 يوم واختفت نهائياً قبله نزولها بـ خمس ايام ..

ومن لما نزلت امس وانا انتظر حرارتي تنخفظ او صدري يخف بس اللي الاحظه ان صدري تغير لشكل ثاني وصار كأنه صدر مرضعه

بنات انا ادري اني طولت عليكم بالكلام والشرح

وصراحه منها ابي افضفض لاني ما اقدر اقول لامي خايفه اشغل بالها .. وفرصه الله رزقني فيكم

ومنها ابي نصيحتكم اش ممكن تكون هذي الاعراض والدوره اعزكم الله نزلت في موعدها مع انها مؤلمه جداً ونزلت اقوى منها في العاده لكن الحمدلله انها ماتأخرت وزادة قلقي ..

على فكره هي مو اعراض ارتفاع هرمون الحليب لانه كان مرتفع عندي وماكان ييتغير شيء في صدري الا ايام التبويض ويرجع على طول ..

كمان الاعراض مو بس هذي لكن اكثر شيء خوفني هو هذا ..

صراحه قلقت كثير لان موعدي باقي عنه ايام والاعراض هذي جدت علي ..

انصحوني الله يجزيكم خير ويكتب اجركم ..