متضااايقه حيل حيل حيل دشووو

[خوخة زوجي]

السلام عليكم ورحمة الله وبركاته

بنات حوامل اانا بصراحه قلبي نفس الكتاب المفتوح والصريح بخطوطه

حبيت اسالكم مع اني عارفه لاجابه بس مو الاجابه الاكيديه




بنات انا هالاااايام اعيش بحاله اكتئاب ومشااااكل بيني وبين زوجي

لدرجه اني اكسر اي شي جدامي عشااان ارتاااح وصلت لمرحله متعبه جدا


وانا حامل لان بشهر الخامس ....


ادري ان مفروووض ابتعد عن المشااكل وهسوالف هذي لكن ماقدر

مشاكل اتصير وتنتهي هل المشااكل اتاااثر على حملي وشنووو اثاارها علي وعلى

بنوتي الي ابطني اتمنى تفيدووني

[جمره غضى]

اول شي حبيبتي تعوذي من ابليس واستهدي بالله

رووووقي مهما كانت المشااااكل اكييييييييد لها حل باذن الله

حاولي ماتتوترين وتعصبين اثناء المشكله

اذا كنتي واقفه اجلسي اذا كنتي جالسه حاولي تتسندين على شي او غيري المكان اللي انتي فيه

تذكري ان فيه جنين داااااخلك قولي في بالك مافي شي يستاااااهل ازعل نفسي عشااانه

ودااااااايم استغفررررررري وادعي ان الله يبعد عنك المشاكل


كلنااااااااااا نمر في مشااااكل بس نهونها وتهوووون نكبرها تكبر

ووووووووسعي صدررررك باي شي حاولي تطلعين من جوو المشااااكل

والله يثبت حملك ويفرح قلبك

[لهدوئي روايـه]

سبحـــــــــــــــان الله كأنك تتكلمين عني ؟؟
بس الله يعينك يـارب ..
وانا اتوقع فترة حمل وتعدي على خير ان شاء الله
ودايم اقول اتحمل علشان بنوتي ماتتضرر بسبب نفسيتي ...!!
وانتي فهمي زوجك ان كل حامل يبيلها راحه نفسيه وجسديه الا اذا كان مثل اللي عندي الله يصبرررررك ويصبرني ياااارب ودايم اجي ابي انزل موضوع عن هالسالفه بس اتردد ..
واكثري من الاستغفااااااار وحاولي تبعدي عن المشاكل قد ماتقدري علشان البنوته
>>>واذا ولدي بالسلامه ورجعت لك قوتك.. لو تبين اطقيه طقيـــه هههههههههههههههههههه
وان شاء الله تتيسر امورك وترجعي لزوجك بعد الحمل احسن من قبل يمكن علشان هرمونات الحمل كل شوي مزاجك متقلب وكلها فتره وتعدي على خير ان شاء الله
وتري النفسيه تأثر كثير على الجنين انتبهي على نفسك وعلى البنوته

[ام رورو الحلوة]

اااااااااااه حطيتك ايدك عالجرح انا حامل بالشهر الرابع احس اني بطلع من تيابي حالة نفسية استغفري وانا اختك الوحدة منا بعد الله مالها الا زوجها بعد الله مرحلة وتهون ادعي لي بالولد الصالح

[لمـار]

الله يهونها على الجميع وطبيعي مع الحمل وتقلباته
اربع شغلات بسيطه وان شاء الله تشوفي مفعولها
الاولى..الصبر وربي يصبر الجميع
الثانيه..الوضوء والصلاه ركعتين والدعاء فيها
الثالثه..امسكي القران واقراي سورة ( يس )
الرابع.. الاستغفار بكل وقت وحين .
وادعيلي ربي يهون علي ويسخرلي الطيب من عباده فيه
صوره اشوفها لطريقة الاستغفار مية مره وانتي بفراشك وبدون غلط
بس ما جهازي ماينزل صور بسهوله يبيلها شغلانه المهم الاستغفار مو العدد.*

[عشق الطفولة]

حبيبتي المشاكل ما تنتهي لو جلسنا نعصب على كل مشكله بنتعب
اهم شيء صحتك و صحة جنينك
إذا شريك الحياه ما قدرك
انتي قدري نفسك
عليك بالدعاء باستمرار
و ثانيا تذكري انك حامل و تملكين قطعه منك داخل جسمك لازم تحافظين عليها حاولي هالفتره ترمين الدنيا بهمومها ورى ظهرك و تهتمي بصحتك يا قلبو
و الله يهدي النفوس و يكتب لك الطيب