هنوني هنوني يانااااس هنوني

ياويل حاااالي · 07-11-2010, 11:59 PM

السلام عليكم ورحمة الله وبركاته
رجعت لكم بعد غياب وتعب طووووويل.......
اكتب لكم معاناتي في الولاده.....

حسيت بألالام خفيفه اسفل الظهر استانست كثير انو هذا بداية الخير والجاااي اعظم طبعا هذا الكلام يوم الاثنين بالليل قلت بنام واذا زاد الالم رحت المستشفى الحكومي اخاف اروح المستوصف الخاص اللي اتعالج عنده وينوموني<<<<مسكينه انا
نمت وصحيت ولاحسيت ان الالام زادت للحين خفيفه جلست افكر والشيطان لعبها صح قلت ليش مااروح واشوف الرحم كم مفتووح عشان ابداء امشي واشرب محرضات الطلق جلست ابوالشباب اللي نايم قلت له ابي اروح المستشفى فيني الالام خفيفه وبشوف كم الرحم مفتوووح رحنا اكشفت علي وآآآآآه ليتها ماكشفت بغت تطلع روووحي قالت:ماما هزا رحم مافي مفتوووح لازم يسوي تخطيط قلت لها طيب على نياتي واروح ويحطون التخطيط جاتني الدكتوره ناظرت بالتخطيط قالت:فيه طلق بس رحم مو مفتوح
قلت لها:وش اسوي الحين؟
قالت:لازم تنويم عشان نحط لك طلق صنااعي
قلت لها:خلاص بروح وارجع لكم بعدين
قالت:لأ انتي تعديتي التاسع ولالازم تنويم
قلت:يؤ يؤ انا ماابي
راحت وقالت لخوينا بالله وقع على التنويم ويخذوني واجلس اصيح ابي اروح بيتنا اهئ اهئ<<<هذا وحده بتصير ام بذمتكم
المهم يجي المستشاري:ازيك ياساره
قلت:بخير
قال:بكره حنديكي طلق صناعي
قلت وانا معصبه:ماابي ابي اطلع
قال ببرود اعصاب:ان شاءالله خير
وطلع يالليل المستشفى طووويل صبحنا على الاربعاء
جات النيرس:يللا يللا ماما يقوم يفطر عشان يجي مستشار اللحين
والله قهر تحسين انهم ودهم يذبحوونك خاصه مستشفى الولاده بالدمام كريهين بقوه معاملتهم زفت
جابوا الفطور كرم الله النعمه مااشتهيت اكل من اكلهم
جاء الاستشاري الساعه عشر الصباح وهم مصحيني من الساعه 7ونص
قال:ازيك
قلت:تمام
قال:يللا كشف
قلت:لالا ماابي
قال:ازي يعني لالا
قلت:ابي سستر تكشف
جات واكشفت ارحم مسكر حطوا لي تحميلة الطلق الصناعي بس بغيت اموت
قال:طبعا مافيش حركه لساعتين
واجلس من الساعه عشر لين الساعه وحده واقوم امشي في سيب المستشفى جات النيرس :ساره
قلت:اي
قالت:يللا تخطيط قلب
اووووف طفشت والله طفشت حطت التخطيط واجلس ساعه كامله
جاء وقت الزياره واجلساصيح على زوجي الا طلعني ماابي ماابي اقعد ويطلع ويتركني لحالي نفسيتي زفت قسما بالله جات الساعه 6النيرس سوت كشف وتحميله الطلق الصناعي قالت:مفتوح الرحم 2 سم
فرحت جاني الفرج واجلس ساعتين عالسريرلما جات الساعه تسع ونص قمت امشي في السيب واتعرف على الحريم وكل وحده تقول مشكلتها سهرنا لين الساعه 3ونص الفجر يوم الخميس تجي النيرس كشف وتحميله ثالثه قلت في نفسي الحين بتقول 3سانتي 4سانتي لما كشفت قلت كم سستر مفتوح قالت 1سانتي ياالله تو اثنين كيف صار 1سانتي واجلس على السريرانحصرت واقوم وادخل دورة المياه الا تحميله تطيح مني خفت اقول لهم ويعصبون علي قلت ماراح اقول طلعت رحت اكمل السهره لين الساعه 6 واحنا سوالف في السيب وتجي النيرس تخطيط قلب قلت لها سستر سوي كشف كم رحم مفتووح كشفت:رحم مسكر
واجلس الصيح قلت ابي عمليه قيصريه
قالت النيرس السعوديه:خلاص اذا جاء الاستشاري يوم السبت قولي له
يالله وش يصبرني للسبت وش يجيبه الليل طويل في المستشفى نمت الساعه 7 الصباح على ماخلص التخطيط<<<<ادري طفشتم ويمكن يصيرمالكم خلق بس حابه افضفض ياليت تستحملون شوي
واصحى حق الفطور غصبت نفسي واكلت صحيح زوجي جاب اكل معاه كيك وعصير وشيبس بس مو مثل البيض والحليب جاء بعد ماخلصت نمت ويصحوني الظهر تخطيط قلب طفشوني من التخطيط الله ياخذهم وجابوا الغداء شربت المرق واكلت الرز بس مااكلت اللحم نمت وصحيت وقت الزياره الساعه 4ونص يجي زوجي واخته وامي معهم سوالف وضحك جابت اخت زوجي القرفه وكف مريم قالت اذا جاك الطلق شربيهم وطلعوا بعد صلاة العشاء صليت العشاء قريت قرءان خلصت جابوا العشاء تعشيت وجلست اسولف مع اللي جنبي لين الساعه 2ونص صليت صلاة الليل وجلست اكل كيكه وعصير لين اذن الفجر يوم الجمعه صليت قريت قرءان ونمت صحيت الساعه 7ونص وقت الفطور فطرت جابوا التخطيط وقياس الضغط قلت:هاه سستر في طلق
قالت:ايوه بس خفيف
مضى نص الليل الساعه 1كامله جاني الطلق وانا جالسه اسولف قلت بيروح بس يزيد واقوم اكلم زوجي قلت حاسه بطلق بس اخاف اكشف قنعني اني اكشف وناديت النيرس وسوت لي كشف قالت 2 يأست قلت بيسكر الرحم جلست لين الساعه 3ونص صليت وقريت قرءان دهنت نفسي بزيت الزيتون اكلت تمر ابي انام اي نوووم والالام مستمره وتزيد دخلت دورة المياه الا اشوف قطعة دم خفت ناديت السستر السعوديه وقلت لها قالت ايوه هذا بداية الطلق واجلس اطوي الالام لين الساعه 10 الصباح يوم السبت لبي الاستشاري يجي ججاني قال:هاه ياساره مابتحسيش بالالام
قلت:لا ابي عمليه قيصريه
قال:لا مافيش حنحاول مره تانيه طلق صناعي ازا مانفع سوينا عمليه
قلت:لا اكتب لي الحين عمليه او سو لي خرووج
طلع وماعطاني وجهه
جات الساعه وحده وانا اتالم اخاف يكشفون ويقولون الرحم مسكر جلست امشي في السيب واقراء الزلزله والكرسي وادعيه واصلي على محمد ساعتين وانا امشي في السيب زادت الالام دخلت الغرفه دقت علي امي:يمه تعالي لي اهئ اهئ انا محتاجه لك
امي تصيح وانا اصيح جات حاولت يدخلونها مارضوا لها وانا من شدت الالام اتعلق بستارت المستشفى جابوا الغداء ابي اتغداء ماني عارفه غصبت نفسي على طول رجعت اللي بطني كله واصيح ويكلموني زوجي وامي وام زوجي وانا لأ خلاص لما تعبت ناديتهم يسوون لي كشف قالوا 3ونص سانتي آآآآه واخيرا غيروا لي ملابسي وابرة مغذي في يدي بس مايحولون غرفة الولاده الا لما يفتح 4سانتي واجلس امشي واكل تمر لين وقت الزياره جات امي واخت زوجي وزوجي ويشربوني قرفه خلاص فزعت القبايل بصراخي من الالام وتجي كشف 4 ونص على طووول غرفة الولاده نزلوني واجلس اصيح ابي امي ابي امي<<<<نفسيتي في الارض
تجي النيرس:انته سعودي يجي هنا آآآه آآآآه بعدين لما يطلع من الاربعين في يخش تحت بطانيه ويفك الرجوول وبعد تسعه شهر يرجع هنا
وانا خايفه منهم ولاني قادره ارد بس سبيتها ولعنتها في قلبي
جلست اطلق لين الساعه 9 الليل جات الدكتوره
دكتوره عطشانه ابي مويه ريقي ناشف
عطتني ماي من العطش قام يتدفق كاني في صحراء
قالت:الحين لازم نقض موية الراس عشان تولدين بسرعه
قلت سووي اللي تبين وفقعتها وينزل ماي دافي بس زاد الطلق يجون يسوون كشف الساعه عشر 6سانتي الساعه11 7سانتي
الساعه 12 8ونص سانتي الساعه وحده 9 سانتي قمت الساعه2 صباح الاحد قمت ازحر لحالي جات النيرس:لالا ماما مافي يسوي كذا هذا رحم يتمزق سوت كشف عشر واخير وادخل غرفة الولاده يللا ماما انا في يعد ياخذ نفس ويزحر 123 اممممممممممممممممم وقفت يللا ماما مره ثانيه 123 اممممممممممممممم
يللا ماما قرب راس ياخذ نفس طووويل 123 اامممممممممممممممممممممممممممممممممممممممممممممممم ممممم
ويطلع دحووومي<<<<والله كنت حالفه اذا شفته اضربه بس لما شفت السستر تضربه عشان يصيح صرخت عليها لالا سستر ولدي جان حطته على صدري بدمه والاوساخ اللي فيه لميته وحبيته خذته مني جلسوا يخيطون الجراحه بس اتالم بقوه تحملت والدكتوره تسولف معي قمت بعد ماخلصت تنظيف وجراحه طلعت غرفة الاستراحه واسمع ام زوجي وامي يدقون على المستشفى والحمارين يقولون لهم اني ماولدت جاني زوجي وقت الزياره فرحان حده
هــــــــــــــنـــــــــــونـــــــــي هـــــنـــــونـــــــــــــي

ادعولي الله يخلي لي دحومي ولايحرمني منه

وســـــــلامــــــــتـــــــــكــــــــــــم واسفه على الاطاله وعذروني انا بوقت النفاس وماراح ادخل دايم