انا بحاله مايعلم بها الا الله

[درة المنتدى]

السلام عليكم ورحمة الله وبركاته
انا حامل لي 6اسابيع وقالت الدكتوره يمكن ينزل لانه الله يكرمكن تنزل افرازات بنيه واحيانا دم احمر وكنت ااشرب قرفه لاني كنت ابي انزله لاني خايفه من الحمل لاني حملت قبلها مرتين قيصريه وولدي له سنه ونصف تقريبا كنت بحاله نفسيه لما عرفت اني حامل ابي النصيحه وماابي لوووم وعتب لاني بحاله مايعلم بها الا الله البارح رحت للدكتوره قالت لك موعد اشعه الثلاثاء الجاي واخاف اسقط وخايفه من عمليه التنظيف انصحوني ايش اعمل

[همسة دلع]

اولا كان الله بعونك
ومهما كانت الاسباب مو من حقك انهاء حياة جنين اوجده الله في رحمك
لاكن اعذريني لاني مستحيل اتعاطف مع كل من تقرر الاجهاض
كل اللي اقدر اقوله زي ما كانت عندك القدره والشجاعه على اتخاذ قرار الاجهاض
اذا تحملي النتائج مهما تكن
روحي شوفي قسم العقم وهناك تلاقين النسااء اللي تتمنى تحمل لقب ام وشوفي معاناتهم
واعذرني على الحده في الكلام

[حساويه عسل]

والله حرام وش شعورك لو ماحملتي مره ثانيه


الله بيعاقبك

انا اول ماولدت فبنتي كنت اقول يارب مااحمل وماابي احمل

واخذ موانع وامي ماتدري والله لي سنتين ونص اتعالج

وبدعاء امي اللحين حامل


والله حراااام ناس تتمنى العيال وناس تقتله

لاحول ولاقوة الابالله


والله خالي 20 سنه متزوج وماعنده عيال وخالي الوحيد

وانتي تقتلينه وش شعورك لو زوجك تزوج وعليك عشانك ماحملتي ثانيه


اختي استغفري ربك انتي سويتي ذنب وقتلتي روح

الله ارحم فيها وامنها فبطنك وانتي قتلتيها


لاحول ولاقوة الابالله


ياااااااااااااااااااااااااااااارب رحمتك

[درة المنتدى]

همسة دلع مشكوره والله يوفقك انا عارفه اللي سويته غلط بس ربك يهونها انشاء الله وانا مستعده اتحمل اللي يجينيِ

[درة المنتدى]

حساويه عسل الحمدلله لسى باقي بطني وان شاء الله بيبقى لان الله فوقي وارحم بعباده وانشاء الله ربي مايعاقبني ويتم حملي بس دعواتكم ياخواتي لاتزيدونها علي ادعولي

[طفله بنظر زوجي]

كل شي بتقدير الله والله زوجت اخوي جملت وولدها عمره سنه وتطلع وتنزل وشربت قرفه وقشر وحجت وكانت تنطنط وتجري في الدرج هي بالدور الرابع ويوميا طلوع ونزول ولا ولدت الا بالعاشر وكانو مقررين لها عمليه بس ربك يسرها يعنى لاتلومين نفسك الله اعلم بحالك وهو الي يتدبر امرك

[درة المنتدى]

طفله بنظر زوجي روحي ياشيخه الله يفرح قلبك مثل مافرحتيني وجبرتي بخاطري الله يسعدك دنيا واخره انشاء الله يبقى بطني ويسرها ربي لاني اكيد بجيب بعمليه الله يحقق اللب بخاطرك ياارب

[حساويه عسل]

الله يثبته لك ياااااااااارب

وتشوفينه بين ايدينك ياااااارب يااكريم

ادعي بسجودك والله ندمت باللي كتبته من شوي بس عصبت

سامحيني


بدعي لك وادعي لي الله يثبت حملي

[درة المنتدى]

حساويه عسل فوووووق راسي يالغاليه والله يسعدك دنيا واخره ويثبت حملك وتشووووفينه بين ايديك احلى قمر ويثبتحملي ويغفرلي ربي سبحانه بشريني اذا ولدتي بتابعك هناااا

[حـــــرف]

ما أقول غير الله يسامحك ويثبته لك