سااااااعدوني ..رجاء لكل الامهات

[زهرة البنفسج]

انا والده لي 21 يوم ..مره تعبت من ولدي داااايم يبكي لين يروح صوته ويحمر ويفهق اخاف عليه مره.. ماخليت شي ماستخدمته يانسون ..دنتينوكس ..موية غريب ..نقاط مغص ..مافي فايده ..غيرت الحليب بناء على رأي الدكتور من سيميلاك الى فبي ميلك1 ..بس زاد المغص عنده مع مرور الايام مدري ليش كل يوم يبكي اكثر ..اشيله مافي فايده ..والله مررره تعبت هذا غير انه نفسيتي تعبانه صرت لابكى ابكي معاه..واكره كل شي ..وماابغى اكل ...ولاجا الليل اكرهه ويجيني ضيقه فضيعه ..مدري ايش اسوي الله يخليكم سااااعدوني بأي حل والله تعبت لدرجة نفسي اموت استغفر الله مدري ليش هذا الاحساس اعرف انه حرام والحمدلله ان ربي رزقني بعد هذي السنين انا نفسي مدري ليش احس كذا ..
الله يسعدكم ابي شي يهدي ولدي يخليه ينام صرت احزن عليه وجهه ماينشاف من كثر مايحمر ويبكي ..
ردوا علي تكفون

[زهرة البنفسج]

الله يخليكم ردووا

[زهرة البنفسج]

اخاف ولدي يصير فيه شي من كثر مايبكي

[زهرة البنفسج]

رفففففع
سبحان الله

[دلوعة عبودتي]

والله حبيبتي مدري بس بنت اخوي وهي على هادا الحال وما خلو فيها مستشفى وماطلع فيها شي بس كدى والله تبكي طول ماهي صاحيه ماتسكت الا لما تنام لين سار عمرها 6شهور اما الان ماتسمعين صوتها مودبه جدا وهااااادئه قصتها ماتتصدق سبحان الله

[زهرة البنفسج]

مشكوره حبيبتي
بس مافي حل يعني؟؟؟

[مستقبل]

الحل بيدالله سبحان وتعالى اقرائ لها ادعيه واذكار الشفاء لله ياختي واحمدي ربك انه رزقك طفل معافه مندون نقصان وعلى البكاء عادي حتى ٦ شهور مادام مو مريض استحمليه واصبري والله يهون عليك

[مستقبل]

جربي شاي اطفال يباع في صيدليه مهدئ ويخلي طفل ينام والله انا حاسه فيك ياختي بس اصبري وعلى فكره نفسيتك تلعب دور كبير على الطفل خليك هادئه لما يبكي لاتصبي ولاتلعني حاولي تكوني متماسكه

[همس الزمان]

عمر ولدي ثلاثة شهور مثل حالتك بس الدكتور كتب لي للغازات البطن disflatyi مرتين في اليوم
ارتاح فيها كثير

[ضجيج خيبه]

ولدي البكر كذا كان يبكي ليل نهار وماخلينا مستشفى ورحناه

وترا طبيعي لاتخافي ان شاء الله... جربي شاي اطفال مثل مافالت مستقبل

وان شاء الله ينفعه