مالي اي موعد بالتاسع..عادي يا كراريش؟؟

[!ღ.¸¸.فاهمه صح.¸¸.ღ]

صباح الخير والشهر عليكم مبارك
يا حبايبي انا بالشهر الثامن وهذا اول حمل لي
وكان اخر موعد لي بتاريخ 30-8
يعني قبل رمضان بيوم << طيب اختصري
الموهم الدكتوره المصونه اعطتني موعد باخر يوم لي بالتاسع
وانا بدخله يوم 15 رمضان والموعد 15 شوال
يعني طوال شهري التاسع ماراح تشوفني ولا تكشف علي
هل هذا الشي عادي؟؟؟
علما بأني اراجع بمستشفى العسكري بالرياض

[حلاااااا]

هلا وغلا

لا حبيبتي اقل شي موعدين او 3 في الشهر التاسع
علشان تتطمن على وضع الجنين والمويه وتتابع دخول راسه بالحوض

الله ييسر لك يارب

[!ღ.¸¸.فاهمه صح.¸¸.ღ]

مشكوره عزيزتي ع التواجد
طيب وش ممكن اسوي؟؟؟

[ليتني طفل]

السلام..اختي انا مثلك بالثامن وبكريه..كان موعدي 30-8 ...{{صدفه}}
ورحت لهاا..وعطتني موعد 7-10يعني قبل موعد الولاده بايام وطول رمضان ماعندي مواعيد..وسالتهاا..قالت عادي مش ضروري بس لحسيتي شي تعالي..وانا وخيتك توكلي على الله..

[ام الشيخ محمدالصالح]

ربي يسهل عليكم

[جريحة المحبه]

لاتصيرين مثلي اهملت مواعيدي بالشهور الاخيره اما بالشهور الاولى اول بااول >>متحمسه

ومن الثامن بتنزل علي مويه ع خفيف واهملت لين قلت المويه وقرروا لي قيصريه

الحمد الله ع كل حال

بس اهم شي انك تروحين لو لمستشفى خاص تتابعين حالتك

الله يقر عينك بطفلك

تحياتي القلبيه

[هدوء انثى]

لا لا لا مو عادي من جدها ذي
بالعكس بالشهر الاخير تكون 4 مواعيد كل اسبوع موعد غير الاشهر الاولى
نصيحتي لك اما تكلمينها او تشوفين وحده ثانيه وبالسلامه

[محبة الجنان]

هذه مشكلة المستشفيات الحكومية
في المستشفيات و المستوصفات الخاصة من تدخلين الثامن تراجعين
كل أسبوعين
أنا مثلك كنت داخلة التاسع وعطوني موعد بعد 3 اسابيع
قبل ثلاث أيام من ولادتي
بس ضروري تراجعين لو مرة وحدة بالخاص تطمنين على وضع البيبي
الله يسهل أمرك ويقومك بالسلامة

[سارونة الكويت]

لااااااااا نصيحه يا اختي اهم شي التاسع لاسمح الله تقل وظيفة المشيمه او يقل الماي او تجيك التهابات

لازم اقل شي كل اسبوعين يعني موعدين بالتاسع

بالسلامه

[ام الخير]

بصراحة احنا عندنا العسكري اللي بجده لو بالثامن كل اسبوعين زياره اما بالتاسع مرة كل اسبوع وع اخر اسبوع اشعة تلفزيونيه وانا انصحك روحي ع العيادات الخارجيه وسجلي وقولي لهم ابغى نسا وولاده وتابعي معاهم ع الاقل او ممكن تعطيك تحويل وتسوين موعد وبكذا يرجعو يتابعوك عاد ادري انتو مثلنا اولا ولا تستحين ياقلبي اطلبي حقك واذا مرة مافي فايده ربي يعينك روحي مستشفى خاص بس اصحك تسمعي لكلامهم ع نهاية التاسع تروحي لو فيه شي والله يسهل لك ولجميع الحوامل ولاداتنا