تجربتي مع الدكتور بندر العبد الكريم

[طهرر السماء]

السلام عليكم ورحمة الله وبركاته

سمعت مدح كثير على الدكتور بندر وانه يستخدم الطريقه الحديثه لتحفيز
وكان هو الوحيد المتخصص بذلك فتحمست اتعالج عنده
اخذ موعد بالحبيب عند الدكتور وكان بالصدفه اليوم العاشر من الدوره .
طلب مني اسوي تحفيز وسويته كان الم خفيف لايذكر ولا حتى اخذ دقيقتن
بعدين قال شوفي اللي بالعلبه كان قطع لونها وردي فاتح على ابيض
قال ماشاء الله تبارك الله الرحم نظيف . وعطاني موعد 21 من الدوره
لتحفيز الثاني . عطاني مضاد 3 ايام واسبرين وحمض الفوليك .
بعدين رجعت له وسويت التحفيز الثاني . واعطاني نفس الادويه ..
قال تعالي ثاني يوم من الدوره ورحت له وعطاني ابر منشطه تحت الجلد
استخدمها بتوقيت معين وبعد خمس ابر سويت اشعه وكان الوضع تمام واعطاني
ابر منشطه نفس الاولى كان مقاسها 225 واعطاني زياده ابره 150 اعتقد مدتة ثلاث ايام
وسويت اشعه وزاد كمان يومين نفس الادويه وبعدها سويت اشعه
قال خلاص وقفي الابر وصرف لي ابره نفس اللي استخدمها 150
المغرب ضربتها وابره التفجيريه على الساعه 1 بالليل وقال تعالي بعد بكرة لعملية السحب
كان التفجيريه يوم الثلاثاء والعمليه الخميس . سويت سحب طلع 10 بويضات واللي تلقح
6بويضات سويت فحص وراثي للاجنه قبل الترجيع وصار جنين واحد هو السليم
من الدرجة الثالثه الحمدلله على قضاءه والله يطرح فيه البركه ..
سويت الترجيع بخامس يوم ...والحمدلله الان لحظة انتظار
دعواتكم لي بثبات جنيني وان يكون سليم الخِلقة والخُلق ..