يارب ماتخيب ظني

[Um maha]

السلام عليكم ورحمة الله وبركاته ..
حبايب قلبي لي 3 شهور اتابعكم واتمنى كل شهر اكتب قصتي مع الحمل
بس ما الله اراد سبحانه
بختصار حابه اخذ رأيكم ومشورتكم يارب ماتقصرون معي ،،
انا لي 3 سنين متزوجه اول ماتزوجت حملت على طول وجبت بنت الله يخليها لي
وبعدين وقفت سنتين بواقي طبيعي فقط اول كم شهر اخذت حبوب ووقفت ،
وقبل 3 شهور رحت للدكتوره وكلي ثقه بنفسي اني راح احمل على طول
قلت لها بعد الله ابي احمل بولد وقالت تعالي ثاني يوم الدوره
رحت لها وسوت لي سونار بعدين قالت تعالي بعد كم يوم ما اذكر با الضبط
رحت لها وكشفت علي قالت عندك بويضه حجمها 21 والحين خذي الصوديوم
قبل الجماع مرتين كل يوم مره وخلاص وكنت متامله خير وواثقه اني بحمل بس
للاسف جت الدوره قبل موعدها بيومين .. قلت اكيد من الصوديوم طبعا هو جاهز
في الصيدليه .. بعدها مارحت لها وجربت طبيعي تقريبا كل يومين بعدها تفاجات بعد
نزلت الدوره قبل موعدها بيومين انصدمت وصحت لين قلت بس وبعدها نفس الشي جربت ونفس الشي
تتقدم يومين قلت خلاص لازم اشوف وش السالفه .. رحت للدكتوره وقالت لازم نسوي تحاليل كامله
سويت وكلها سليمه بس تحليل الاباضه طلع ناقص للاسف وعطتني من ثالث يوم الدوره
حبوب فيمارا 5 ايام مرتين في اليوم وبعدين يوم خلصت شافت بويضتين وحده 16 والثانيه 8 عطتني ابرتين
لمده يومين رجعت لها صاروا 20 و13 وقالت خلاص الحين بعطيك ابرة التفجير 5000
واخذتها الاحد اللي راح مو هذا وصار جماع مثل ماقالت واكثر ..
سؤالي الله يوفقكم جميعا ( سابع يوم بعد الابره ) جاني الم دوره قوي مره ظهري وبطني
وسويت تحليل بول طلع خطين مت من الفرح مع اني ادري انه من الابره
وثامن يوم بعد جاني الم دوره
واليوم خف الالم تاسع يوم من الابره
هل ها الشي يبشر بخير احد يطمن قلبي الله يخليكم واللي ماعندها علم تدعيلي
ولكم با المثل
ادري طولت عليكم بس اول مره اشارك وحبيت اطلع اللي بقلبي لأحد لان محد يدري
عن ها الموضوع وشكرا جميعا لكم

[طمطام]

ان شاء الله حبيبتي خير اتمنى ربي يفرحك بالحمل السليم المعافى .. ما عندي فكرة ان شاء الله البنات تجيبك وتبشرينا ان شاء الله

[Um maha]

المشاركة الأصلية كتبت بواسطة طمطام

ان شاء الله حبيبتي خير اتمنى ربي يفرحك بالحمل السليم المعافى .. ما عندي فكرة ان شاء الله البنات تجيبك وتبشرينا ان شاء الله

الله يجزاك خير حبيبتي والله يفرح قلبك با اللي تتمنين

[راجية رضا الرحمان]

ربي يفرحك و يفرحني و كل منتظره يااارب
اتمنى البنات يفيدونك

[Um maha]

المشاركة الأصلية كتبت بواسطة راجية رضا الرحمان

ربي يفرحك و يفرحني و كل منتظره يااارب
اتمنى البنات يفيدونك

الله يجزاك خير ولك با المثل

[Um maha]

بعد الله يخليكم اللي تعرف سبب نقص البويضه تعلمني للشخص السليم لان الدكتوره ماعطتني جواب شافي
قالت عادي تمر المرأه بظروف في حياتها بس ما اقنعني جوابها
اتوقع فيه اكيد سبب ..

[عايشه يوسف]

يمكن تحتاجين فتامينات غذا النحل والعسل وحمض الفوليك هذا اللي اقدر افيدك والله يبشرك باالحمل يارب
وترئ كثر التفكييير يدمر النفسيه

[Um maha]

المشاركة الأصلية كتبت بواسطة عايشه يوسف

يمكن تحتاجين فتامينات غذا النحل والعسل وحمض الفوليك هذا اللي اقدر افيدك والله يبشرك باالحمل يارب
وترئ كثر التفكييير يدمر النفسيه

اعطتني مثبت وحمض الفوليك لمده 15 يوم
الله يجزاك خير

[zo0on]

الله يفرح قلبك وتحملين بولد يارب

[مارس وشاي]

الله يفرح قلبك وتشيلي ابنك وتضميه يارب ويرزق كل محرومة والله يااختي ماعندي اَي خلفيه عن سؤالك ان شاء الله البنات يفيدونك