الم اسفل البطن بعد اخذ الكلوميد ...يلي جربت الكلوميد اتفيدني والله يرزقها توأم صبيان

[بسمة أمل 111]

مسا الورد بنات
حابة احكيلكم شو صار معي هادة الشهر عشان يلي صاير معها اشي متلي اتفيدني
انا اخدت كلوميد من تاني يوم الدورة لخمس ايام وهاي اول مرة باخدو
ومن بعد توقف الدورة مباشرة صارت تنزل عندي افرازات مايلة لالاصفر الفاتح بعدها اتحولت للأصفر المايل للاخضر لمدة تقريبا تلات او اربع ايام ....وتوقفت الافرازات وفي يوم 12 من الدورة رحت للدكتورة انصدمت وقالتلي البويضات كتير صغيرة
يعني حجمهم كان 12 ...قالتلي تأثير المنشط مش ظاهر ابدا وشكلو تبويضك متأخر هادة الشهر وقالتلي تعالي في يوم 15
رحت قالتلي الحجم صار ممتاز وهلأ ظهر تأثير المنشط صار خجمها 20 وحددتلي الجماع يومها في الليل ..بس الغريب اني انا ما شفت ولا اي افراز في ايام التبويض ومن تاني يوم يعني بكون يوم 16 من الدورة ولحد هلأ عندي الم قوي في اسفل بطني وظهري متل الم الدورة والله بحس بدها تنزل مع انو لسة موعدها كتير مطول والوجع مستمر ما بروح ابدا واحيانا بحس شد في اسفل بطني بحس اسفل بطني مشدودة متل الحامل في الشهر الرابع او الخامس
بنات انا خايفة اتكون البويضة ما انفجرت واتحولت لكيس لانو انا كنت بعاني من مشكلة اكياس على المبيض يا ريت اتفيدوني هادة الوجع شو سببو وكل يوم بزيد
بس حابة اضيف انو انا نادرا ما بشوف افر ازات يعني في الابام العادية مش دائما بشوف افرازات تبويض بس اتوقعت مع الكلوميد اتكون موجودة