موضوع هـآآم/المنطقه الحساسه

[مودي]

الموضوع يمكن تحسونه محرج شوي


بس نحن ما بندخل في مواضيع محرجة


نحن بنتكلم عن أمور هامة للبنت والمتزوجة معاً


موضوعنا خاص بنظافة المنطقة الحساسة

وهالموضوع كثيرات منا ينحرجون انهم يكلمون خواتهم أو امهاتهم فيه


ونحن هنا بنفيد بعض وبننصح بعض ان شاء الله



وأمــــــــانة اللي تستفــــــــيد من موضوعي
تدعيـــــــــلي إنـــــي أتوظـــــــــــف و الله يرزقـــــني بالزوج الصــــــــالح


* * * * * * * *

أول نقطة بكلمكم عنها هي



** 1 **


إزالــــــــــة الشعر من المنطقة الحساسة


وتراه موضوع وايد مهم


وبصراحه استغرب من أنه في بنات ما يشيلون الشعر بشكل كامل إلا قبل ما يتزوجون

زين ما تفكرون يا بنات ان وجود الشعر في منطقه مغلقة وما فيها تهوية شو ممكن يسوي ؟؟؟؟؟؟؟


اتخيلوا معاي ما يلي /////


شعر + رطوبة + حر + افرازات = عفن الله يكرمكم !!!!!!!


لهالسبب خلونا نتفق إننا نتبع السنة المطهرة ونشيل الشعر من المنطقة بعد كل غسل من الدوره الشهريه

والله يا بنات راح تحسون بعد كم شهر إن الموضوع صار سهل وعادي ورئيسي بالنسبة لكم

وبالنسبة للي يعانون من الألم أو ما يعرفون يشيلون


نصيحتي لكم ////////

1- لا تشيلين الشعر بالموس ، لأنه بيكثف الشعر وبيصير موضوع انج تشيل بحلاوه امر فظيع ومتعب

2- استخدمي الحلاوه ( السكر او الشمع البعض يسمونه )

هو صحيح متعب ، لكن مع الممارسه والله يروح التعب ، ولا تصدقون اللي تقول ان الحلاوه ترهل

لا

الحلاوه تنظف الجلد اكثر من الموس

وتشيل الجلد الميت وتجدد البشره


طيب كيف نشيل ؟؟؟

لو كانت هذي المره الأولى اللي بتشيلين فيها بالحلاوه

لا تتوقعين راح تقدين تشيلينها في يوم واحد !!!! لا

ممكن تاخذ معاج يومين او ثلاثه حسب تحملج للالم

بس مو مشكله ، المهم نتعود وصدقوني بعد 3 أو 4 محاولات راح تصيرين تشيلين بنص ساعة بس واضمن لكم هالشي

والاهم عند النتف *** خذي قطعة صغيره من الحلاوة بين اطراف اصابعك الاول والثاني ( الابهام والسبابة ) وانتفي كل 3 أو 4 شعرات في كل مرة لتخفيف الألم

وبالتعويد راح تصير المسأله سهلة وسريعة

بالاول ابدي من فوق وشيلي منطقة العانة

والاماكن العميقة تحت شيلي بالاتجاه من تحت الى فوق وبيكون الالم اخف ، واسمحولي ما اقدر اوضح اكثر

بس يا رب اكون وصلت المعلومه وافدتكم

-----------------------------------------

بعــــــــــد إزالــــــــــة الشعر من المنطقة الحساسة


الآن صارت المنطقة خالية من الشعر بشكل كامل الحمد لله

بس انتبهوا


المسامات مفتوحه والفرصة صارت كبيره لاقتحام البكتيريا لها !!


وأكيد كثيرات منكم لاحظوا إنه بعد ما يشلون المنطقة بالحلاوه تطلع لهم حبوب حمرا وبيضا صغيرة بس كثيره

ويكون شكلها غير محبب


إذن الخطوه الان اننا نطــــــــــــــهر المنطقة

ونخلصها من الرائحه خصوصا بعد الدوره الشهريــــــة


عندنا أمرين مهمين للتطهير والتعطير ////////


** 1 **

المســـــــــــــك

والمسك سنة من الرسول عليه الصلاة والسلام

( واللي تبي طريقه التطهر بالمسك تقولي وبحط لها الطريقة )


** 2 **

استخدام غسول مطهر

وهذا أفضل غسول مطهر ، وأنا جربته شخصيــــــــــاً



إسمه Cyteal

وهو مناسب للمتزوجات والبنات

وهو متوفر بالصيدلية وسعره 22 درهم فقط !!!!

وحتى الطبيبات بنصحون فيه

وريحته حلووووووه

وطريقته كما يلي :

( هاتي كوب بلاستيك وصبي مقدار غطاء من الغسول ، وبنفس الغطاء صبي مقدار 10 أغطية ماء دافي على الغسول **لازم نخففه ،، انتبهي مو تستخدمينه بدون تخفيف ** )

واغسلي به المنطقة

( البنات انتبهوا بس اغسلوا من بره ، يعني غسول خارجي بس )

وبعدين اغتسلي بماء نظيف حتى يروح كل أثر الغسول

وأضمن لكم يا بنات

والله من استخدمه والحمــــدلله (( ما شـــــــاء الله )) صارت ما تطلع لي حبوب بعد النتف

وتبقى المنطقة صافية ونظيفة

وللعلم الغسول هو غسول مطهر ضد البكتيريا

لأن البكتيريا هي سبب الحبوب ـ2


وهــــــــــــــام جداً


لا تستخدمين الغسول كل يوم

استخدميه مرتين أو ثلاث بالأسبوع فقط مو أكثر




-----------------------------------------

بعــــــــــد غسل المنطقة

الآن جففي المنطقة بشكل تااااااااااام

والجفاف مهم جدا بعد كل استخدام لدوره المياه الله يعزكم

يعني كل مرة تدخلين الحمام لازم تجففين المنطقة بكلينكس نظيف ، وتمسحين من فوق لتحت مهم مو من تحت لفوق حتى ما تنقلين البكتيريا

وبعد التجفيف البسي ملابس داخلية قطنيــــــــــة

مو نايلون أو ما شابه

وأفضل تلبسين شورت قطني

وربي يمتص العرق والرطوبة ويحسسج بنظافة مو طبيعية

وهــــــــــام جداً تغيرين الأندرويير كل يوم ولو قدرتي مرتين باليوم بعد ممتاااااااااااز





وبعد هذا كلـــــــه أضمن لج منطقة نظيفة بدون رائحة أو التهابات او حبوب او حكه

وبالنسبة للي يعانون من افرازات او التهابات

انصحكم يا بنات تروحون لطبيبة

والله حرااااااااام تهملون انفسكم ـ2

انا اعرف وحده كانت تعاني من التهابات وافرازات وما كانت تتعالج

مسكينة الحين متزوجة من اكثر من 4 سنين وما يابت يهال

الله يرزقها بالذرية الصالحة يا رب

ترى والله الالتهاب مصييييييييييييبه

..

واتمنى التوفيق للجميع<<دعواتكم ربي يوفقني مع من احب..

[demoshka]

ربي يعطيك العافية عالمعلومات والنصائح وانشالله البنات يستفيدو من الموضوع

[بنووتهـ كيووتــ]

هلا بكـ

الله يوفقكـ مع من تحبين

بس اختى تدرين ان الحلاوه تجيب شلل حتى
معنى الحديث رسول الله حلق العانه ونتف الابط

نصيحه كم وحده تنشل من الحلاوه انا كنت استخدمهـ بعدين خفت منه

يع ــطيكـ الفـ عـــافيهـ

تحــيااتى

[مودي]

[ام رشودي]

بالعكس الحلاوه تنظف وتشيل الجلد الميت
انا استخدمتها مرتين بس ما كملت لاني ما استحملت العوار

وان شاء الله بعد ما اولد برد لها

يعطيج العافيه اختي

[ام رشودي]

اختي بنوته كيوت
قريت عن هالموضوع وطلع كلامج صح انه يسبب شلل وموت الخلايا العصبيه ويسبب برود جنسي بسبب الم الشديد الذي يصيب هالمنطقه


شكرا على المعلومه

[خوخه طعمه]

السنه تقول حلق العانه مو نتف وبصراحه انا قد سمعت غير الشلل والبرود الجنسي انه يشيل الرحم من مكانه يعني لازم حرمه تمرخ وترجع الرحم في مكانه لانه ياخر الحمل زي ماسمعت والدليل ميلان وانقلاب الرحم كله من الحلاوه.....
عموما مشكوووووووووووره ياقمر عالمعلومات القيمه...

[خوخه طعمه]

اما حكاية انه يسبب البرووووووووووود الجنسي فهذا 100/100
وهذا كلام دكتوره قالته لاخت زوجي اعطتها شرح مفصل عالموضوع هذا

[سهونه]

يعطيك الف عافيه على الموضوع
وصح كلام الاخوات عن الحلاوه والرسول عليه الصلاة والسلام قاله حلق العانه ونتف الابط واكيد لحكمه في ذالك ...
وبامكانك بعد كل نهاية اسبوع تحلقين بالوس وبكذا مايكثر الشعر هذي طريقتي ومرتاحه معها ...

[مهاوي والقلب هاوي]

من جد الموضوع مهم ويعطيك الف عافيه

بس حبيت اوضح ان الرسول صلى الله عليه وسلم قال..(حلق العانه )وليس نتفها

وهذا يبين انه هناك امور كثيره فيها اضرار اذا نتفنا هذي المنطقه

وتقبلوا مروري