اعطوني حل مع نوم ولدي

[لحظة شروق]

السلام عليكم
بنات انا ولدي باقيله كم يوم و يكمل السنه ان شاء الله
مشكلتي معاه انو ما ينام الا لمن امسكه بالقوه و احط مخده و اهزه على رجولي حتى لو فيه نوم يجلس يلعب و يقاوم ما شاء الله عليه
بعدين تعود ما ينام الا بذي الطريقه و الله متعبه صراحه تخيلو دحين صار اذا مررره يبغى ينام يجيني و يجلس يبكييييي > يعني جاني النوم نوميني ☻ ... و ياويلي وقتها افكر اروح مكان على طول يزيد بكااا
طبعا انا يتقطع قلبي و اقوم اشيله و احطه على رجولي و اشتغل هز 😰
و طبعا اكيد بقولو جربي حطيه في سريرو و طفي النور > للاسف هو ما ينام الا الصباح و ابوه يكون نايم وقتها عشان الدوام .. لانو من يوم احطه في سريرو يطبق الدنيا 😩
دحين لي فتره اذا شفت انو بدأ يبكي عشان يبغى ينام احط مخده في الصاله و اسدحو عليها و كمان انا انسدح جنبو
و اصير زي الصنم و لا حركه عشان ما يبطل ينام 😪 اما هو يتقلب و شوي يجلس و شوي يبكي و بااااين ان فيه نووووم مدري ليش ذا العذاب 😑 و طبعا بعد ما روحي تطلع ينام يعني ممكن ياخذ من 1/2 ساعه لـ 45 دقيقه
😢انا ما ابغى اعوده على الهز ابغاه ينام لوحده
و كمان لمن اروح عند ناس من سابع المستحيلات ينام في ازعاج و اصوات و قرقره و غالبا يقلب نكد معاه اذا ما لقى الاجواء اللي هو يبغاها !!