الضيق المهبلي اللآيرادي Vaginismis

[yassmen]

السلام عليكم ورحمه الله وبركاته

انا بكتب قصتي وآسال الله انه ينتفع بها احد غيري مر بنفس التجربه

انا مشكلتي فالعلاقه الحميميه وما انصح اي احد مو متزوج بالقرآه لانها ممكن تشوه صورة العلاقه الخاصه في تصوره !

انا متزوجه من خمس سنوات وكانت فتره ملكتي سنه كامله تقريبا خلالها حبيت زوجي حب كبير والحمد لله بعدها تزوجت وكنا اسعد زوجين بالعالم . الي صار في بداية زواجي هو ان الجماع كان صعب بعد فتره تقريبا شهر تآكدت ان الجماع مستحيل !!

وكآن مافي فتحه فالمكان بالمره ! مع ان زوجي ماشالله تبارك الله آضخم مني بس حتى لما يمسكني بقوه ( بعد اتفاقنا طبعا) يقول كان في جدار !
انفتحت تقريبا بعد شهر او آكثر ويومها اتفقنا وجهزنا كل شي ومسكني بقوه وجعني بس صراحه مو ذاك الالم عادي بس المفاجئه كانت الدم نزفت نزيف مو طبيعي والله ما ابالغ لو اقول ان السرير آمتلئ دم والارض والحمام والمرحاض وانتو بكرامه !!!
هنا بدا الخوف وصار الموضوع مرعبني لدرجه مو طبيعيه
مع اني احب زوجي واحب كل شي معه بس الا انه يدخل هنا لا شعوري العضله تقفل وما اقدر اتحكم افتحها

اول زواجي كنت في امريكا وقالتلي الدكتوره ان اسم الحاله ( vaginismis ) ,الي هي الضيق المهبلي اللآرادي
طبعا قالتلي هذا اغلب علاجه نفسي انتي مافيك شي عضوي

اكيد ماصدقتها وقلت في نفسي هم الامريكيات يبدون الجنس فالمتوسط ويحطون التامبون ( الفوط الصحيه الي تدخل الرحم ( قلت اكيد انا ضيقه شوي وعادي طالما يدخل الراس. و الرجال يحبون كذا وزوجي كانه متقبل ومو مشكله

بعد فتره قررت احمل فكيت المانع وانا متخوفه ان هل ممكن احمل وهو مايدخل الا الراس وصدق ياربي لك الحمد حملت وكنت خايفه من الولاده لكن خلاف كل خوفي الولاده تعسرت شوي بس واسهل مما تخيلت
والمفاجىه ان بعد الولاده الحاله كانت مثل ماهي بالضبط !!!! يعني مو مشكله ضيق مثل ماقالت الدكتوره الامريكيه

جتني كآبه مو طبيعيه فالنفاس وبعد ماخلصت النفاس وحسيت ان الكآبه فكتني شوي الا تدبلت من الهم والتفكير وماقدر اعلم احد ! جربت قلت لوحده قريبه مني وقالتلي هذا دلع وزوجك مو رجال وكذا وهذا الكلام غير صحيح بالمره انا ماتدلع هذي مشكله حقيقيه قاعد اموت كل يوم منها وزوجي سيد الرجال وماتعيب رجولته انه مراعي زوجته وام اولاده !!

المشكله بعد تقريبا تسع شهور حملت مره ثانيه وهالمره بجد فرحت قلت اكيد الحين مستحيل ترجع الحاله بعد الولاده
ولدت طبيعي والحمد لله وعمر ولدي الثاني ٥ شهور والحاله ماتزال فيني

المهم
انا لي فتره اقرا واشوف فيديوات وقرررت قرار اني بتجاوز هذي المشكله باذن الله
شهر من اليوم واتجاوزها تماما واتعلم كيف اتحكم في عضلات الحوض وكيف افتحها تماما

اليوم رحت مستشفى وكلمت الدكتوره صحيح ماعجبني اسلوب الاستخفاف فيني جدا لكن كنت ماسكه نفسي لا ابكي ولا انفجر عليها بس عشان ابغا اتجاوز الازمه

قالتي ابغا اشوف زوجك حسيت انها مكذبتني ! قلت في نفسي لازم اذا ابغا اتعالج يكون زوجي حاضر اكيد
ناديته وكلمته الدكتوره وطلبت مني اخر شي انها تسوي سونار مهبلي وواففت لان وحده من الافكار الي جتني ان فيني ورم فالمهبل او شي فكنت ابي اسوي كشفيه اصلا طبعا مع الرعب القاتل الي جاني بس حطيت خوفي من الله من ذنب هذا الرجال قدامي
وسوت السونار بدون ما اصرخ واتشنج زي كل كشفيه بس عرق وخوف !بس قدرت اتغلب على نفسي والحمدلله ومسكت اعصابي

المهم قالتلي كل شي سليم وانا اعتقد مثل الدكتوره الامريكيه انه نفسي ونصحتني نصيحه ان احاول ادخل اصبعي ثم استخدم الموسعات وطبعا مع الاقتناع التام ان مافيني شي

بعد ماطلعت من العياده اعتذرت من زوجي علئ اسلوب الدكتوره الدفش لكنها والله مارضت تقولي وش كانت تبي منك بالضبط هو قالي لا لازم هذي مشكلتنا الاثنين وكذا بس بعدها لما رجعنا البيت كان مكتم تماما!!

ماعرف وش يفكر ومادري كيف اعرف هو في ايش يفكر !!! قبل ساعه نام وهو ساكت من بعد المغرب


قررت اتجاوز المشكله لاكن خايفه اني اكون خلقت مشكله جديده ! يمكن هالحين يشوفني اقل من بافي الحريم !

وش اسوي

[شوق وحنين]

مرحبا اختي..
قصتك مشابهة لقصتي كثيرأنا 3 سنوات كنت أعاني.
على الرغم من اني حملت وولدت خلال هالفترة بفضل الله، واستمر معاي سنة بعد الولادة.
بحثت كثير عن هالحالة وتثقفت وقريت تجارب ناجحة..
وتناقشت بعد مع دكتورتي الي قالت لي نفس الكلام الي كتبتيه.
وكنت متفتحة في الكلام مع زوجي بخصوص مشاعري وبخصوص الي أقراه.
لحد ما توصلت لقناعة شخصية إن خلاص لا يمكن الاستمرار على هالحال
وأصريت إني أتجاوز هالمشكلة.
والحمد لله أموري طيبة.

الموضوع يحتاج شوية شجاعة وإعداد نفسي

يعني خلاص انتي أنجبتي وعارفة إن المنطقة فيها سعة صح؟
طيب المكان الي الله يسر من خلاله خروج طفلين ما يكفي حق ال شسمه؟
طبعا يكفي!!
استخدمي الأصابع واحد بعدين اثنين بعدين ثلاثة.
وركزي في إن ترخين العضلات.
ويوم ورا يوم مع الاستمرار بيقتنع عقلك الباطني إن في سعة في المنطقة..
وإن الألم ناتج عن الخوف والتشنج.
بعدين اعتبري إن الـ شسمه هو أصابعك.
شوي شوي بالتدريج إن شا الله بيروح عنك التشنج.

[jojo 123456]

غلااا تي انتي فعلااا بمشكلة صعبة للطرفين الك ولزوجك

يمكن انتو تعودتو على نوع معين من الجماع * ما يألمك ويلبي رغباتك بشكل سطحي* وزوجك كمان يمكن تأقلم مع الوضع

بس الافضل تحاولي ما امكن تتغلبي ع المشكلة النفسية يمكن من الصدمة لي صارت عندك بأول يوم والنزيف

انتي حارمة حالك وزوجك من متعة حلال

وقت الجماع طفي الضوء وتسترخي تماما وشغلي موسيقى رومنسية وان شاء الله كلو تمام

[Um sara1]

ياعمري هذا مو اسمه ضيق هذا اسمه العلمي ((التشنج المهبلي اللاارادي))

وللاسف هذي المشكله قد تسبب انفصال لان الرجل خصوصا بالفتره الاولى من الزواج يحس حاله مو متزوج وينعكس عليها كل شيء والسبب عدم الوعي بهذا المرض
وفعلا كنت مثلك استشرت كذا وحده وقالوا ياغبيه الرجال يحب الضيق وكلام فاضي والا زوجك ماحولك احد وفعلا ظلموه ولعلمك قليل اطباء يعرفونه مع الاسف وهذي الي يسبب تفاقم المشكلة

وانا اسميه مرض لانه فعلا مرض زي اي مرض يصيب النساء وله علاج

حصل معي بداية زواجي ورحت لاكثر من استشارية وعلى مستوى عالي ومع ذلك كانو يقولون انتي دلوعه وينهالون علي بالمحاضرات رغم انهم يشوفون حجم الالم الي احسه بس محد عنده تفسير


الى ان قريت عن الدكتورة اماني شلتوت في مركز سمير عباس بجده وفعلا بعد الله كان الشفاء على يدها اذا قدرتي تروحيلها احجزي باقرب فرصه

بدت معي التمارين او الجلسات ربع ساعه كل يومين عبارة عن موسعات تبدى 1 ملم الى 7 ملم واكمل تمرين بالبيت وبعدين صارت الجلسة بشكل يومي لمدة اسبوع ورجعت المدينه واستمريت عليها اسبوعين وبعدها صار الموضوع طبيعي جداااا واذكر اني قابلت عندها متزوجات لهم خمس او ست سنوات يعانون من المشكلة نفسها وانحلت تماما


المرض هذا يحصل بنسبة كبيره بس بشكل صامت ونادر رجال يصبرون او يتفهمون الموضوع

والسبب ان عظلة المهبل تنقبض تماما وتمنع دخول اي شيء والممارسة العنيفه او الضغط يزيد المشكلة مايحلها

لان المرض عضوي صحيح لكنه مرتبط بالعامل النفسي والخوف من الجماع او حصول نزيف مثل ماقلتي وسببه اصراراكم على الايلاج رغم وجود التشنج وهذا اكبر خطأ وارتبط الموضوع ذهنيا بالدم والخوف وزاد التشنج او يعود من فتره لاخرى

[عبير الصيف]

الظاهر هالمشكلة تصيب جميع الحريم فبداية زواجهم
انا ظليت شهرين عذراء كل مايمسكني زوجي يتنفظ جسمي ومهبلي يسكر عالاخر وزوجي الله يخليه لي يارب كان يتفهم ويقولي خليكي الحين ارتاحي مافي شي
كنت احس باالالالالام الله وحدوا يعلم حجمها بس زوجي حبيبي كان يخليني على راحتي كل يوم يمسكني شوي لغاية ما افتضت بكرتي بس ظليت لسنة ونصف احس بالالالام عند الجماع بس الحين الحمد لله ماظل شي بالعكس
حبيبتي ترى النفسية تلعب دور كبييييييير انتي حاولي تتغلبي على خوفك انوا ماراح يصير شي ما تخافي حاولي تسترخي وماتفكري بشي وإنشاء الله تتجاوزي خوفك وتعيشي حياتك بشكل طبيعي

[انثى تكره الظلم]

البنات ما قصرت
الله يوفقك اختى

[إحساس إمرأة]

الاخوات ماقصروا معك ياقلبي
الله يكون بعونك و يخليلك زوجك يااا رب
الله ييسر اموركم و يوفقكم
لك ودي .

[إحساس إمرأة]