احتاج لمساعدتكم اخواتي

[عبير22]

السلام عليكم ورحمة الله وبركاته

انا عندي مشكله بطرحها لكم وأتمنى تساعدوني

انا لي سنه من تزوجت وعندي ولد ربي يحفظه ويحميه
ويحفظ اولادكم

زوجي يحبني الحمدلله بس بعد ماولدت وخلصت النفاس
حسيت انه بدا يتغير ماصار يجلس معي زي اول
وأول ما أخذني من بيت اهلي قالي انتي نامي بمكان
وانا بمكان ولا ترتبطي فيني أسهر لا تسهري معي
وكثير اشياء وقبل يومين قال كلام امه جالسه وأحس مرررره
جرحني قال لامه وانا معاها الرجال لو مايشوف الحريم
الحلوات بالتي في ماجلس مع حرمته واسسسسسفه
اذا كلامي فيه شي 😞 بس ابغى اشكي لكم
ماعندي غيركم انا وقتها بكيت من القهر بس هو تأسف وندم
وانا يابنات وربي مو وحشه ما امدح نفسي
وماصار يجلس معي زي قبل اكثر وقته ع الجوال
اخذت جواله وهو نايم حصَّلته ع التويتر والاستقرام
حصلت كاتب في خانة البحث بنات مزز 😞
انا احس تحطمت وكرهت نفسي وربي يا اخواتي
مو ناقصني شي الحمدلله كرهت حتى غرفة النوم صرت
انام بالمجلس
انا تعبت نفسيا والله ما ابغى اروح لاهلي كثير وأحس
انه يبغاني اروح 😞
ايش تعطوني من نصايح وربي تعبت نفسيا 😞
امه مره طيبه بس مرات تجرحني الله يهديها
زي امس لبست بنطلون ماركه وغالي والله العظيم
بعدين قالتلي بنطلونك هذا زي قميص عندي وجلست تضحك
انا والله تعبت 😞 تكفون ساعدوني

[حياتي توأمي]

حبيبتي الله يهدي زوجك ىيسخره لك

ادعيله بالهدايا

ولاتتركي بيتك طبعاا

وامه لاتحسسي منها حرمة كبيرة ولاتاخذي بكلامها وتزعلي
بما انها طيبه خلاص الحمد لله

موفقه

[ayato]

عليكي بلصبر غيري من ستايلك روحي لكوافير وصبغي،شعرك وقصيه عمتك الله يهديها ماعندها سالفه

[أم حوور]

اتوقع زوجك لاحظ اهتمامك بطفلك اكثر منه

لكن عيشي لنفسك اهتمي واكشخي واهتمي في بيتك دايم وحاولي تنومين طفلك بدري
لاتتشكين من طفلك كثير حسسيه إنك مستمتعه فيه
صدقيني راح يرجعلك مع الوقت لكن هو تعود يسلي نفسه طول فترة الاربعين
ولاتنسين الاستغفار والدعاء
والله يسخره لك

[Um sara1]

زوجك باختصار يتددددددددددددددلع !!

واضح انه ماعاد يملى عينه شيء وتفكيره منصب عالجمال وبس

وبكون صريحة معاك اكثر من لازم لكن حرصا عليك

الرجل لما يشوف امراه جميلة هو ماينظر لها بنفس نظرتنا الخارجية هو يتخيلها عريانه ووو ......

اول جرس انذار وخطر بحياتك لما فرض عليك تنامي بغرفة غير غرفة النوم

انتي الان مشكلتك مش مع ام زوجك خذيها قاعده الرجل الي يعز زوجته يجبر اهله يحترمونها والعكس

احساس زوجك انه ظالم نفسه بحياته معاك راح يستمر فتره طويلة الا لو اتخذتي اجراءات حازمه

انا ما اشكك بحلاوتك ولا بشخصيتك لكن صديقني هو وصل لمرحلة قناعه ذاتية مراح تتغير حتى لو زاد اهتمامك فيه او بنفسك

اذن الحل يبدأ بحاجتين ..

اولا : ازرعي فيه ثقتك العالية بنفسك واعكسي انطباع انك معجبه بحالك وان اجمل اثنى ماتهز فيك شعره لانك عارفة قيمة نفسك وهالشي تلقائيا بيحس فيه ابتعدي عن مواطن الضعف الدموع والشكوى والغيرة والشك ومن فتره لفتره انتقدي فيه حاجه او عيب مثلا يالله سمنت عن اول احس وجهك مره مسمر فيك ريحه مي زينه ومن هالعبارات الي تحسسه انه بشر ومعرض للنقص ومثل ماله عين تميز انتي كمان لك نظره ويجذبك الشي الزين

ثانيا: ابنك ابنك ابنك عامل مشترك وقوي بينكم وانا عتبره سلاح في صالحك لو عرفتي تستغلي ابوبته وتوطدي علاقته فيه راح تتوطد علاقته فيك مباشرة مثلا اطلعوا سوى عشان تشترون للولد اغراض ومنها تتعشون برى ووتتكلمين معاه بعيد عن اجواء البيت بمواضيع مالها علاقه لا بأمه ولا تعاتبيه خليها جلسة اصحاب
لما تحممي ولدك وتلبسيه حطيه في حظنه وتعذري بأي شغلانه لما يروح مشوار خليه ياخذه معه او يطلع يمشيه برى البيت وتعذري انك بتنظفي البيت او بتجهزي العشا خليه ملاصق له اكثر الوقت

والأهم من هذا كله لازم ترجعين لغرفتك والي مو حاب ينام معاك يروح ينام برى لاتستسلمي من اول مره حتى لو حاول يجبرك قولي مراح انام غير بغرفتي صدقيني وهالشي ابسط حقوقك كثير كانو بنفس الوضع ومع الوقت صار هو يترجاها تجي تنام جنبه ومايقدر ينام بدونها بعد قطيعة شهور


زوجك واعذريني على هالكلمه عقله صغير ونظرته للزواج سطحية مرتبطة بالجسد فقط وكثير مثله لكن مايصرحون بهالطريقه الفضة

ونصيحة الختام لاتفتشي وراه مراح تستفيدي غير ضيقة الخلق والحسرة انشغلي بنفسك وببيتك وفكري في كل خطوة ايجابية تغير حياتك للأفضل

[بلح الشام]

كلام اللي قبلي صح مية بالمية
وازيد عليها نامي بغرفتك ولو هو نام بالمجلس روحي وراه بس بدلع واغراء
ومثل ماقالتلك خليك واثقة من نفسك غيري شكلك وقولي فلانة قالت انا حلوة
وخواتي عجبتهم صبغتي وامك قالت حلويتي حتى لو كذب
وبنفس الوقت طلعي فيه عيب مثل طلعتلك كرشة او متنت او كانك شميتي ريحة مو حلوة منه
حسسيه بجمالك وبدلعك وانوثتك عشان هو يحس