السِر العجيب المضمون

[ريمِي]

السلام عليكم خواتي الحبيبات

بقولكم قصتي ابي كل اخت تستفيد

انا تزوجت قبل سنة و اربع شهور

محاولات الحمل كانت من الشهر التاسع

اول شي محاولات طبيعية بعديين لما شفت مر كم شهر وما صار حمل خفت ، و رحت راجعت قالت لي عندك تكيس بسيط ما يمنع الحمل ..

عطتني كلوميد وكلوفاج استعملتهم شهر وما حملت ، علما بأن كل شهر كنت انتظر فيه الحمل والله يا بنات احس بكل اعراض الحمل من غثيان و دوخة وكللل شي سبحان الله نفسياً يصير هالشي ،

الشهر اللي فات جاني شي قلت وش الغباء اللي اروح الجأء لدكتورة وربي الرزاق اللي بيده خزائن السماوات والأرض ..

تركت عني الدكتورة ، وقمت أشرب ماء زمزم بنية ربي يرزقني الحمل التام السليم بالولد الصالح اللي يكون قرة عين لي دنيا وآخرة ، اشربه بيقين وادعي الله بيقين انه بيرزقني وهو اللي وعد الداعي بالإجابة ، استغفر كل ما جا فبالي ، بديت ختمةة قرآن ، وكنت أترقب أوقات الإجابة أدعي ربي يرزقني ، وخلصصت الشهر وانا شايلة من بالي ، قلت ربي بيرزقني وهاذا حسن ظني فيه وخلاص مابي أفكر ولا أبي أحلل الف مرة زي كل شهر ، وجا وقت الدورة ماا جت ، حللت طلعت حامل اللهم لك الحمد والشكر ، والله ما يخيب من يفوض امره للقدير ، بس ناقصنا يا بنات حسن ظن بالله وتوكل تام ، ندعي بدون شك ، مدام ربنا السميع المجيب القدير الرحمن الرحيم المفروض ننام هانئين البال ندعييه ونسلم له الأمر كله ،


اللهم لك الحمد كما ينبغي لجلال وجهك وعظيم سلطانك ، يارب تمم حملي وارزقني شوفةة طفلي وهو بكل خيير واجعله قرة عين لي ولأبوه دنيا وآخره وارزق خواتي كلهم من فضلك ،


وبس حبيباتي كان خاطري أعلمكم هالسر العظيم ، كلكم سووه وكلكم تقدرون عليه وهذا الشي الوحيد المضمون ..
واللي تحمل تشرب ماء زمزم بنية تثبيت الحمل وحفظه وكذاا كل شي نبيه يتحقق بإذن اللي ما تنام عينه


لا تنسوني من صالح دعواتكم


اختكم ..