ترملت من شهر وشاكة بالحمل وحالتي حاله

[رماآآد]

السلام عليكم يابنات
والله حالتي مأساوية وحاسه بموت قبل لا تخلص عدتي
توفى زوجي تاريخ 19/7/2014
واخر جماع بينا كان تاريخ 17. قبلها بيومين فقط الله يرحمه
وبفترة عدتي يعني بعد 5 ايام تقريبا نزلت نقطة دم خفيفه بس لاحظتها بنفسي وشكيت بالحمل.
بس انا بهم وبحزن وماعطيت الموضوع اهمية. وبعدها باسبوع بدت عندي دوخة وحرارة بالجسم والم فضييييع باسفل رحمي ونغزات قوية بمبايضي
قلت اكييد حامل مع اني صغيره واول تجربه لي بالحمل.ولاعندي خلفية.
والالم يزيد يوم عن يوم وصارلي امساك الله يعزكم لمدة 10 ايام .
وصرت مفجوعه احب اكل الشي الدسم حتى السمك كنت اكرهه صرت آكله .
وبعد اسبوعين صارلي الم بفخوذي قوي وبمؤخرتي والم بعظمة عانتي
وصار صدري لييين حيييل بس مافي لا نغزات ولا الم.
وتحت صدري بقع حمرا .
وحلمات صدري كبرو حيل. ووقت الاباضه ماصارتلي افرازات بيضا مثل كل مره غير شووووي مره وحده فقط.
وصار عندي الم فالخواصر واسفل وفوق الظهر.
واحس فوق بطني الم بعد.
وهنا بدا الشك عندي بكل امراض العالم.
سويت اختبارين حمل قبل الدورة ب5 ايام . وطلع ايجابي بس الخطين خفاف لكن اختي قالت بداية حمل.
ومن كذا يوم صارلي حمه والتهاب فاللوزتين وكنت اجاهد وماشرب حبوب الا ادول لاني ماتحملت الحمى.
وقلت بسوي فصباح اليوم يالي تجي فيه الدورة اختبار حمل وسويت والفجعه ماطلع الا خط واحد سلبي.وانتظرته مانمت 5 ساعاات وماطلع ولا نص خط.
والظهر من نفس اليوم نزلي افراز بني شفاف بدووون ريحة.
قالت لي اختي انه اجهااااض ورح تنزل الدورة.
والحين صارلي 4 ايام مانزلت الدورة والمهبل يحرقني حررق والافرازات مابين الرمادي والبني وبدا يطلع ريحه .
والم فالخواصر واسفل البطن ونغزات فالمبايض مستمره.
وماقدر اروح المستشفى لاني بالعده وانا ببلد المستشفيات اختلاط حريم ورجال وقسم الحوامل شغال بفترة الصباح فقط ولا حولي عياداات خاصه ولاعندي محارم يودوني الا زوج اختي .
الله يخليييكم شخصوولي حالتي وريحوووني

[nada tira]

الله يهديك ليش شربت panadol اعراضك كلها اعراض حمل روحي للدكتور في الشرع جايز الارملة تخرج في ايام العدة لما تكون مريضة خلي اختك و زوجها يودوكي والله يرحم زوجك و يكتبلك الخير

[ايرينا]

لازم تروحي مستشفى وما اتوقع حرام اسألي شيخ ولو سمح لك لازم تروحي

[حياتي توأمي]

لا حول ولاقوة الا بالله

الله يرحم زوجك حبيبتي

ويصبرك ويعينك

هاتي كذا تحليل منزلي وحللي وربي يرزقك ماتتمنين
بس سواء كنتي حامل او لا
لاااازم تروحي للدكتورة لأن لو حمل لازمك فوليك اسيد وممكن مثبتات عشان الافرازات البنيه اللي نزلت
ولو مو حامل كمان لااازم تشوفك الدكتوره وتعرف شو سبب الألم عندك والافرازات

الله يعينك

[حنان أم يارا وإسلام]

الله يرحم زوجك ويرزقك الصبر
وإن شاء الله مافي مشكلة لو رحتي مع أختك وجوزها الطبيب
ويارب اسمعك خبر خير

[ريمِي]

حبيبتي لله ما أخذ وله ما أعطى وكل شيء عنده بمقدار
اصبري واحتسبي الله يرحمه ويسكنه الفردوس ��

انا لله وانا اليه راجعون الله يرزقك من بحور الصبر
ويكتب لك عظيم الأجر


حبيبتي للحاجة مافيه مشكلة تطلعين
حتى لو مكان اختلاط انتي محتاجة بس بالستر والحشمة

الله يكتب لك الخير ويمسح على قلبك ويسعدك

[رونـــق!!]

..

الله يرحمه ويغفر له , ويرزقك الصبر ويعينك أختي,,

ومثل ماقالوا لك الأخوات عادي تروحي الطبيب لأنها حاجة ,,

وربي يكتبلك الخير..

[الاميره دودي]

انا لله وانا اليه راجعون
عظم الله اجرك حبيبتي والله يجبر بخاطرك


اسمعي حبيبتي مافيه اي مشكله تروحي للمستشفى
وتعملي تحليل دم ضرووووووري
لان لو فيه حمل لازم تعلنين عنه من الان
وتبلغي اهله
عشان تبعدين عن الشك وعلشان مااحد يسوء الظن بك ك
اتمنى انك فهمتيني

وانتبهي تاخذي ادويه
انا زميلتي مثلك زوجها توفى اليوم ومن البكره حللت وطلعت حامل


جاولي انك تستعجلي وتاخذي مثبتتات
وان شالله ربي يرزقك بالولد اللي يعوضك ان شالله

[إحساس إمرأة]

عظم الله اجرك يا قلبي
و مثل ماقالوا لك الأخوات
عادي تروحي الطبيب
الله يكتب لك الخير ياااا رب

[إحساس إمرأة]