تطهير ولدي بالرياض ؟؟! ساعدوني

[الجانب المشرق]

السلام عليكم


حبيباتي ي ليييييييييييت تساعدوني انا بروح الرياض مدة يوم او يومين ع نهاية الاسبوع بإذن الله


وابي اطهر ولدي وعمرة 3 سنوات وتاخرت بـ تطهيرة لظروف


ابي افضل دكتور يكون مجرب وكم تكاليفة


الله يفك عن كل من يساعدني كل هم وغم ويفرجها عليهم

[إحساس إمرأة]

هلا و غلا حبيبتي
المستشفيات اصبحت جميعها متطوره
الحمادي و الحبيب وغيرها
و عندك مستشفى دله
و ان شاء الله الاخوات يفدونك بخبرتهم
ربي ييسر امورك و ويفقك يااااا رب

[بحــ العيون ــــــــر]

اختي احساااااااااااااااااس ما قصرت الله يعطيكم العافيه

[يا رحمن]

وديه الحبيب
اتصلي فيهم استفسري عن الاسعار وعلميهم عمره

و برضو عندك البدري بحي المصيف.. عيال اخواتي مطهرينهم عنده بس وهم صغار

[البنت الأمورة]

فيه مستشفى الحبيب دكتور جهاد أبو دية جراحة اطفال ختن ولدي امس وحط حلقة والبنج مرهم موضعي لكن الولد عندي عمره (سنة و٤ شهور) والله انا تركت زوجي مع الولد عند الدكتور وطلعت عند الباب صراحة خايفة .
وسعرهم ٧٨٨ ريال .(قالوا سعر الختان ٧٨٨ ريال تدفع فوراً واذا عمل الدكتور الختان خلاص ، لكن إذا كشف الدكتور وقال عند الولد مشكلة ولا يقدر يختنه فيخصم مبلغ ٢٦٥ ريال قيمة الكشف)!!)
صراحة سعرهم غالي مرة مرة عشان اسم مستشفى الحبيب والامر الثاني عشان الدكتور استشاري على مااظن .

لكن صراحة فيه مستشفيات كثير وارخص كثير .
فيه مستوصف الكرامة بالنسيم عندهم دكتور مصري اسمه عمار يمدحونه الناس كثير وكنت ابغى اختن الولد عندهم لكن لما جيناهم لقينانه مأخذ إجازة!
وسعر حول ٢٠٠ او ٣٠٠ تقريباً ماني ذاكره بالضبط وحسب عمره الطفل .

لكن أنا استغربت حاجة من مستشفى الحبيب وبعد ماطلعنا من المستشفى جت زوجي رسالة نصها ( عزيزي المراجع تمت الموافقة على الإسترجاع بمبلغ ٢٦٥ ريال. الرجاء مراجعة عيادة الجراحة العامة. رقم الملف ١٤****) ولما جاهم زوجي يسترجع المبلغ بناءاً على الرسالة قال الموظف لا زي ما قلت لك من أول ان اذا تم الختان يخصم المبلغ كاملاً قال لهم طيب ارسلتوا لي رسالة قال لا الرسالة آلية !!!!
زوجي شك بالموضوع وحس أن السالفة فيها نصب بالموضوع وقرر يستفسر وممكن يشكتيهم بكرة. لأن الولد ختناه أمس.

والولد والله الليلة بس يبكي ولا يقدر ياخذ راحته بالمشي واللعب بسبب الختان لكن اعتقد عادي كلها يومين ثلاثة ويصير تمام بإذن الله.
ولا أنسى فيه ورقة عطونا بالمستشفى فيها معلومات ونصايح بعد ختان الطفل.*