سؤال بخصوص تسريع الولادة ,,,

[هاجر عبدالاله]

السلام عليكم ورحمة الله وبركاته
حبيباتي انا باقي لي اسبوع على موعد الولاده المتوقع
وباقي اسبوعين على سفرة زوجي
ودي يحضر ولادتي لانه جاي الرياض عشان الولاده ..
خوفي يرجع وانا لسى م ولدت
ابي شيء يساعد على حدوث انقباضات الولاده وفتح الرحم
مع العلم انو لي 3 ايام بأحس بألم شد عضلي في الافخاذ
والم في اسفل الرحم بسيط كأن فيني الدورة
وانا بكرية

تكفوون ابي حل ..

وبستفسر عن وزن الجنين
انا قبل اسبوعين سويت سونار في مستشفى الملك خالد الجامعي
وقالوا وزن الجنين 2 كيلو و500 غرام .. هل فيه امكانية يزود
وهل هذا الوزن يعتبر طبيعي
وايش الاشياء اللي اكلها وتزيد من حجم الجنين
مع العلم اني نحفت في بداية الثلاثة الاشهر الاولى
8 كيلوا .. هل له دخل بوزن الجنين

تكفون ابي اجابات موثوقه
واللي يمر يدعي ان الله يامر م في بطني واولد على خير
ويسهل وييسر امر ولادتي
وللجميع ي ارحم الرحمين

[حياتي توأمي]

الله يرزقك يارب ولادة سهله ميسره ان شاء الله
حبييبتي عليج بالمشي واذا عندك درج حاولي تصعدي وتنزلي عليه وربي ييسر لك امورك
واستحمي في بااانيو دافيء مائل قليلاً للحرارة يساعد في تليين عنق الرحم ان شاء الله
ويارب تولدي على خير وتقومي بالسلامه
اقرأي سورة الزلزله وسورة مريم لتسهيل الولادة وعن تجربه

[غيداء الحلوة]

الله يسهل عليك .. الطلق ماراح يجي الا بامر الله ولكن عليك بالتمر والعسل واليانسون وابعدددي ابعدي عن القرفه صح يمكن تجيب طلق لكن للاسف تسكر الرحم واذا كان مفتوح تشده انا قبل اسبوعين جتني طلوق وشربت قرفه وزاااد الطلق جلست 11 ساعه بغرفة الولاده والرحم مافتح وبالاخير اخذت مسكن الطلق يعني عذاب على الفاضي .. وعليك بالدعاااء واكثري من الاستغفار صدقيني لهم نتيجه اكثر من اللي نبلعه والله يكون بعونك ..

[!اميرة الورد!]

خلاص امشي مشي تعب

اتكر اختي مره صار لها ها الموقف

زوجها نزل بيحضر ولادتها وماباقي غير ثلاث ايام ويسافر

وداها دكتورى قالت هي عندها ولادة بس يبغالها مشي كثير

المهم سوت تحريض للرحم وقالت يالله امشي وصار زوجها يمشيها

ويحاول يطلع فيها الاماكن العالية زي جبل وكذا

والحمدلله الصبح وهي ولادة

والله يسهل عليك ابشع شي الانتظار

[هاجر عبدالاله]

الله يسعدكم م قصرتوا

انا امشي من دخلت التاسع نص ساعه واتعبب ينقطع نفسي

الدكتورة قالت لي بس نص ساعه م تزودينها

توكلت على الله وان شاء الله ربي يكتب الخير

بس ما خبرتوني عن وزن الجنين ؟! ^_^

[!اميرة الورد!]

المشاركة الأصلية كتبت بواسطة هاجر عبدالاله

الله يسعدكم م قصرتوا

انا امشي من دخلت التاسع نص ساعه واتعبب ينقطع نفسي

الدكتورة قالت لي بس نص ساعه م تزودينها

توكلت على الله وان شاء الله ربي يكتب الخير

بس ما خبرتوني عن وزن الجنين ؟! ^_^

وزن الحنيين انا زيك بس عشان انا مطوفة زاد وصل 2800

يعني كيلوين و800 غرام

ااختي جابت ولدها كيلوين و300 غرام عادي مايضر

الله يسهل علي وعليك وعلى الجميع يارب ياكريم

[غدير3]

الولاده من الله ...كثير ناس يمشون بالسعات ولا يصير شي
وفي ناس من اول مره تمشي تجيها ولاده ادعي ربي يختار
لك الصالح ...الله يقومك بالسلامه انتي والبيبي

[sosolibya]

أختي الغالية ,, نصيحة مني ,, لاتستعجلين ,, لو الله كاتب لزوجك يحضر الولادة حيحضرها ,

ولو مش كاتبله ,, مستحيل يحضرها ,,

ولا تخافي عزيزتي ,, أنا أيضا ببكري ولدت وزوجي كان مسافر ,, والحمد لله أهلي جنب وأهل زوجي ماقصرو,,

المهم عزيزتي شىء ثاني لا تهدي حيلك بالمشي والتعب ,,

أنصحك نصيحة حاولي تاكلي سردين ,, لأن بها مادة مثل مادة الطلق الصناعي بالضبط ,, وأهم شىء كثري من الدعاء ,


وبالنسبة لوزن الجنين لاتهتمي مادام صحته كويسة ,, واصلا أسهلك ويكبر على ألأرض إن شاء الله ,,



موفقة ..

[هاجر عبدالاله]

مرررره مشكورين على الردود
جزاكم الله خير
والله يكتب لي ولكم الخير كله
ويفرح نظرتي ونظرة زوجي بسلامة البي بي
وللجمييييع ي رب ♡♡♡♡♡♡♡♡