تاخر الدورة بعد خلطة أم لجين للحمل . تعالوا شوفوا تجربتي وأفيدوني .

[مملكة الحب]

مساء / صباح الخير عالجميع ..

كيفكم صبايا . أتمنى أن تكونوا بتمام الصحة والعافيه ..

حبوبات أنا اخذت خلطة ام لجين المضمونه 100% بإذن الله ونسيت الموضوع تماما يمكن شك بمفعولها يعني مجرد شيء اجربه وخلاص ..

دورتي الشهر الماضي كانت 17 بالشهر يعني شهر 11بالهجري ,, المهم أخذتها رابع يوم لحد السادس والدم مره خف ومكتوب إذا خف الدم معناته ضعف وبتتنشط المبايض بحول الله ..

والحين هالشهر تأخرت الدوره طبعا قبل موعدها جت ايام حسيت زي الوخز بسيط أسفل بطني وكمان عند السره وحواليها ,, وجاء موعدها وتاخرت الدوره وتذكرت اني اخذت الخلطة وما أخفيكم صار عندي بصيص امل وبنفس الوقت مو متأمله مره لأن قلت يمكن تأثير الخلطة مو كويس معي او يمكن هرمون حليب صار معي مع ان آخر مره سويت تحليل الهرمون حق الحليب كان قريب من كم شهر وكان 14 يعني مو مرتفع الحمدلله بس قلت بين عشية وضحاها ماتدري وش يصير بتغير الهرمونات ..

والحين ياحبايبي متأخره الدورة 12 يوم وحاسه المنطقة رطبه جدا افرازات مائيه وأمس باليوم 11 من تأخرها جتني افرازات مخاطية تتمط بيدي ولاحظت خط أو نقطة دم معها ومافيه غيرها يعني شيء أقل مايقال عنه قليل خط بوسط الافرازات المخاطية الباقيه ,

حللت اليوم منزلي ماطلع شيء ولما عدت ساعه الا ربع او ساعه لاحظت خط كأنه ظل طبعا استحاااله اعترف فيه ..

واليوم أحس وخز اسفل بطني جهة اليمين يعني شوية الم مدري هي دورة ولا حمل الله أعلللللم ..

طبعا مو حاسه بشيء بصدري الا اليوم زي الدبابيس بسيييط يعني اعراض الايام اللي راحت ماحسيت الا برطووبه بالمنطقه وافرازات بسيطه مائية القاها بالملابس الداخليه .


أفيدووووني الله يسعدكم ..

مع العلم معي تكيسات بسيييييييطه .....ولي ثلاث سنوات متزوجه ..