زوجي تغيررر علي بعد الولاده

[ياحبني له]

السلام عليكم/ صبآآآحكم ورد..

بنات ابغى اقولكم على مشكلتي
انا والده لي شهرين واشوي
وبيتي بمنطقه تانيه غير الي ساكنين
اهلي فيها.. وبس عايشه لوحدي فيها
محد عندي ولااحد اعرفه..
طبعا انا نفاسي قضيته ببيت اهلي/
ورجعت لبيتي من اسبوعين


مشكلتي الي مؤرقتني هي انو زوجي احسه
متغير علي مرررره بعد الولاده
كل يوم يطلع ومااشوفه
الا وقت النوم وكل يوم على هالحال
يصحى يأكل ويتقهوئ ويطلع (للاستراحه)
ومايسولف معاي بس على الجوال
واذا ابتكلم معاه بموضوع ماألقى
وقت غير وقت الاكل وباله ابدا مو معاي
باله وقلبه للجوال
على الرغم اني اتزين واتكشخ وماني مقصره
معاه يعني اهتم فيه مثل البيبي وزياده
وكل شي عال العال اغراضه ملابسه اكله
كل شي يحتااجه يكون جاهز واولهم انا..

ونسيت اقولكم انو انا رحت لاهلي قبل
ولادتي بـ 4 شهور عشان تعب المسافه
مره طويله علي.. ساعات اقول معقوله
بسرعه تعود على غيابي واعجبته
الجلسه لوحده..
والله يابنات اني مقهوره منه وبس ابكي
على كل شي احس صرت حساسه بعد الولاده
هو ماكان كذا قبل اسافر بالعكس
كان اشوئ صح انه كان يطلع بس مو كل يوم
يعني باختصار زوجي مو معبرني لما رجعت واحس اني بحاجته مررره بس الرجل مايفهم ولايحس؟؟
المفروض بعد الحمل والولاده والنفاس والتعب
كلللله الوحده زوجها على الاقل يمشيها يغير لها جوها ونفسيتها هالشي هذا يساعدها ويرفع من معنوياتها وتصدقون يابنات زوجي ماعطاني هدية سلامتي وهذا اول مولود لنا؟؟

انا مقهوره من طلعته كل يوم
ومقهوره انو متغير علي ولامعطيني وجه
احيانا اقول ابلتهي مع بنتي بس المشكله
مقدر اجلس لحالي افكر فيه اقول هو ليه مايحس في؟
طب حتى انا لحالي وبس منثبره بالبيت ومشوف احد ولايطلعني ولاشي.
اقوله حبي مشيني بالسياره ابشوف ايش
الي تغير بالمدينه يقول وين تبغين تروحين
مافي شي تغير ومافي مكان،.
قاهرني مستكثر علي الطلعه وانا بس ابغى اجلس بالسياره
وقسم كأني اشحده لو تشوفوني
كيف اترجاه عشان يطلعني!!
انا ماني فاهمته؟؟ هو ليش كذاا
شكلي ابقوله ابرجع لاهلي ابجلس عندهم
وانت خلك مع اصحابك
كذا احسن ايش رايكم؟
انا مليت خلاص وانصدمت منه //
كنت حاااطه ببالي انو بنتنا بتغيره للاحسن كنت متحمسه اشوف حياتنا كيف بتصير بعد ولادتي كنت لما عند اهلي اشتاق لبيتي ودائما اقوله اشتقت لبيتي وحياتنا سوا
بس مع الاسف خاااب ظني وجرحني

انا مقهوره من نفسي لما اترجاه عشان يطلعني
بس غصب من الكآبه والنفسيه الي عايشتها..

قولوا لي يابنات ايش اسوي؟
كيف اغير من اسلوبه واخليه يجلس بالبيت
واذا جلس مبغاه يجلس ع الجوال
وايش اسولف معاه زوجي من النوع الملول؟
ابغى اهتمامي فيني انا وبس
ودي هالشي هذا يطلع من نفسه
ودي يحس فيني ويهتم في..

معليش كلامي مخربط بس هذا الي بقلبي وقلت مالي غير الله ثم انتم اشكي لكم
ساااعدوني الله يريح بالكم.