تجربتي مع الحمل والتكيسات والحمدلله يارب ..~

[قدعه]

السلام عليكم ورحمه الله وبركاته

مرحبآ بنات عساكم بخير
اليوم بكتب تجربتي مع تاخر الحمل وعسى ان شاء الله تكون دافع قوي لكم
بالاستمرار بالعلاج ومواصله الطريق الصحيح علشان توصلون باذن الله للحمل
ولكن اذكروا الله اولا واخيررا وادعوا الله ان يثبت حملي ويبلغني اياه من غير شر






قبل الزواج بااربعة اشهر رحت لمستشفى قريب مني علشان انطم دورتي كانت تتقدم
تتاخر 5 ايام يعني كانت ملخبطه شوي مب مره رحت ابيها تنظم دورتي شافتني بدون ماتكشف
حتى قالت فيك تكيس واضضضح ! من الشععر اللي بطنك وبدقنك وتلخبط دوره ووزنك شوي مرتفع !
بس بكرة تجيني وانتي حسرانه بول وانتم بكرامه علشان اكشف عليك سونار رحت وانا قلبي متقطع الف قطعه شلون بقول لامي وامي اكبر شياله هم بالدنيا .. المهم دخلت وصليت وقلت لها
ان الدكتورة تقول بكرة بسوي لك سونار علشان التكيس طبعا وجه امي مستحيل انساه !

قالت تكيس !
قلت ايه !
قالت لاحول ولاقوة الا بالله شكله وراثه !
طبعا انا انصدمت قلت وشو الوراثه يمه !
قالت هو اللي في خالتك وبنات خالتك وماحملوا للحين لهم 8 و19 سنه !
هنا كانت الصاععععععععععقه شلون يعني !
وانتهى الحديث بخنقه عبرة وغصه فيني
رحت بكرة للدكتوررة قالت تكيس في الايمن فقط ااكلي الدواء 3 شهور
وارجعي لي وقتها ورحت لها بعد 3 شهور وانا الهم ماكلني يارب تمر الايام بسرعه
قالت تكيس في الاثنين ! بس اخف من الاول الايمن قلت طيب عطيني حبوب تاخير دورة
لان دورتي بتنزل يوم زواجي عطتني حبوب تاخير دورة واكلتها لمده 20 يوم من يوم زواجي
ورحت سافرت برا ونسيت كل شي بحياتي وانبسطت وغيرت جو مع زوجي
ورجعت للسعوديه ولمى رجعت اول يوم وصلت فيه نزلت دورتي ثم تاخرت في رمضان مرة
ورحت فتحت في مستشفى كبير مراجعه علشان التكيس ولمى رحت قالت تكيس
بالاضافه الى كيس صغير حجمه 2 سنتم كل مالها المشاكل تكثر وتكثر قالت اكلي الدواء ذا دفستون لمده 3 شهور وتعالي لي علشان الكيس بس ااما التنشيط فمستحيل اعطيك لين تكملين سنه ! طبعا اكلت الدفستون لمده 3 شهور والكلوفاج اكيد ورحت لها بعد 3 شهور قالت الكيس رااح ! حمدت ربي وتركت المستشفى الكبير وقلت خلاص مدام انها مب راضيه تنشط لي قبل سنه
بروح لمستشفاي الاول ورجعت لمستشافي الصغير ورحت لدكتورة قالت الكيس موجوده وحجمه 4 سنتم ! كيف تقول لك راح هذا الاعمى يشوفه ! قلت الحمدلله على كل حال ولا حول ولاقوة الا بالله
قالت روحي شهر وتعالي لي رحت شهر وهالشهر طبعا احلام تخوف واول مرة قررت االتزم بقراءه سورة البقرة اول ماقريت البقرة يا لله مستحيل انسى ذاك اليوم طبعا احس اطرافي تتحرك بدون ما احس وكتمه خوف شديد ودعيت ربي في نفسي ان زوجي بس يجي من برا ويفتح الباب علشان يطفي القران ماني قادره اتحرك جاء زوجي وطفاه لي تعوذت من ابليس ونمت واول مانمت
حلمت بحلم صريح واضح اني اعاني من مشكله روحيه حلمت باني اتصارع مع ثعبان اصفر
وعرفت بان ذي البقرة ولاتقدرها البطله قررت استمر على البقرة ورحت لوحده ترقى
ولمى رحت لها قالت بنتك فيها حسد خليها تغتسل بسدر لمده 14 يوم وتشرب مويه زمزم
وترقى نفسها وفعلا استمريت على السدر المقري فيه 14 ييوم كنت احيان احس بالعجز والكسل
بس كانت اقاوم واروح اغتسل فيه بارد يرد الروح وشربت مويه زمزم ورقيت نفسي والحمدلله
الى ان اصبحت لا اتثاقل القراءه كملت شهر ورحت لموعدي قالت الحمدلله يارب الكيس راح
والان سابدا التنشيط الان ورحت للحرمه اللي ترقى قالت الحمدلله الحسد راح وبنتك طيبه الحين
بس خليها تستمر ترقي نفسها علشان تحصن نفسها رحت اول شهر تنشيط وكان حبوب كلوميد لمده 5 ايام وطلع لي بويضات 26 و9 و9 قالت حلو تعالي لي يوم 14 بشوف ال9 9 كم يوصلون
رحت والحمدلله على كل حال قالت 26 اختفت و9 9 مازالت بنفس الحجم ! قالت الشهر ذا راح تعالي الشهر الجاي رحت للشهر الجاي قالت حبوب كلوميد 5 ايام ثم 5 ايام ابر فييمستون
طبعا الابر كنت انا اضربها في البيت واحيان زوجي يضربها لي طبعا الم نفسي والم جسدي
وعوارضها والم الخاصره لايحتممممممممممل قلت باذن الله فيه نتيجه رحت للدكتورة قالت ماش
يبدو لي البطانه سيئه ولا صار تبويض وفعلا بويضه واحده فقط حجمها 11 ومنفجره ! قلت الحمدلله على كل حال قالت اعملي تحليل 21 الدورة للبروجستون علشان اشوف بطانه الرحم عملته
وكان سي سي سي سي سي اتوقع 2 ! والمفروض 8 قالت مايننننننننفع لك الا الابر وحدها
تجيني الشهر الجاي طبعا الشهر ذا كانت حالتي الماديه جدا سيئه اثث بيتي اكمل مطبخي عزايم ومناسبات ولكن قلت الحمدلله على كل حال طبعا بعد الابر قررت اغير نفسي وصلاتي اغير من نفسي كنت احس اني انسانه في قمه البجاحه اتهاون بكل شي وابي ربي يرزقني وانا ما اصلحت نفسي التزمت بصلاتي بالوققققققققققققت لبست النقاب صليت الوتر يومممممممممممممميا
كفلت يتيم والحمدلله الخير انفتح بوجهي من كفلته وتباركت فلوسنا وكل شي نذرت نذر ان ربي رزقني بعمل شي ! طبعا رحت للدكتورة وكلي حممممماس وثقتي بربي لن تخيب لن تخخخخخخخخخخخيب رحت قالت يالله ابر الجونال اف لمده 8 ايام وتعالي 6 يوم رحت وكانت الصدمه الايجابيه قالت يابنت الحمدلله استجبتي للعلاج بطانه الرحم ممممممممممممممتازة والتبويض عندك 14 و11 في 6 يوم الحمدلله فرحت مرررررررررررة قالت تعالي لي 9 يوم رحت لها تاسع يوم
قالت 14 على نفسها وسبحان الله 11 صارت 20 يالله روحي اخذي ابره تفجيريه 10000
وعلمتني بالجماع رحت واستمريت على الصلاه والوتر وكنت ادعي ربي يوميا ان ربي يرزقني
ومايخيب ظني مرت 10 ايام من الابره وبدا الم صدري وبدات النفسسيه تتغير وبشرتي تجف
بديت احس بشد فتره ويروح وصرت نوامممممممممممممممممممممممه اكل واصلي وانام
جاني شي صدق مب طبيعي لين جاء يوم 12 من الابرة رحت حللت منزلي وسالب يالله
ماودي شلون اقولكم وش كان شعوري تحطممممممممممممممت بكيت بس تعوذت من ابليس وفرشت سجادتي وصليت الوتر ودعيت ربي انه يزرقني لان الابواب كلها تسكر بوجهي الا بابه
طبعا ماتحمست احلل لاني حاسه انه سلبي خلاص ماله داعي ! مرت 14 يوم من الابره
مر 19 يوم مرة 23 ! مر 5 ايام من الدورة والدورة لاحس ولاخبر فقط صداعععععععع وشد بين فتره وفتره رحت للدكتورة قالت لي حللي دم وتعالي لي رحت حللت ورحت انتظر النتيجه بعد نص ساعه وفتحت جوالي وقريت سورة الانبياء كاممممممممله يالله ما اجملها ماحسيت بالوقت
بعد ماخلصت السورة مرت نص ساعه تمااما رحت للمختبر الا النيرس طالعه بتناديني قالت
مدام فلانه ! قلت نعم قالت مبروك حااااااامممممممممممممممل ياللللللللله بغيت اموت جتني دوخه وبغى يغمى علي وسجدت لله شكر بنص المختبر والرجال والحريم والناس حولي تبارك لي ويعطوني مويه وقوموني واخذت ورقتي ورحت اركض للدكتورة قالت الف مبروك يابنت وعطتني ادويه ورحت ماصدقت اني حامل تماما لين شفت النبض والحمدلله الله يتمم لي على خير

نصيحتي العلاج مب عند الدكاترة ولا اشطرهم
العلاج عند الله رب العالمين اصلحي نفسك وشوفي ربك يوم بيرزقك
اكفلوا يتيم ياناس وربي حتى بالاحلام صرت اشوفه واشوف اسمه رغم اني ما اعرفه والله
تصدقوا اخرجوا زكاتكم حتى على عمال النظافه لو توزعون مويه بارده او بقايا اكلكم


دعواتكم ربي يتمم حملي ويبلغني شوفته وعسى ربي يرزق المسلمين يارب
ولا تياسون باذن الله ثمه ضوء !