تعالو نتغنى بااجمل وطن

[لمى العراقية]

السلام عليكم



كل عضوة تنزل ابيات شعر دارمي او ابوذيه او زهيري او اي شي يعجبها عن وطنها

بغير الوطـــــن يا هلي ما يوم احنـــه نسر
وبالغربه المن نحــــج بالضيم والمـن نسر

هذا الوطن يستحـــق حفاي لجلـــــــه نسر

نمشي على نارو جمر ما ظنه نوفي الدين

ونتحمل شما جره لجل الوطــــــن والدين

صدكني لو نتحد بنفـــــــس الكلب والدين

العدوان تصبح غنم واحنــــــه عليهم نسر

هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 640x480 .

يا صاح ورد الوطن أصبح ترى ذابلي

واعداد حب الرمل هم الزمن ذابلي

حتى الحديد انصهر والونّتي ذاب الي

رضرض عظامي الدهر وفكري ترى بلبله

وعدوان هذا البلد بارضه زرعوا بلبله

والنخل أمسى بقهر وغنّى بحزن بُلبله

والجان واوي أمس اليوم شـــعجب ذيب الي

انتَ العراق الأبي ما اظن مثلك وطن

حبك ثكل بالكَلب وزنات صار وطن

وهامات علو النجم كلها لترابك وطن

صولات الك تنذكر والدول عدها علم

الجولان تشهد الك بيها انته رافع علم

مدرسه لكل الدول انته حضاره وعلم

حتى بمنامي احس همسات صوتك وطن



هذه الصورة تم تصغيرها . إضغط على هذا الشريط لرؤية الصورة بحجمها الطبيعي . أبعاد الصورة الأصلية 640x421 .