انسداد الأذن ساعدوني يابنات

[Carmella]

السلام عليكم
خواتي انا بعد اسبوع راح ادخل السابع ان شاء الله
قبل 3 ايام صحيت من نومي واحس باذني اليمين مسدوده وتألمني والثانيه تالمني
ولمن ينفتح باب او ينقفل او اي خبطه اسمعها تألمني اذني
قلت يمكن دخلت مويه وجلست انظف باعواد القطن
ليوم التاني راحت
امس صحيت ورجعلي الانسداد ونفس الوضع مع اني متأكده انو مادخلتلي مويه وللان ماراح
قريت باعراض نهاية الشهر السادس عند بعض الحوامل انسداد الاذن
طيب حيجلس معايا لمتى اخاف لنهاية الحمل حتى صوتي لمن اتكلم اتألم منو لانو رفيع مع اني صوتي واطي بس برضو
ايش العلاج ومين سارلها كده وكم جلسلها وكيف عالجتو

[آم سآرونه]

صآر معي بالحمل الاول بعدين يروح لاتخافي
بس اسالي الدكتوره افضل انا ماسالت بس انتي اطمني احسن
الله يسهلك

[حياتي توأمي]

حبيبتي بما انك قرأتي عنه فلاتخافي

بس الأفضل دائماً طبعاً انك تراجعي الدكتورة الخاص بالأذن وسلااااااااامتك ألف سلامه

[نبضة أملـ]

حبيبتي عليك العافيه ان شاء الله
انا كان معي الانسداد بس من بداية الشهر الثالث ولله الحمد تو من اسبوعين توقف
حتى صوتي كان يتغير مع الانسداد سبب لي احراج فوق الألم
وسالت الدكاتره قالوا أعراض مع الحمل عاادي
بس انتي مو من البداية ما ادري اذا تراجعي دكتور إذن وحنجره يكون افضل

[بندورتنا]

الله يعينك كنت اعاني من هالحاله قبل ٣ ايام ما ارتحت ابداً
وراحت من نفسها

[كآدي*]

أهليين كآرميلا
مبروووك دخولك السابع إن شاء الله
أنا برضو أعرف من أعراض الحمل و تروح من لوحدها
بس اتأكدي بسؤال دكتورتك عشان تتطمني
الله يعينك و يهون عليكي

[سحابة الماضي]

عشان يروح هالاشي

سخني زيت زيتون شويه صغير وحطيها بذانك بس انتبهي بلاش تكون سخه كتير حطي وقت ما تقدري تتحملي حراره الزيت

وبالسلامه ان شا الله

[Carmella]

جزاكم الله خير يبنات
اليوم من الصباح حسيت الانسداد والالم راح
امس سئلت دكتورتي قالتلي روحي لدكتور انف واذن بس ماكان عندي وقت
ان شاء الله مايرجعلي تاني
سعيده جدا بردودكم ومحاولتكم المساعده