ابي الدوره تنزل اهم شي عشان ابتدي علاج خايفه

[عايشه يوسف]

السلام عليكم ورحمة الله وبركاته

مساء الخير عساكم بخير؟!

انا لي فتره اتابع المنتدى كلما حصلت عندي مشكله اكتب ويطلع لي

انا متزوجه لي 6شهور الحين ومن تزوجة جات لي الدوره بس 3 مرات

واخر دوره لي شهر شعبان تاريخ 8 وبعدها ماجات الين الحين لارمضان

ولاشوال ولا ذو العقده ومشكله كله اوجاعها تجي لي في البدايه قلت يمكن حمل متاخر

بس رحت وحللت قالوا مافي وعملت تحليل هرمون الحليب والغده وامس النتيجه

طلعت قالت الحمد لله سليمه وعملت تحليل دم شامله قبلها برضوا سليمه

طبعاً هي قبل ماعطتني تحليل الهرمونات فحصت علي بسونار وقالت معاك كسل مبايض

عشان كذا الدوره مانزلت طول الشهرين لان مافي بويضات تطلع اصلن قالت بعطيك منشط بعد

مااشوف نتايج الهرمونات وامس يوم شافتهم قالت ماينفع اعطيك انتي توك 6 شهور حنا

بااالعاده نعطي اذا تاخرت الواحده 9 شهور او عشره وبعدين كيف اعطيك والدوره

ماجات المنشط وقت الدوره لازم ولازم بعد زوجك يااخذ تحليل عشان السائل المنوي

قلت لها عطيني اي حاجه تنزلها وربي تعبت نفسيتي من اوجاعها قالت اوكي بعطيك منظم

وتعالي لي بعد 3شهور بس قبل المنظم بكشف عليك بكره اللي هو اليوم بروح لها

ياربي من اللي صار لها نفس حالتي وحملت ؟وربي تعبت نفسيتي جداً انا ابي الدوره

تنزل اهم شي عشان ابتدي علاج خايفه

سمعت عن الاناناس والبرغدوش والنعناع اظن والمرمريه

ان ينشطون تتتوقعون بينفعون معي اولا ؟

تكفون تردون علي داخله على الله ثم عليكم

دكتورتي هي كريمان بمستفى الرضا يمدحونها بس مادري احد تعالج عندها اولا انا من الاحساء