زوجي يسألني عن أمور النسآء الشخصية !!

[H O P E]

السلام عليكممم ..

حآبة اسمع خبراتكم وارآئكم في هالموضوع
جات فترة اراجع الدكتورة بسبب تكيس وانقطاع الدورة واحيانا تكون قليلة واحيانا كثيرة .. يعني مشاكل هرمونات وكذا

بس زوجي دايم وكل شهر يسألني دورتك قليلة ولا كثيرة ... يمكن طولت بسبب ان عندك تكيس وماتنظف
يمكن ويمكن ويمكن ... طيب الدكتورة اول كيف كشفت وايش قالت وايش سوت ( يسأل كأنه فاهم بالموضوع )
ادري انه خايف علي ويحب يتطمن ...
لكن في مره كثر كلامه وعصبت من اسألته اللي ماتنتهي .. قلي اصلا انا اعرف اكثر منك ومن امك ومن الدكتورة اللي كشفت عليك
انتو ماتعرفون شي انا اقرا كثير وانا وانا وانا ومن هالكلام
قلت له ترا عييييب تتكلم بمواضيع الحريم ومايعرفها الا الحريم نفسهم ..

في يوم جيت من الدكتورة وكنت مسويه كي لعنق الرحم وطبعا اديت زوجي التفاصيل وكل شي وحكيت امي
عاد امي خاصمتني و قالت ان مو كل شي ينقال للرجال يعني لاتعطينه التفاصيل .. لأنه عيب وكذاا

وهذا غيض من فيض مو بس هالمواضيع اللي يسأل عنها اشياء كثير خاصة في الحريم يتكلم فيها

فـ ما ادري كيف اتعامل معاه لأني بجد بديت اتضايق من اسألته

سآااااعدوني .....

[سوزان الرياض]

عادي بعض الرجال يحب الاكتشاف بهذي المواضيع
لا تاخذيها بجديه كذا
وبعدين يقدر يفتح النت ويسال
بس هو حاب يعرف عنك صدق
وسعي صدرك ليتها واقفه على كذا
انا زوجي قال للدكتوره اللي اراجع عندها انت متزوجه :(
يعني احمدي ربك انها كذا وبس

[H O P E]

المشاركة الأصلية كتبت بواسطة سوزان الرياض

عادي بعض الرجال يحب الاكتشاف بهذي المواضيع
لا تاخذيها بجديه كذا
وبعدين يقدر يفتح النت ويسال
بس هو حاب يعرف عنك صدق
وسعي صدرك ليتها واقفه على كذا
انا زوجي قال للدكتوره اللي اراجع عندها انت متزوجه :(
يعني احمدي ربك انها كذا وبس

اهلييين سوزان ^^

انا اصلا اقوله كل شي من غير مايسألني بس يحسسني انه مو واثق فيني او مو مصدقني ..
خلي الاشياء اللي تخصني على جنب ... انا راضية فيها
لكن يجيني ويقولي فلانه حملت فلانه ولدت فلانة يقولون انها اسلبت لانها صبغت شعرها
ولايقربون له حتى ..
بس اخته الله يهديها تتكلم قدامه عن هالشي
لدرجة مره جاني وقال والله جات لاختي حرمة صابغة شعرها اشقر ولابسة كذا وهي سمرا ومدري ايش ...
شي وقسما بالله انا استحيت منه :(

المفروض الرجال مايتكلمون بهالمواضيع
انا اشوفها عيب ... عاد مدري انا غلطانة ولا لأ

للعلم زواجي مر عليه 9 شهور فقط :)

[Gnoon]

بصراحة عيب وبقوووووة كمان انا زوجي في الشهور الاولى من زواجنا كان كدا بس يسال ويبغى يعرف كل شي بس صار كل مايسال اعطيه في وجه واقوله استحي على رجولتك دي خصوصيات حريم الرجال مالهم دخل في مواضيع كدا

اذا بيسال عني مو مشكلة بس يسال عن اشياء تانية بيزعل ودحين الحمدلله مايدخل بأي شي ابدا وانتي حاولي معاه بطريقتك وفهميه انو عيب يسال كدا

[الأمورة سوس]

الله يساعدك حبيبتي
هو جزء غلط و جزء بيكون عادي طبيعي
يعني مو مشكله ان يقراء او يطلع على بعض مشاكل المرأة يمكن يريد يساعدك
ويكون عنده خلفية بالموضوع الي بتمري فيه فلا تاخذي بالك هذا الشي
لكن بيروح يترصد سوالف الحريم ويجي يخبرك هههه عيب عليه مفروض يكون ثقيل
ويبطل حركات النسوان ولا تحاتي رجال كثير يحب سوالف الحريم كنهم عجايز يتنقلو الحشي
أهم شي ما يترصد للحريم و بس الحمد لله يعني هذا بخبرك بالي يسمعه
أحسن من رجال من خلف الستار هههه
الله يعينك ماادري ويش الحل معاهم

[حياتي قمراتي]

انا حسب رايي زوجك بيحبك كتييير و هو يسألأ لانو هادا دليل على كثرة الاهتمام

[وردة سورية]

حبيبتي انا شايفه مافيها شي الموضوع عادي
يعني كل الرجال بحبو يعرفو شو يصير مع زوجاتهم عند الدكتوره
وماتفكري انها عدم ثقه
لا هاد فضول عند الرجال
بعدين زوجك صريح معك
في رجال يدورون ورا هالشغلات عالنت وغيرو
عشان يستفسروا
وانتي زوجك يسألك وانتي عاد جاوبيي على كيفك مو ضروري تعلميه بكل التفاصيل
قولي له الامور باختصار

واذا شفتي حالك تتضايقي من أسألته
صارحيه وقولي له انك ماتحبيه يدخل بهالتفاصيل وهالشي يضايقك
ومره عن مره يمل وماعاد يسألك
طولي بالك ياقلبي
ولا تضايقي حالك وتحمليها عن حدها

[الحياه حلوة#]

الله يكون بعونك لاتكبرين الموضوع لقافه وجال
وشكل زوجك متعود مع اهله
مالك الا كذا اقرقي معاه وضيعي وقت
شكلك من زمن الطيبين هو عيب عالرجال صح
بس هالوقت الرجال كل شي عندهم عادي
موفقه يالغاليه

[ahlam-f]

انا عارفتك انتي مش متعوده احد يسالك على هذي الامور خاص رجال وتحسين اوقات بنرفزه وعصبيه لما يقول انا اعرف واعرف وهو رجال وماله دخل بهذي الامور .. بس انا احسها من وجهه نظري انه يحبك ويحب يهتم فيك وهذي طريقة بالاهتمام ..

[يارب والباقي وحدك تعلمه]

يمكن عندة اخوات كثير ويسمع لهم ويجلس معاهم
انا زوجي كان كذا كل شئ يدقق فيه لان عنده خوات وبنات اخواتة بعمري
يدق ف اللبس والاستشوار اختي تستشور انتي ليش ماتستشورين
اقوله شعري ناعم مو زي اختك ههه
وكريم الاساس اختي تحط برونزي انتي لا تقلدينها
والعباية وطريقة الغطاء ولبس الجامعه واذا طلعت السوق اختي تلبس كذا وتشتري كذا
وبنت اختي شفت عليها كذا
كنت اتضايق من تدقيقة الزليد بس كبرت عقلي وكل شئ اقوله الناس اذواق
ويسكت