باركوااااااااااا لي جبت بنوته مثل القمر بـــس..........

ريم بنت جنوب · 07-19-2013, 08:04 PM

مسائكم ورد حبيبااااااااااااتي......
حبيت أبشركم جبت بنوته مثل القمر بس بالشهر السابع..بأكتب لكم قصتي ...
بيوم عشرين شعبان حسيت بتعب وخليت زوجي يسوي لي مساج لان الوجع كان في الظهر
ماكنت اعرف شنو القصه وبنفس الليله حسيت ان فيي افرازات كثيره تنزل مني ماعرف شنو السالفه لاني بكر وكنت حاسبه اني في الشهر الثامن المهم الصباح نزل مني شوي دم

رحت لمستوصف خاااص وكشفت علي قالت الدكتورة ان الرحم مفتوح 3سم وحولتني على مستشفى الحكومي منشان الحضانه وقالت عندي ولادة وكتبت بالتقرير انه لازم اخذ ابرة في العضل منشان الرئتين حق البيبي تنفتح..

المهم رحت الظواري كشفت الدكتورة وقالت الرحم مفتوح 4 سم وحولوني على غرفة الولادة وعطوني ابرة العضل
كان الوقت 12ظهر وكنت خايفه لاني كنت احسب اني بالشهر الثامن بس الدكتورة طمنتني وقالت انتي بالسابع...واستمرت المعاناه وقلت لزوجي لايخبر احد من أهلي ولا أهله قلت بتنظر لبكره اذا قالوا تنويم او ولاده باخبرهم...
المهم جات الساعه 12 بالليل وانا تعبانه ولا اكلت شي والجهاز على بطني والبيبي شكله مستعجل على الطلعه..واعطوني ابرة عضل ثانية منشان البيبي
ويوم جات الساعه وحده الفجر كشفوا علي كان الرحم فاتح 5سم وقالوا لازم يكون 9 او 10سم وبدأ الطلق عندي وكنت اصيح وابكي

واستمرت المعاناه لحد الساعه 6 الصباااااح وكشفوا لي كان الرحم فاتح 7سم والألم يزيد ويزيد وانا ابكي واصيح لحد ماجاء الفرج الساعه 8 الصباااح وقالوا ولاده

ياويل قبلي شنو الولادة أنا بكريه..وجلست ابكي واصيح والبيبي بالسابع توه صغير ماحرك نفسه واستمرت المعاناه لحد ماخارجني ربي وولدت بعدهااا بدت معاناة الخياطه

بس ماكان فيني حيل اصيح بس ابكي لحد ماخلصت تغسلت وغيرت ملابسي ونقلوني لغرفة التنويم...وانا جسمي منتهي مررررررره بس الحمدلله انتهى كل شي...
أروع شي بولادتي اني كنت اسمع قرآن وأنا أولد كنت مشغله الجوااااااااااال

واسمع ..

يتبـــــــــــــــــــــــــع...........

ريم بنت جنوب · 07-19-2013, 08:12 PM

أنا جيت.....مساء الخيرااااااات
خبر زوجي أهلي وأهله أني جبت بنوته ...كانت مفاجاه للكل

والحين انا بشقتي مع زوجي والبنوته بالحضانه محتجزينهااا عندهم ...الحمدلله على كل شي
بالنسبه للأكل أحس شهيتي مقفله ...بس اغصب حالي
وبالنسبه للخياطه الحمدلله استخدم مرهم ميبو ومرهم ثاني واتدخن بمر ولبان وقبل يومين بديت اغسل بالملح والحمدلله في خيوط طاحت باقي الخيوط الداخليه ..

المشكله اللي احس فيها من يومين هي ...............الدوخه
من جد الدوخه ذابحتني اشرب حبوب حديد بس باقي الدوخه...ولا لي خلق اروح المستشفى
بس ادعي ربي واستغفر عسى ربي يرحمني

بيني وبينكم مشتاااااااااااااقه لبنوتتي ماريا عسى ربي لايحرمني منها
ويفرج على كل حامل ويرزق كل من تبي الحمل يااااااااااااااااارب

نرجسينا · 07-19-2013, 10:25 PM

الحمدلله على سلامتك وسلامة البنوته ربي يرجعها لحضنك سالمة متعافية من كل شر

والدوخة طبيعي غاليتي
هذا بسبب الدم المفقود في الولادة ان شاءالله كم اسبوع ويروح

قلبك انا · 07-20-2013, 01:03 AM

الحمد لله على سلامتك

جريحة المحبه · 07-20-2013, 01:30 AM

الف حمدلله ع سلامتك وتتربى بعزك وعز ابوها

والف مبرووووووووووووووك مره ثانيه

سحابة حب · 07-20-2013, 02:46 AM

الحمدلله على السلامة والف مبروك البنوته
حبيبتي الدوخة من قل الاقل لازم تكثرين اكل عشان يلتام الجرح وتروح الدوخة ولازم شئ دسم اسالي مجرب انا الحين مثلك فيني دوخة من بداية رمضان عشان اكلي قليل اشين شئ نفاس برمضان

لجين عبدالرحمن · 07-20-2013, 02:51 AM

الف مبروك وربي يخليها لكي

انتظرك · 07-20-2013, 03:11 AM

الف الف مليوون ترليووون مااريووون مبرووووووك<< مصطفى الاغى على غفله خخخخخخخخ
تتربى بعزك و عز ابوها الحمد لله على سلامتك و سلامة القمووره عقبالنا الله يسهل ولادتنا

ريم بنت جنوب · 07-20-2013, 03:28 AM

اقتباس:

المشاركة الأصلية كتبت بواسطة نرجسينا

الحمدلله على سلامتك وسلامة البنوته ربي يرجعها لحضنك سالمة متعافية من كل شر

والدوخة طبيعي غاليتي
هذا بسبب الدم المفقود في الولادة ان شاءالله كم اسبوع ويروح

الله يسلمك ياقلبي تسلمي فديتك...يارب تروح الدوخه بسرعه....
شاكره مرورك

اقتباس:

المشاركة الأصلية كتبت بواسطة قلبك انا

الحمد لله على سلامتك

الله يسلمك ياقلبي
شاكره مرورك

اقتباس:

المشاركة الأصلية كتبت بواسطة جريحة المحبه

الف حمدلله ع سلامتك وتتربى بعزك وعز ابوها

والف مبرووووووووووووووك مره ثانيه

الله يباااااااارك بعمرك ياقلبي
شاكره مرورك

اقتباس:

المشاركة الأصلية كتبت بواسطة سحابة حب

الحمدلله على السلامة والف مبروك البنوته
حبيبتي الدوخة من قل الاقل لازم تكثرين اكل عشان يلتام الجرح وتروح الدوخة ولازم شئ دسم اسالي مجرب انا الحين مثلك فيني دوخة من بداية رمضان عشان اكلي قليل اشين شئ نفاس برمضان

الله يسلمك..ويباااااااارك بعمرك ياقلبي
ياليت يجيني نفس أكل...من وقت اصحى لحد المغرب بس تمر وقشر
انتظر وافطر احيانا مع زوجي

شاكره مرورك

اقتباس:

المشاركة الأصلية كتبت بواسطة لجين عبدالرحمن

الف مبروك وربي يخليها لكي

الله يبااااااارك بعمرك ياقلبي
شاكره مرورك

اقتباس:

المشاركة الأصلية كتبت بواسطة انتظرك

الف الف مليوون ترليووون مااريووون مبرووووووك<< مصطفى الاغى على غفله خخخخخخخخ
تتربى بعزك و عز ابوها الحمد لله على سلامتك و سلامة القمووره عقبالنا الله يسهل ولادتنا

الله يبااااااااااارك بعمرك يامصطفى الاغى أقصد يا انتظرك هههههههههههه

عقبالكم يارب الله يسهل عليكم
شاكره مرورك

أم بندر الحلو · 07-20-2013, 03:24 AM

ماشاء الله
ألف ألف مبرووووك الله يحفظها لك
والحمد لله على سلامتك وسلامتها
والدوووخه لازم لازم تاااااكلي عشان تروح
انا جاتني بولادتي بس الحمد لله إسبوع وراحت
كنت آخذ حبوب حديد مع الأكل الزين وأهم شي الأكل كلي سلطاات خضراء والجرجير مره كويس
وما تشوفيين شر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خلفيات بنوته روعه 2013 ، بنوته روعه ، خلفيات سامسونج جالكسي 2013	فراشه الايمان	المـنـتـدى الـعـام	2	08-08-2013 07:04 PM
دورتي يومين بـــس !! مع نزول دم أســود	ms hajoor	منتدى علاج العقم و تأخر الحمل	9	05-13-2013 03:03 PM
اثاث بلون القمر 2012 ، اثاث مطبخ 2013 ، اثاث مطابخ بالون القمر	سوسو 2020	المـنـتـدى الـعـام	0	06-04-2012 02:33 PM
صلاة خسوف القمر الكلي تقام الان اللهم ارحمنا - رصد خسوف القمر الكلي	ANGEL~	المنتدى الاسلامي العام	8	12-01-2011 09:11 PM
علاوي القمر وصل ..	طيف الوله	إستفسارات مرحلة الولادة	36	05-09-2011 05:12 AM