مستشفى نجيب فرعون غسان بجدة:
اهلين ياقلبي انا اختي ولدت هناك من سنه تقريبا والكل كان ينصحها بالدكتوره السوريه عبير بس وقت ولادة اختي ماكانت الدكتوره موجوده فولدتها دكتوره مصريه مش فاكره اسمها بس المهم كانت الدكتوره مره سيئه بس من ناحية النظافه والاهتمام المستشفى مره كويسه فتوكلي على ربك وروحي للدكتوره
عبير.موفقه
وحده من صحباتـــي ولدت عندهم ومررررررررررهـ تمــدحو
ممتاااااااااااااااااااااااازة روحي وانت مغمضة
انا ولدت فيه الدكتورة و الممرضات كلهم ممتازين و معاملتهم ممتازة
و العملية كانت خياطة و عليها لصق و الغرف مرة مريحة انا وصفتها لسلفتي وارتاحت عندهم
انا على مدح صحبتي للمستشفى ان شاء الله بولد فيها
عند دكتوره عبير او لينا لاني رحتلهم وارتحتلهم
أنا ولدت عندهم قبل 8 شهور بالضبط يوم 10 \1\1432هــ
وياليتني ماولدت عندهم كانت أكبر غلطة بحياتي
دي ولادتي الثانية ولدت قيصري بعد ما كنت حموت
وما أبالغ كنت حموت بسببهم وبسبب جشعهم
قصتي معاهم :
انا كنت أراجع طول الحمل عند دكتورة تاج وكان كل شي تمام لما اخر يوم و وولادتي الاولى كانت طبيعية
عشان كدا ما جا في بالي انو اولد قيصري
تأخرت شوية بالولادة دخلت الشهر العاشر
صرت أروحلها كل يومين وتكشف علي وكل شي تمام بس قالت أعطيك اسبوعين من العاشر ادا ما ولدت بأعطيك طلق صناعي
المهم بعد تقريبا 6 ايام من بداية العاشر رحت لها قالت الرحم مفتوح 1ونص سم
وبعدها بيوم رجعت لها قالت الرحم مقفول >> طبعا ما كنت عارفة انو غلط قياس منها
اول ما قالتلي مقفول خفت شوية قام زوجي الفالح قالها يعني ممكن تولد عملية طبعا هنا عجبتها الفكرة على طول ,, المهم وقتها قالت لا ما تحتاجي عملية انت بس امشي
المهم خرجت وانا عندي طلق بسيط وثاني يوم الصبح الي هو يوم عاشوراء نزل علي دم مع الطلق
رحت للطواريء الساعة 6 بالضبط ومحد اعطاني وجه الى 7 وشوية وانا لوحدي
وبعدها جات السستر تقول انو ما تقدر تنادي د.تاج
انو في نظام مناوبة
يعني ما تقدري تختاري الدكتورة الي عندها ولادتك
وقت ولادتك يشوفو مين مناوبة وهي تولدك
المهم جات د.عبير الساعة 8 كشفت علي قالت الرحم مفتوح 3 ونص وولادتك حتكون على العصر
بس قالت دي الكلمة من هنا وقفلت الباب حتى السسترات اعتمدو على كلامها انو العصر و راحو
ولما اصرخ عليهم يقولو لسه مدام انتي مافي دحين ولادة
المهم قضيت الصبح كله آلام الطلق مرة قوية
ومن شدة الألم أحس صرت أغيب عن الوعي وأرجع أفوق ومحد عندي
وعلى الساعة 2 الظهر خلاص بدأت أدوف وبدأت البنت تطلع وهم لسه ما رفعو رجولي ولا نادو الدكتورة
المهم ساعتها راحو نادو د.أمل وجت وبس طالعت لقت راس البنت طالع
قامت سوت فلم هندي مزبوووط على حساب حياتي
قامت تصرخ الحبل نازل قبل البنت .. البنت حتموت يلا عمليات
وتصرخ
وانا اوف وهي تصرخ لا تدفي واخدت حديدة دخلتها من تحت عشان ترجع راس البنت بالقوة
انا ادوف برى وهي تدوف جوة
والله كنت بمووت والله اني تشهدت حسيت روحي بتطلع
وشالوني بالسرير زي ما انا على غرفة العمليات .. تخيلو مريت على الدور كلو وانا بلبس الولادة وارجولي مرفوعة شعري مكشوف وحالتي حالة
المهم بعد ربع ساعة من العذاب انا ادوف وهيا تدف .. خدروني
وسو العملية
فقت من العملية الساعة8
الاقيهم فاتحين فتحة صغيرة ببطني غير خياطة العملية مدخلين فيها انبوب يخرج دم
لما سألتهم قالو عشان في دم متجمع ببطنك عشان يخرج
سألت كل الناس ولا احد سمع بدا الشي من قبل
المهم د. أمل ما عد ورتني وجهها نهائيا
مرت علي تاج مرة وحدة بعد يومين من ولادتي 5 دقايق وبس
وما عد شفت الا الممرضات
وحتى الممرضات ما يجو الا فين وفين
طلبت روب طبعا مع الانبوب الي ببني ما اقدر البس ملابسي الي كنت مجهزتها
المهم بالقوة يجيبو واحد بعد شحاتة 10 مرات
ونصابين لابعد حد
المفروض العملية 5 ايام تنويم
تخيلو من ثالث يوم طردوني
لا والادوية ما عطوني
اعطوني روشيتة اشتري ادوية بقيمة 300 ريال
تخيلي دافعة فوق 11 الف على اساس انها شاملة كل شي
والله قمة النصب والاهمال
وانا الى اليوم ما اعرف ليش سوت العملية
كلو عشان الفلوس الله لا يحللهم
واخر شي طول الثلاثة ايام كل ما أسأل عن دكتورة عندها عملية على مدار 24 ساعة عمليات
الاهر محد يولد طبيعي عندهم
نصيحتي روحي مستشفى الجامعة حلو ونظيف والاهم من كدا ما حيقررو العملية الا ادا احتجتيها
دعواتك
اخر مرة ولدت السنة الي فاتت و دكتورتي امل عبد القادر بس القيصري يجيك جراح ۔ والكبس دا مااعتقد
يسووه كلهم خياطة
..
الله انا اراجع عند دكتورة تاج الهندية في غسان فرعون و فكرت اولد عندها كمان
بس هيا الين دحين ما عرفت البيبي بنت و لا ولد و انا خلاص في الشهر السابع ماشالله
فكرهتها و كرهت المستشفى و بطلت منهم و دحين حروح الاطباء المتحدون اجربهم
انا فكرت احول لايمان اللي في غسان بس قريت في المنتدى انها سافرت
شوفي يااختي عن تجربه
المستشفى الي مافيها احد يراجع كثير ومهي معروفه لاتولدي فيها نصييييحه
والله تتبهدلي
انا ولدت في بقشان ومحد فيها كثير يعني مهي مره
ووقت الولاده بس يبغوا يسولي قيصري طبعا يبغوا يكسبوا مهم عارفين من فين
فعلى طول عمليات
المهم انك تولدي في مستشفى معروف زي عرفان ولا فقيه لاتغااااامرين مررررره
ولو ايش ترى القلق مهو زين مرررره ودحين والله لو ادفع عشره الاف على ولاده طبيعي وعند دكتوره كويسه ادفع ولا اني اغامر مره ثانيه
الله يوفقك ويسهل عليك
وعن غسان فرعون مهي معروفه ولاقد سمعت احد ولد فيها
وربنا يعينك ويسهل عليك
عندك الدكتوره شريفه الصبياني في عيد كلينك معروفه وطيبه وولادتها مرره كويسه
الله يسهل عليك
ماجربت المستشفى
بس سالتهم عن سعر الولادة وبصراحة غالية ماتفرق عن السعودي الالماني وعرفان في الاسعار
جدا جدا جدا سئ نصيحه لا تروحيه تعامل جدا مو قد كدااااا حتى عنايه مافي تسيبي المستشفيات الكويسة وتروحي غسان فرعون الله يعينك بس
والمستشفى فيه ناس يمدحونه وناس تذمه والتوفيق والتسهيل ترى من رب العالمين
الدكتورة عبير عيادتها دايما زحمه وعلى طول عندها ولادات ولمن تكشف على الوحده تجلس معاها نص ساعه وتسالكي عن كل شي
الدكتورة عبير ممتازه انا جربتها وخيطتها ممتازه والممرضات مره طيبين وصبورين والدكتوره اخلاقها عسل ودايو اولد عندها على حسابي الخاص موتابعه لشركه
حبيبتي أنا الآن أراجع فيه بس للشهر الأخير
لكن ما أعتقد إنهم كويسين في التوليد ... كانوا زمان كويسين الآن محد يمدحهم أبدااااااااا ...حتى كمامه وقت الولاده مافي على حد ماسمعت
ماادري لكن لو أنا ماافكر اروحله في غيره والأفضل
الا إذا مرتاحه لدكتوره معينه فيه هذا شي تاني
والله انا من الناس اللي ولدوا في كنت اراجع عند د ايمان هي اللي ولدتني وفي حملي الثاني ولدت في الحرس بجدة والله من ناحية النظافة والعناية بي وبالبيبي مرة حلو بس الاهتمام اللي بالحرس اكثررر بكثير حسيت بالفرق
انا اتصحك فيه وبقوه فيه كل شي وتعامل ولا احلى
وكلوت وحفايض واهتمام وهدوء وطوله بال ونظافه وراقي
ماشاء الله -
ويستاهل قيمته لا تتردي ابد
-
يدخلو الزوج غرفة الولاده
اختي ولدت فيها مستشفى نضيفه ومرتبه
ولدت مره طبيعي ومره قيصري ممتازه الطبيعي 4500 عند الدكتوره عبير
دكتوره عبير اخلاق وتعاملها جدا راقي الولاده 4000
مع المتابعه 5500
بس هذه الأسعار قبل 4 سنوات
وولدت قبل 9 أشهر قيصري بـ 9500
ولا يشمل تطعيم البيبي والطهور اذا كان ولد وخرم الاذن اذا بنت
السلام عليكم
يابنات انا احب اقولكم اني رحت لمستشفى غسان فرعون
ورحت لدكتوره اسمها امل والصراحه ارتحتلها مره
واشتركت في البرنامج
دفعت1750 هدي دفعه اولى
والباقي حسب ما تحب تحبي تدفعي كل شهر تحبي تدفعي كل ماتيسرلك المهم قبل الولاده تكوني دافعه مجموع 5200 ريال
وهدي تشمل
الزيارات حقت كل شهر
والتحاليل اللي في اول الحمل
و3 اشعات للبيبي
والولاده + يومين في المستشفى
وكشف الببي وتحليل الولاده
ومراجعه وحده لدكتور الاطفال ودكتورتك بعد الولاده
ولاكن التطعيم حق البيبيتدفعيه بسقال يكون في حدود 200 ريال والطهور اذا كان ولد 300 ريال
واذا صار قيسري تزيدي5 الاف
***** الله اكون افدتكم
ويارب ييسرليحملي وولادتي يارب
ويرزقني ببيبي سليم ومعافا وكامل بدون زياده ولا نقصان يارب
06-21-2013, 09:22 AM
أطباء نساءومشافي و اسعار
angelmoon1988 
رد: أطباء نساءومشافي و اسعار
جديد منتدى إستفسارات المستشفيات و عيادات نساء وولادة
العرض العادي
