حلم قديم لم انساه

[بيللي]

السلام عليكم


عندي حلم حلمته من 4 سنوات يمكن او اقل بشوي


بس مو قادره انساه احاول انساه وانساه فتره وارجع اتذكره بتفاصيله


ابغى افهم معناه يمكن هذا تحذير او له فائده لو عرف تفسيره


/


حلمت اني بالليل دخلت بيت مهجور بس جديد

كان مصبوغ بالابيض كامل وماكان فيه اثاث ابدا وكان فيه فتحات للابواب والنوافد بس مافيه ابواب ولا نوافذ يعني مجرد فتحات

وكان البيت في منطقه معزوله في البر ودخلت لوحدي في البيت وسمعت صوت شخص يون (يأن)

ورحت اتبع الصوت وانتبهت ان في نور خافت ورحت عنده وشفت فرشه مصنوع من الجلد معلقه بالجدار

والفرشه هذي فيها شخص يعني هو نايم في الفرشه المعلقة (يعني صايره زي قربة المويه حقت البدو اول بس كبيره)


ولما قربت اكثر شفت الشخص اعرفه وطليت داخل الفرشه شفته مغطى بمويه لحد رقبته

وكانت المويه وسخه كانها صديد وبول ومويه وكانه مشلول بس راسه كان سليم ومايشكو من شي

والشخص هذا طالعني بس حسيت مايقدر يتكلم وجبت له مويه وشربته وكان حزين ودموعه تنزل

ويتعصر من الالم

وكنت اابغى افهم وش جاب المويه اللي على جسمه وقمت احلل من نفسي وقلت يمكن امي حطت مويه عشان جلده ماييبس ويتحلل


وكان بداخلي عتب على امي لانها اهملته وتاركته بهالبيت المهجور لحاله