تجربة نفاسي الصعبه

[البدور123]

بسم الله الرحمن الرحيم

السلام عليكم حبوبات ..تجربة النفاس عندى كانت مره صعبه طبعا انفست في بيت اهلي
بعد م جهزت كافة الاغراض ..تبع النونو ولكن انا اغفلت نقطه مهمه

وهى العنايه بي وقت النفاس ..اول م طلعت من المستشفى كانت اعصابي مشدوده
وكنت شاريه من عند العطار حوايج للنفاس من غير مدري هل هى نظيفه هل هو ثقه جاااااااااااااااااااهله اقوى شي المهم طلعت وكنت الط فيها الط فيها لغايت من انتفخ بطني وصارعندي صعوبة في الاخراج حتى الغازات الله يكرمكم م كنت اطلعها زين تعبت تعبت
ومع الشد والارهاق والسهر ع بنتي
طلعت من الاربعين وم كنت منتبهه للانتفاخ ولا مهتمه لعملية الاخراج عندى لانى كنت ماسكه بنتى طول الوقت شايلتها نامت نمت معها قامت قمت معها..والانتفاخ يزيد ببطنى

لين جات ساعة الصفر قمت من النوم وقتها مرعوبه وكارهه بنتى واقول لامى اخذيها عني مابيها ..مدري وش جاني ولاحول ولاقوة الا بالله ..المهم امى خافت قالت اطلعى برا الغرفه طلعت..وانا ابكي ومنهاره ..كلمت زوجى خبرته (طليقي الان)وكان مسافر قال طيب اقري قران
جلست اقرا قران وابكي وبصدري حرقه مدري من ويش المهم ودودنى اطباء ودكاتره

حللت طلع احتباس غازات وفضلات عطونى علاجات م فاد رحت لمداويه ام راشد باسكان الحرس قاست راسي قالت بكويك ع راسك قلت طيب بس انا معى الدورة قالت اجل بعطيك صبخه للراس عشرة ايام ..وقاست بطنى قالت قولونك ملياااااان عطتنى حلول استمر عليه عشرة ايام ..والله ي بنات طلع من بطنى اشياء مدري كيف اوصفها لكم تعرفون عيدان القرفه والله زيها بالضبط طلعت منى ..الان وضعى كالتالي معى قولون عصبي ومعى جرثومة معدة من الحوايج الى شريتها بدون هدى انتبهووووووووووووووووووووووووووووووووووووو وراسي دخل فيه هواء لانى م كنت اغطيه بالنفاس ولانى م حطيت عليه زيت زيتون مع حبة البركه المطحونه معه لانى هذي تمنع دخول الهوا بالراس وم كنت البس سروال طويل لانى كنت اتقرف من عادات الاولات طلعن هن الصح وانا الغلط والله ي بنات انصحكن انصحكن حافظن على انفسكن زين....من واقع تجربتى

وجات الخاتمه والحمدلله على كل حال تخلى عنى زوجى لانه ما يبي وحده مريضه وراح مع زوجته الاولى يتمشون وتركنى هو الشهادة لله كان معى بالبدايه لكن لمست منه انه تملل منى ..وطلبت الطلاق حتى ارتاح واريحه الله يستر عليه ابو بنتى م له غير كل معزة وتقدير
المهم ..ي بنات طلبتكم تدعون لى ان الله يشفيني ويخلينى لبنتى ويجعلها قرة عين لي ويجعلنى قرة عين لها

[فاغره]

الله يشفيك ويعوضك يا حبيبتي خير والله يسعدك على نصيحه نبهتيني على شغلات كثير الله يوفقك

[البدور123]

الله يوفقك ويرزقك بالذريه الصالحه ..

ويجزاك خير ع الدعوات

[سليوه]

الحمد لله علي سلامتك يا قلبي مشكله كثير من البنات ما يمشون علي نظام النفاس بحجه أنها خرابيط وب الأخير يضيعون اللهوم اشريه من عطار ثقه ولأسلوبه بنفسك تبخرو وسوو مغطس وكللو زين الله يعوضك خير ياحبيبتي اهم شئ انك بخير اللحين

[البدور123]

الحمدلله الحمدلله الحمدلله الحمدلله من قبل ومن بعد طلعت من هالتجربه بقلب ذاكر شاكر وثم ببنتي الله يحفظها لي
ولا يحرمني منها ويجعلها قرة عين لي ويجعلني قرة عينالها ويبلغني برها اللهم امين

["ام تولين"]

الحممدلله على سسلامتك وربي يشفيك ويقر عينك بزززوج صصالح ويقر عينك ببنتك ياااارب^^

[البدور123]

اللهم امين يسلمو ي قلبي

[¤♥ أنثى حآلمه ♥¤]

شكرا على النصائح والتنبيه .... والله يشفيك ويشفي أمك
ويخلي لك بنوتتك ويرزقك برها ... ويرزقك الزوج الصالح الذي تقر به عينك

[البدور123]

الله يسعدك يم معاذ ويخلي لك معاذ وابوه ويسخرهم لك ..اللهم امين

[سوزان الرياض]

ياحياتي الله يشفيك ويعوضك
انصحك بالحجامه لانها تنظف الجسم سويها 4 شهور ورا بعض
واشربي سناء مكي كاس واحد يكفي ينظف بطنك تنظيف