يابكريه لاتخافين من الولاده(تعالي أحكي لك)

[ღ ﮔـبر ياء أטּــثـى ღ]

السلام عليكم ورحمة الله وبركاته


ومسااكم وصبحكم الله بالخير جميعاً ..

أخوااتي الحواامل (واخص بالذكر كل بكريه حامل)

أول شي أفرحي لأنك حامل وغيرك الكثير الكثير يتمنى يمووت بس انه يحمل ويشيل ضنااااه بين يده


والحمدلله يااااربي لا انتي أول ولا أخر وحده بتحمل وتولد ..


والله يااابناااااااااااااات انها تساااهيل من رب العباد

وربي عمره ماخلى عباااده ونسااهم ..


وربي ارحم الراحمين بخلقه ..


يمكن اللي يوتر الا الاكيد ان اللي يوتر اي حامل وخااااااااااااااصه البكريات هو كلااام النااااااااااااس


حبيبااااتي .. ونصيحه من أخت بكريه ولدت قبل30 يوووووم بس

والله اني متكله على ربي100%

وكنت في كل صلاااه ادعي ربي


(يااارب سهل عليّ الحمل والولاده وعلى كل مسلمه)


ومن دخلت الشهر التاسع كل يووووم7حبات تمر اول ماأقوم الصباح وكانت هذي نصيحة دكتوره قالتها لي


بس عاد انتبهوا اذا كان عندكم سكر استشيروا الدكتوره

طبعاً هالشي مذكور بالقرآن لما مريم جاها المخاض(اعراض الولاده) انها تهز جزع النخله وتاكل


ثاني شي المشي حبيبتي لأنها يساعدك بس لااااا ترهقين نفسك أبد أول ماتتعبين ارتاااحي

على طووووووووووووووول..

طبعا أنا وعشاان اني بكريه أخذت يومين من العاااشر وفي بكريات اسبووع وهذا شي طبيعي جداً جداً جداً ..


وللحديث بقيه ..

انتبهي تاخذين قرررررررفه واعشاااب ومدري ايش مع الولاده..

لأن مو الكل ينااسبهم ..


ترى في نااس يقفل الرحم عندها وهالشي صار مع وحده من قريبااااتي


لكن انتي من تدخلين التاسع خذي لك مويه واقري فيهااا ..

واشربي وامسحي على بطنك

سوي بحث بقوقل واكتبي ادعيه لتسهي الولاده

كماااان سووورة الزلزله <=وربي ياابنااات قالتها لنااا استاذه واحنا ثالث ثانوي يعني قبل5 سنين


وبالفعل حتى وانا اولد كنت اقراها بيني وبين نفسي


وبعدين يالبكريه ماااعليك من الناااس اللي تصيح وقت الولاده

ترى البكا ياخذ جهد منك زيااااده


تدرين ليه الوحده تصيح وتصاارخ بصووت عااااااااالي؟؟؟؟

لأنها تقوم بجهدين (الولاده+الصياااااااااااااح) فيزيد التعب

لكن لو كان جهد واحد( الولاده) تعب أقل بكثييييييييييير<=وعن تجربه شخصيه


وأهم شي بعد حبيبتي طريقة التنفس أثناء الولاده تسهل عليك مره


طبعاً ماأعرف أصيغ كتابة الطريق صح لكن ابحثي بقوقل عن طريقة التنفس اثناء الولاده



وعلى فكره حبيباااتي الحمدلله تراني ماأخذت ابرة الظهر مع اني من دخلت وانا بس اقوول عطووني اياهاا عطووني اياااها

قبل يجي الألم اللي مره من كثر مااسمع كلام النااااس والقيل والقااااااااااال

بس وربي ياابنااات رحمه لي من رب العباااد ان ربي ماأردا اني أخذهاااا ابد

صح انهااا راحه وقت الولاده لكن تعبهااا بعدين

انا شفت أختي اللي اكبر مني وقعدنا نقارن بين ولادتي وولادتهاا وكلنا بكريات

هي أخذتها وأنا لا

فـ هي حست بأثارها بعد الولاده يعني ظهرها عورها راسهااا<=وهالشي طبيعي للي تاخذ الابره

انا لا ماأخذتهااا والسبب


طبعاً جيت المتشفى بعد مانزل علي مويه وماكنت حاسه بأي ألم بس مويه

طعاً يعني بحكم اني بكريه حسيت بإرتبااك يوم شفت المويه بس أول شي سويته سميت على نفسي

والحمدلله كان شي عااادي ماأنفجعت ولاشي جداً عادي

رحت أخذت لي حمام دافي ودقيت على زوجي ( لأني ذاك اليوم سهرانه عند اهلي) وجا وأخذت أمي ورحت للمستشفى

دخلت غرفة الكشف شفت عااالم تصيح توترت شووي بعدين قلت وش عليّ في صياااحهم وطنشت وقعدت أدعي ربي

يسهل علي وعلى كل حامل .. اي وحده تدخل يعطونها لبس تلبسه


لبست اللبس عاادي وانسدحت على سرير .. قاسوا الضغط وشافوا نبض الجنين الحمدلله تماااام


و بعدها جت ممرضه بتشوف كم فتح الرحم؟

طبعاً ماكنت أعرف كيف يكشفون؟


الطريقه / تلبس قلافز(جونتي) وتحط فيه ماده لزجه تساعدها تدخل يدها من تحت

طبعاً مو شي جديد يدخل شي من تحت

هي بتدخل اصبعين بسسسسسسسسسس


عاااد ماااشاء الله يالحاامل دخل اللي أكبر من الاصبعين فـ عادي مو شي جديد عليك^_^


المهم أنا كان فاتح تقريباً 2ونص


وانا من عرفت انه فتح وانا اطلب الابره قالت مو هنا تاخذينهااا فوووق غرفة الولاده

المهم قالوا انتظري لين يفتح الرحم اكثر انتظرت

بعدها كشفت وصلت لين 5 سم طلعت غرفة الولاده

وبدى مغص عندي اسفل البطن صح يعور بس مو مره

زي مغص البرد

على فكره بغرفة الكشف بيعطونك مغذي


طلعت الغرفه فوق عادي


سرير لك واشياء لأستقبال النونو سرير ومدري ايش


قعدت فوق بغرفة الولاده(ومعاي الوالده الله لايحرمني منهاااااااااا امين يارب العالمين)


و جات تكشف كم فتح الرحم قالت صااار 9ونص ومابقى شي على 10سم

لأن اذا وصل10سم خلاص ولاده


قلت والابره حقة الظهر قالت الممرضه خلاص فتح الرحم9ونص احمدي ربك ماتحتاجينهااا

وما انصحك فيهاااا

طبعاً يوم يوم طلعت فوق غرفة الولاده عطتني اكسجين تقول هذا عشان البيبي

واكسجين ثاني قالت اذا شد المغص معك مره وماتحملتي الألم خذي من الاكجسن الثاني بيخدرك شوي

طبعاً بتحسين زي الدايخه عاااااااااااااااااااااااااادي

حطوا لي جهاز يقيس الضغط جهاز نبض الجنين


بعدهااا قلت ياااااااادكتووووووووره ابغى الحماااااااااااااااااااااااااا ااااااام مرررررررررررررررررررررررره

تحسين انك ودك بالحماااام

قالت الدكتوره هذي الولاده


تحسين انك غصب ودك تتبولين (الله يكرمكم) شي يدفع مو بكيفك

قالت يالله ادفعي الحين هذا الطفل يدفع وادفع بكل قوتي


قالت كل ماحسيت بهالشي(انك تبغين الحمام يعني الله يكرمكم)ادفعي


بس انتبهي خلي رجلك مفتووحه عشان راس البيبي



طبعاً قبل كل مره بتحسين فيها انك تبغين الحمام(يعني قصدي البيبي يدفع) بيجيك مغص


وكل ماحسيتي بدفع البيبي ادفعي


بعدين بيجيك وقت راحه لامغص ولادفع طفل

هنا فرررصه لك تخذين نفس عشان ترتااحين


يعي بتصير ..


مغص(الطلق)=> =>دفع البيبي (كأنك تبغين الحمام) مع دفعك معاااه=>خذي لك نفس


طبعاً هاللحظه حاولي ماتصرخين عشان جهدك مايضيع خليه للدفع مع البيبي عشان تولدين بسررررررررررعه


وحاااولي تدعين ربي باللي نفسك فيه وانه يسهل عليك ولاتنسين سورة الزلزله


على فكره نسيت اقول لك حبيبتي البكريه) ترى فيه تخدير موضعي بيعطونه لك من تحت وبيسون توسعه يساعدونك عشان راس البيبي طبعاً وهم يفتحون عشان يوسعون ماتحسين بشي أبد أبد لأنك مخدره موضعي

المهم بعد كذا بتشوفين الدكتوره تقووول لك ( مبروووووووووووك طلع البيبي) ^_^











وللحديث بقيه

[ღ ﮔـبر ياء أטּــثـى ღ]

بخصووص المشي مالي وقت محدد أحيان في بيتي أمشي

بس قالت الدكتوره لاتمشين اكثر من ساعه متواصله

احيان امشي10دقايق وارتاااح احيان ربع ساعه يعني باللي أقدر عليه


وقالت لي بعد امشي من تدخلين السابع .. بس استشيري دكتورتك قبل

لأن هي أدرى بوضعك وحالة الجنين


وبخصوص ان المشي مايسرع الولاده مو صحيح

نكمل سوآآلف ياحبيبااتي الحوامل البكرياااااااااات والحواامل للمرااات الثانيه والثاالثه والعاااشره^_^


ولدتي والحمدلله شفتي النونو بخير وعاافيه

الحين الدكتوره بتسوي مساج لبطنك عشان تطلع المشيميه والـ و و و .. يعني البواقي الله يعزكم ويكرمكم


وترتاااحين شوووي.. بعدين دور الخيااطه عشان التوسعه وانتي طبعاً مخدره من قبل


وهنا في شي بيرفعون رجلك عليه تصير زي شكل ثمانيه عشان يخيطون صح

بس وقت الولاده انتي ترفعينها شكل ثمانيه
راح يعطونك قبل الخياطه تخدير مره ثانيه ويخيطوون .. طبعاً بتقول لك الدكتوره لازم تتشطفين بمويه دافيه وملح الايام القادمه


الحين أحلى وأجمل اللحظــآآت ..

تنزلين من على السرير وتقعدين على كرسي متحرك ويحطون طفلك عليك وينزلونك على غرفتك وترتااااااااااااااحين

تحسين قسمن بالله انك اكشخ وحده وانتي تمشين طالعه من قسم الولاده وطفلك بين يدك


احسااااااااااااااااااس غييييييييييييييير ورب البيت

تحسين انك شاايله ألمااااس وذهب بين يدك

ودك تقووولين لكل اللي تشوفينهم ياناااااااااااااااس ترى هذا طفلي


يعني احسااااااااس مستحيل اوووصفه








ولدتي ونزلتي تحت .. بياخذون طفلك يروشوونه ويجيبونه لك ..

بتقول لك الدكتوره بعد ماتروحين غرفتك بعد الولاده ادخلي الحمااام عشان تفرغين المثانه



طبعاً لاتخاافين بينزل عليك دم كثير أثناء دخولك الحمام شي طبيعي لأن هذي بقااياااا

طبعاً هم بيشيكون عليك هل كمية الدم زاايده عن المعقووول عشان يتأكدون انه مو نزيف


طبعاً الايام الأول الدم بيكون كثير شي طبيعي وعااادي جداً ..


وبعد اسبوع والا اسبوعين تبدى تقل كمية الدم

وشي ثاااني كماااان ياحبيباااااااااااااااااتي مهم مررررررررررررررررررررررررررره مررررررررررررررررره

جهزي شنطتك قبل توليدين بفتره كاافيه


حطي فيهاا

ملابس لك(داخليه وخارجيه ،فوط مابعد الولاده ،حفاظات للصدر عشان اذا نزل حليب ماتنحاس ملابسك،أدوات النظافه شامبو وصاابون فرشه معجون مشط ..الخ)


ومرهم اسمه (ريالوكين) ركزي على كلمة مرهم لأن فيه من جل وبخاااخ خذي الكريم أنتي


وأدهني الفوطه قبل تلبسينهاااا تخدرك عشان ألم الخياطه بعد مايروح تأثير البنج..

خذي لك 3 والا 4 علب مرهم عشان مايخلص عليك

كل ماغيرتي الفوطه حطي فيه من المرهم

عشان يخدرك ويخفف الألم عليك

وكمااان لاتجلسين أبد خليك منسدحه والا منسدحه ورافعه ظهرك شوي

وامشي امشي امشي .. بس مو بعد الولاده على طوووول بعدهااا بسااعااات


امشي بغرفتك و بشويش مرررررررررره لاتسرعين بس عشان يتحرك الدم بجسمك

وهالشي زين للخياااطه

يكفي تمشين 5دقااايق والا اقل باللي تقدرين عليه



طبعاً بين فتره وفتره بيقيسون حرارتك وضغطتك عشان يتطمنون عليك

وبيسألونك الطفل تبرز وإلا لا<=يتأكدون إن اعضاءه شغاله ..

وبيسألونك نفس السؤال عشان يتأكدون ان وضعك تمام

بيجي دكتور والا دكتوره بيشيكون على سلامة طفلك ..

كل شي تماااام يومين تقريباً تنزلين على البيت ^_^



ولدتي بالسلامه .. صار عندك نونو زي العسل ربي يخليه لك يارب ..

في بنات ماشاء الله على طوووووول ينزل حليب منهاااا وبنات لااا ..


طيب كيف ..؟ وليه مانزل حليب؟؟؟


أول شي لازم تحاولين ترضعين طفلك حتى لو مافي حليب

وانت ساعديه يرضع


في البدايه مابينزل حليب معااااه ..

لكن مع التكرار سبحان الله ينزل


وياهلا وغلا فيكم حباايبي الحوآمل .


همسه أحب أهمس فيها بإذن كل حامل وخصوووصاً البكريااااااااات ..

خلال فترااااااااااات حملك راح تسمعين الكثير من القيل والقال واللي بعضها ممكن يوتر لك اعصااااااابك ..
ومنها على سبيل المثااااااااال


@ ياللــــــــــــــه .. وش ذاااااااا؟ بطنك صغيييييييييير؟؟

@ ما انصحك بإبرة الظهر ترى تجيب الشلل .. <= والحقيقه انه ليس لها علاقه بالشلل لأني قبل ماأولد بحثت بالموضوع كثثثثثثثثثير ومالقيت اللي يثبت ذلك غير بربرة وهذرة الحريم


@ الله يعينك لو انا مكااانك أولد قيصري

@اشرربي قرفه كثيييييييييير


@فلااانه ولدت وانتي لسى؟


@ كل شوي يسألونك أنتي في اي شهر ومتى بتولدين؟


وغيررررره هالأمور والبربره كثير اللي توتر الحاامل وهي خلقه مو نااقصه توتر


شووفي حبيبتي .. بقوول لك شي ..

حطي اذن من طين واذن من عجين ودخلي من هالاذن وطلعي من الثاانيه


ترى الحريم مو سوى وفيه ناااس تباالغ بالحكي خصوصاً بسالفة الولاده


يعني بالله عليكم لو هم صاادقين ليه الوحده تحمل مره واثنين وثلاااثه؟؟؟؟؟؟

انا ماأقول بتولدين وانتي تضحكين . بس ترى في نااااس تبااااااالغ مرررره


اتكلي على ربك ..واستاااانسي ترااااااااااااااااااك بتصرين أم
اقتباس:

المشاركة الأصلية كتبت بواسطة bbmm
مشكووووووورة حبيبتي جزاك الله خير،والله يوفقك يارب

والله ريحتيني بكلامك من هم وخوف والولادة
ابغى أسألك سؤال انتي تقولي وقت خروج الراس انتي ترفعي رجللك هل مع الالم تستطيع الوحدة هي ترفع رجلها ؟

أالف مبرووووك البنوتة والله يخليها لك وتشوفيها عروس
وياااك اختي

والله يفرحناا بولادتك ربي يسهل لك وعلى كل مسلمه امين يارب

خيتووو عاادي تقدرين ترفعين رجلك

بالعكس تحسين لاشعوري ترفعين وتدفعين لأن ودك تتطلعين البيبي

واهم شي ماتضمين يعني تقفلين رجلك عشان راس البيبي

نرجع ونكمــل دردشــه حبيبـآآتي ..

أهم شي بالحياه عشان الانسان يحقق نجاحاته ويعيش بسعاده لازم يكون تفكيره ايجاابي

ومايصير سلبي حتى لو بكلامه ..

مثاال ..

واحد قال ..( أنا بإذن الله راح أنجح في هذا الاختبــآر .. وسأبذل كل مابوسعي.. أنا عندي ثقه بالله وبقدراتي)

والثاني قال( اوووف .. يالله .. اناا رااسب رااسب المنهج صعب.. ماأقدر أذكر مو فاهم)

لاحظوا الفرق بين العبااارتين .. نفس الكلام ينطبق على الحامل ..

لا تقعد تقوول الوحده يالله الولاده صعبه.. ياااربي خاايفه من الطلق ..

يالله لايصير كذا وكذا ..

لازم الوحده ترفع من معنويات نفسها ويكون عندها ثقه بنفسهااا ..

يعني أنا مثال سمعت قصص وكلام لين قلت بسسسسس ..

ووحده من صديقاتي ولدت قبلي بثلاث شهوووور فسمعت منهااا كلام يطير العقل ويخوووف

طنشت كل الكلام اللي سمعته وكلام صديقتي وكل العالم ..

حطيت في بالي شيئين ..

1/ أنا متكله على الله الحي القيوم الرحمن الرحيم

2/ انا قد الولاده بكل مراحلهاااااا .. أنا قد الطلق .. أنا أقدر على الألم ..

هذا تكفير لذنووووبي .. يالله بصير أم .. وش يعني بأحس بمغص مو شي جديد المغص

صح بيكون أكثر من المعتاد بس يظل مغص يعني ش جربته من قبل مو جديد علي

وبعدها أضغط عل نفسي عشان أدفع البيبي برى وبسسسسسسسسس

أنا شجاااااااااااااااعه .. أنا مو أول ولاأخر وحده بتولد .. الموضوع عاااادي ..

أنــــــــــــا بطلع من هـ الغرفه وأنا أم و شايله ضناااااي ولأول مره بين يدي

والله يااابناااااااااااااااااات ماشاء الله تبارك الرحمن.. حسيت الوقت يمشي

يعني أنا بغرفة الولاده من الساعه6ونص وولدت الساعه 10ونص

وربي يابنات ماشاء الله تبارك الرحمن والحمدلله ماحسيت اني قعدت هالوقت كله

صح مرت لحظات شوي صعبه من المغص والدفع ..

بس والله ربي رحمن رحيم بعباااااااااده .. ترى ربي يحبنااااا والله

وان تعبنااااا شوي تررراه تكفير لذنووبنا ربي يبغى يغفر ذنووبنا ..

تخيلووووا يابناااات ان دعوة اللي تولد مستجاااابه .. أكثر من كذا نعمه الحمدلله

تدرون من الفرحه أول ماشفت بنتي بعيني .. جتني العبره وأدعلي لها وابكي

يارب خلهاا لي يااارب لاتحرمني منهااا ياااارب دخلنا الجنه

جد وربي لعيوون بنتي هااان كل شي ..

يعني كيف أوصف لكم الموقف مدري ..!!!!!!

بس بيكون أحلى وأجمل وأروووع موووووووووووقف بعمرك كله

أحسن من لو انك أخذتي نسبة 100% بالثانوي..

واحسن من لو ان جاااااك أطلق معرس

وأحسسسسسن من كل شي كل شي كل شي

لدرجة اني متقطعه من الوناسه بعد ماطلعت لغرفتي فوق .. امشي واسوولف مع امي

واطااالع ببنتي وقمت اصوورها ارسلها لأخواتي بالبيت جد يووووووووووووووووم شي

هذا اللي يقوولن عليهااا ليله من الف ليله الا عن الكل الليااااااااااالي

اقتباس:

المشاركة الأصلية كتبت بواسطة joooreey

الله يجزاك خير

انا مو بكريه بس خوافه جدا جدا جدا

وقت الولاده ارجولي ترتجف وما اقدر افتحها وكل ممرضه ماسكه رجل وحالتي حاله
الله يعين
انا نفس الشي رجف رجلي سمعت الدكتوره تقول لأمي ترى هذي رجفة البيبي

خيتوو بخصووص رجلك

انا قبل لا أبدى الولاده الفعليه ..قالت لي الدكتووره انتبهي لاتقفلين رجلك عشان راس البيبي

ترى فيه بنات يضغطون على راس البيبي..

تحديت نفسي واني أقدر .. وهي لحظه ويسلم راس البيبي طوول العمر

حطيت في باااااااااااالي انا اقدددددددر ..

وفعلاً ياربي لك الحمد .. رجل شرق والثاانيه غرررررررررررررب ..

نسيت كل الدنياااااااااااااااااااا لحظتهااا وفكرت في بنتي واني ماأضغط على راااسهاااااااااا ابد

انتي ترااااااااااااااااك تقدرين ..

أختي حاااااااااااولي تتحدين خوووووووووووووفك .. عشااااااااان ضناااااااااااااك

ولو فتحتي رجلك صدقيني تنتهي ولاتك بسرعه لأنك تعطين البيبي فررصه يطلع ..

ولاتشدين نفسك وقت الولاده لأن سبحان الله اذا الوحده شدة نفسهااا تطول الولاده شوي معاهاااا

عكس لوو فتحت رجلهااا وجاااولت تسترخي ..

ربي ييسر لك أمرك ياااااااارب ولكل مسلمه

امين يارب العالمين

وللحديث بقيه

[ღ ﮔـبر ياء أטּــثـى ღ]

المشاركة الأصلية كتبت بواسطة ام ماسه

هلا الحلم الوردي ..

عندي كم سؤال ياليت تجاوبين ماعليك أمر ..

1- أثناء الولاده يشوفون شي ولا تكونين مغطيه .. الولاده والخياطه ؟؟

2- متى تطلبين خياطه مضبوطه و.. أثناء الخياطه نفسها ولاقبل ؟؟

3- مرهم ريالوكين ممتاز للتخدير ؟؟ وهل له أضرار وأعراض جانبيه ؟؟ وهل لازم بوصفه طبيه ؟؟

4- أنا ناويه آخذ ملابس للبيبي معي أكيد , أعطيهم يلبسونه لما يسبحونه ولا أنا بنفسي ألبسه ؟؟

أدري أسئلتي كثيره بس عاد لازم تجاوبيني

هلااا يااقلبي

1/ اللي فهمته من سؤالك قصدي يشوفون من تحت..

لازم الدكتوره تشووف من تحت عشان تمسك النونو اذا طلع

ولازم تشوف عشان تخيطك صح

2/ انا ماطلبت شي الدكتوره خيطت وخياطتها الحمدلله حلووه

وتعطيك تخدير مره ثانيه قبل الخيااطه

3/ المرهم محد وصفه لي زوجي راح الصيدليه وقال ابغى مرهم مابعد الولاده للخياطه

والصيدلي اعطااااه هالمرهم

ومو لازم يوصفه لك الطبيب

والمرهم ممتااااااااااااااااز جداً

4/بعد الولاده هم يروشونه ويلبسوونه وان اخذتي لبس عطيهم يلبسوونه

وانصحك بالأقمصه للنونو

انا شريت اقمصه تجنن وحلوه غسيل ولبس من اسواق اسمهااا البلاد وعندهم لفااات بيضااء حلووه نلف فيهااا البيبي

بس بااقي الملااابس مو حلووه

كمااان عند سيتي بلااازااا

إقتباس:
المشاركة الأصلية كتبت بواسطة fatat
اختي الحلم الوردي الله يطمنك

بس عندي سؤال يمكن ماله دخل بالموضوع بس ارتحتلك وابغى اسأل

انتي ربطتي بطنك خلال الاربعبن
اذا كان ايه.. بشماغ ولا مشد ؟
هلا بك حبيبتي ..

لا والله ماااربطت ..

بس سألت اللي ولدتني قلت لهااا وش راايك بامشد؟

قالت مدري ولاجربته وقالت انهااا ربطت بشمااغ بعد3 اياام من الولاده


ماشااء الله عندها3اطفال ومو مبين عليهااااا


وبصراااحه انا بعد ماولدت كان ودي اربط بس ماجالي خلق وماحبيت شي يضغط على بطني


بس اذا ودك تجربين وعلى كلام الدكتوره جربي الشماغ


ربي يييسر لك حملك وولادتك امين يارب العالمين

[ღ ﮔـبر ياء أטּــثـى ღ]

حبيبااااتي تعااالو نكمل سوآآليــــــــــف


طبعاً يالبكرياااات بالنسبه لكم الولاده مرحله جديده أول مره بتجربوونهااا ان شااء الله ..


وكل وحده بس تسأل وتقرى عن الولاده وأنا كنت وحده منكم ..


والله ياابنااااااااااااات تعبت نفسياً وأنا أقرى بهالكلام .. وما ألوم ولا وحده والله على اي كلام تكتبه

لأن الوحده محتاااجه تتكلم وتبووح عشان تشووف هي لحالهااا تمر بهالشي والا لا ..


بدوون ما أذكر لكم وش قريت .. طبعاً من بديت اقرى عن الولاده اكثر واكثر كنت بالشهر الساابع

قريت كلااام أقلقني .. بإستثناااء مووضوووع واحد وبـــــــــــــــس لأخت اسمهااا فراوله


اتوقع اني قريت لهاا بهالمنتدى ان ماخاب ظني


موضوع يحمل نفس فكرة موضوعي بجد الموضوع الوحيد اللي هون علي


وقعدت أدعي لهااا وهي ماتدري عني ربي يجزاهاا الخير والجنه


عشااان كذا قررت أنزل لكم هالموضوع وأهون عليكم الموضوع مثل ماهونت علي

لأن مثل هالمواضيع ناااااااااااااااااااااااااادر والا يابناااااااااااااات ..؟؟؟

المهم مااعليناا حبيبااااتي تعااالوو اكمل لكم سوووااليف ..


معلوومه أحب أقولها لكم ..


سبحاان الله في زي السداده تقووم على اغلاق الرحم حمااايه للجنين ..


وهي عبااره عن ماده لزجه مخاااطيه .. تعمل على حفظ الجنين ..


حتى أثنااء الجماااع .. في بناااات يخافون عل النونو وأنا كنت منكم


طبعاً بحكم ااننا بكرياااات نخااف على الجنين .. والله مسخر له كل سبل الحماايه


اهم شي الوحده مايكون عندهاا مشااكل بحملهااا تمنعهااا عن الجماااع

لكن اذا وضعك طبيعي عاااادي لين الشهر التااسع تقدرين ..


المهم نرجع للولاده شوي حبيباااتي .. بخصوص هالماده اللزجه (السداده)


أنا ولدت يوم الخميس الصبااح الحمدلله يوم الأربعاء اللي قبل ..

وتحديداً وقت صلاة العصر .. شفت ماده لزجه الله يكرمكم وكانت تقريباً الكميه قد نص من فنجال القهوه

يعني تعتبر شي ملحووظ مو افرازات عااديه فتوقعت ان هالسداده بدت تنزل ..


بصلاة العشاااء شفت نفس الافرازات كمان وبنفس الكميه ..

الموضوع عاادي .. حتى بنفس اليوم قلت لزوجي تخيل أولد عليك اليوم وأخرب ههههههههههههههههههه

بإستهباال قلتهاا وصاار الموضوع جد ههههههههههه

وعلى الساعه 12ونص تقريباً كنت منسد حه بالصاله عند اهلي واهلي ناايمين مافي غير امي واختي الكبيره قايمين ومحد عندي بالصاله


وحسيت بمويه تنزل مني .. يعني بمقدار كاسه مويه قمت سميت على نفسي وأخذت لي شور ورحت المستشفى


طبعاً لامغص ولاااا شي بس نزل مويه ..


وبعدهاا مثل مااقلت لكم من قبل تكملة الساالفه ..

ونكمل سووآلفنـــآآ .. ويالله جيبووا القهووه يابناااات


قصدي حليب أحسن لكم يالحوامل هههههههههه


المهم يااحوواملنا عموماً والبكرياات خصوووصاً ..


حبيت أقوول لك ان الحريم مو سوى ..

وأعراض الولاده مو شرط تجيك بنفس الترتيب اللي جا غيرك ..


ممكن الطلق (المغص) أول الاعرااض ..

ممكن المويه قبل ..


عااد الناااس تختلف ..

لكن بقووول لك 3 أشيااء اذا شفتيهاا اتكلي على الله و روحي المستشفى ..

1/إفرازات مهبلية مخاطية ممزوجة بخيوط دم رفيعة تخرج من عنق الرحم(المقصود السداده يعني)

طبعاً ممكن تشوفينهاا قبل الولاده بأيام أو ساعات و دقااائق على ماقريت وبحثت


بس أنا شفتهااا العصر اليوم الثاني الصبح ولدت

2/يبدى الطلق(يعني المغص) المتواصل يعني يجيك ويروح والفاصل بين كل طلق وطلق متقااارب

بالدقاايق يعني .. بس انتي بمجرد ماتحسين المغص غير عن المعتاد يعني شااد عليك روحي


3/ مويه تنزل عليك .. وهذا اهم شي انك تنطلقين للمستشفى عشان ماتنقص المويه على الجنين ..


ومعلومه سبحاان الله يابنااات المويه تسااعد على دفع الجنين للخاارج

~ ونكمل سووالفنــآآ ..


حبيبتي .. اذا صرتي بتروحين تولدين مايحتااج كل خلق الله يدرون ..


يكفي زوجك وامك اذا حبيتها تجي معك

لأن سبحااان الله كثير لاحظت هالشي .. اللي تتكلم يبرد الطلق عندهاااا


فيه وحده من قريبااتي خلاص دخلت غرفة الولاده على اساااس بتولد والرحم فاتح ..

بس سبحااان الله قفل وماولدت إلا قيصري ..


طبعاً الخبر وصل للشرقيه وهي بالرياااض ..


غير انهااا كاانت تشرب قرفه ..

وطبعاً الاتصاالات ماااوقفت عليهاا هي وزوجهاااا


ويمكن كل السببين مالهاا علاقه بهالشي ..


وبغض النظر عنهااا .. الاتصاالات توووتر الوحده وهي مو ناااقصه


أنااا يابنااات تخيلووا طلعت من البيت وأخوااتي ماادروا اني محركه على المستشفى قلت برووح بيتي

مااعدا اختي الكبيره المتزوجه وامي وابوووي عشاان اختي الكبيره نامت عند اخواني الصغار وامي جت معي .. وزوجي طبعاً


والحمدلله ربي يسر لي يااربي لك الحمد ..

فـ أنتي وصي على زوجك لاصرتي راايحه ماايحتاااج يعلم احد لأنكم مو نااقصين قلق وتوتر ..

لأن مكالمااات العالم وكلامهم يوتر خصوووصا اذا قعدوا يدقون كل شوووي عليكم


هاااااااااااااااااه ولدت ..؟ تقولون لابااقي

وعلى هالموااال ..


فـ ريحي بااالك وعمرك .. واذا ولدتي ترى النونو مابيطير ..

علميهم اذا ربي يسر لك وولدتي بالسلامه

[ღ ﮔـبر ياء أטּــثـى ღ]

إقتباس:

المشاركة الأصلية كتبت بواسطة ـــــ(ميريام)ـــــ

الله يجزاكي خير على الموضوع وطريقة سردك للكلام بطريقه رائعه ومريحه الله يجعلك بموازين اعمالك

لكن انا بكريه وعندي مجموعة اسئله لوسمحتي ياليت تردي علي

اذا جد خايفه من موضوع التوسيع والخياطه لانهم يقولون لي شكله مايرجع مثل اول وجدا قبيح فا لاتفشليني وجاوبيني

ولي رجعه لاسئله غيررها

ويااك اختي

وبالنسبه لي الحمدلله خيااطتي تماام

والخيااطه نوعين يسونها للوالاده

داخليه وخارجيه

وبالعكس مااشوف فيهاا تشوه او توسعه يااربي لك الحمد والشكر

وتحت الخدمه باللي اقدر اجااوبك عليه ياقلبي

إقتباس:

المشاركة الأصلية كتبت بواسطة الغلا الطاير

ماشاء الله تبارك الله عليكي وتتربى بعزك ياا رب بس حبيت اسألك عند خروج الرأس ما تحسين من تحت بشي نتيجة توسيع الرأس للمنطقه

امين ياارب

ابدا اختي ماحسيت بخروج الراس لاني مخدره من تحت

خدرتني قبل التوسعه

انا حسيت بس بالمغص وكأني ابغى الحمااااام مرررررررررررررررررررره بس

واذا حسيت اني ابغى الحماااام ادفع بكل قوووووووووووووتي وادفع وادفع

هي قاالت تراني اشوووف الراااااااااس هي قاااااااااالت كذا

دفعت اقوى شي اقدر عليه الا طلعت بنتي وانا مو حاااسه بشي من تحت الحمدلله

إقتباس:

المشاركة الأصلية كتبت بواسطة ساره 2006

ماشاءالله تبااارك الله

سهلتي عليناالله يسهل عليك دنياوآخره

اناجايبه ولدي بقيصريه وألحين دخلت التاسع و الله أعلم كيف بيجي يعني ماجربت الطبيعي ودايماأفكربالولاده ونفسي أجرب اللي جربوه الحريم وأمهاتنامن قبل...بس خايفه من التوسعه والخياطه

أدعي لي ان ربي يسهل عليه ودعوه لأخيك بظهرالغيب مستجاااابه

وعندي كذاسؤال

كم جلست الخيوط ألين طاحت

وماذكرتني انك أستخدمتي شئ بأثناءالنفاس مثل الكبو مثلاااا

امين ياارب

وان شاء لله ربي يسهل عليك وتولدين طبيعي

ربي ييسر لك وعلى كل مسلمه امييين ياااااااارب

اختي بالنسبه للخيوط اقل من شهر

واثنااء النفاااس كل اللي استخدمته مويه دافيه مع ملح

ومرهم ريالوكين

إقتباس:

المشاركة الأصلية كتبت بواسطة فروشة.

الله يسعدك ويهون عليك كل صعب

اقدر اقول بصراحة انك عرفتي فين مواطن الخوف عند البكريات وهونتيها

لكن حبيبتي عندي كم سؤال ...

1- احكي لي عن درجة الالم بصراحة وقت قياس الدكتورة باصبعها ؟

2- انا اعرف انو الدكتورة لازم تطالع المنطقة الحساسة لكن تطالعها من تحت لحاف والا مكشوفة للكل اقصد امك والممرضات ؟

3- انا شفت سرير الولادة سرير مو كامل ونهايته زي الانبوبتين المفتوحة من فوق علشان تحطي رجولك فيها ؛ لازم احط رجولي على الانبوبتين هذي ؟

4- هل كنتي خايفة من انو يكون طفلك مشوه والا فيه شي اثناء الحمل وكيف شفتيه لما جابوه لك زي توقعاتك لشكله والا لا اسوأ؟

عارفة كثرت عليك اسئلة لكن تدور ببالي من زمااااان وابغا لها اجابة

رزقك الله ببر ابنائك يااااااااااارب

الجميع يااارب

1/ بصرااحه هو مو ألم

بس تستحين وتشدين اعصابك شوي خبرك عااارفه نستحي احد يشوفنا

2/:يحطون عليك لحااف .. ومتى ماحسيت بقرب الولاده تطالع الدكتوره ومعاها مساعدتها اللي بتستلم البيبي اول مايطلع

وبعدين الغرفه مافيها الا المرافق معاك والدكتوره اللي تولدك والممرضه وبس

وبعد الولاده وخروج البيبي تجي اللي تخيطك وبس

3/ فقط وقت الخياطه تحطين رجلك على الأنبوبتين بس وقت الولاده لاااا لأنك انتي تلقاائي بترفعين رجلك وتفتحينهااا

4/ بصرااحه كنت بكل صلاه ادعي ان ربي يحسن خلقه وخُلقه وثقتي بربي كااانت كبيره

وتمنيت بنتي تكون تشبه لي وبالفعل الحمدلله على مااقاالوا طختي هههههههههههههههههههههههه

واي سؤااال تحت الخدمه يااقلبي

[ღ ﮔـبر ياء أטּــثـى ღ]

ونكمل سـوآلفناااا حبيبــآآتي الحــومل

حبيبتي الحامل وخصووصاًالبكريه ..

عشاان تحسين بالنعمه اللي فيهاااا نااااظري حوولك وشووووفي غيرك كيف يتمنى ان ربي يرزقه ..

كثير يتمنون انهم يكوونون مكااانك مستعدين يسوون لمستحيل عشااان يكونون مثلك ..

مستعدين يتحملوون المتاااااااااااااااااعب بس يكوون عندهم ضنااااااااااااااااا ..


كثييييييير ربي ما أراد لهم ان ربي يتم حملهم ربي يعووضهم خير ..

شفتي النعمه ؟؟؟؟؟


حبيباااتي يوم كنت حااامل صح كنت احب بنتي ومرره متشووقه اشوووفهاااااااا

كنت استاانس اذا بدت تتحرك بطني واستاانس اكثر اذا شفتهاا بالاشعه


تخيلوا كيف كنت احبهاا قبل مااشووفهااا


بس وش اقوول لكم يوووم صااارت قداااااااااااااااااام عيووني الحمدلله
يوووووووووووووووووووووووووه يالاحساااااااااااااااااااااااا ااس

احسااااااااااااااااااااس من روعته يجيب الصيحه والبكاااااااااااااااااا

بجد مااتوقعت كذا الام تستااااااااااااااااانس اذا شافت طفلهااااااااااااااااااا

والا اذا شلتيه وضميتيه شررررررررررررررررررررررط تقطعينه تبويس

براسه وخده ويده ورجلهااااااااااااااااااااا



تخيلووووا انكم بهالموقف

حبيبــآآآآتي الحـــوآمل ..

من المهم بهالفتره انك تهتمين بخيااطتك عشان تطلع تمام ان شااء الله ..

اولاً / تحركي بشويش مررررررره لاتسوين حركااات مفاجأه زي تقومين بسرعه تنسدحين سرعه

يعني على أقل من مهلك .. وكمااان لا تجلسين بهالفتره ابد

خليك منسدحه او منسدحه ورافعه ظهرك شوووووي

او منسدحه على جنبك

وامشي كماااااااااان بس بخطوااات خفيفه ومتقااربه


ثاانياً/ انتبهي لاااااااا تستخدمين الرشااااش عشااان تتشطفين لأن دفعه قوي وممكن يضر بخيااطتك

استخدمي الابريق وتكون المويه داافيه

ثالثاً / تشطفي بمويه وملح


رابعاً / احرصي انك تنشفين المنطقه زين وادهني الفوطه بالمرهم (انا استخدمت مرهم ريالوكين)


هذا اللي انا سويته والحمدلله احس اني تمااااااااااااام






إقتباس:
المشاركة الأصلية كتبت بواسطة فروحة كوول
كلامك رووعه واسلوبك بسيط وجميل وبصراحه ارتحت بس شويه خايفه انت عارفه انا في الشهور الاولى كنت ابكي وحولت على 3 مستشفيات والسبب استحي احد يشوف بطني والمثانه كيف في الولادة بس ربي ييسر ***** الله وانا متفاءله بالحياة مثلك الحمد لله ..لكن استحي مرررررره.. بعد اذنكعندي كم سؤال!
س1/الحين انا بالشهر الخامس احيانا احس الثقل اسفل بطي واحس شيء بينزل من قدام ..
بس مافي اي افرزات الحمد لله هذا شيء طبيعي والا لا؟
س2/بعد الولادة ترجعي زي اول من تحت والا لا؟
س3/بعد الولادة تحممتي كلك على جسمك كامل وشعرك والا الا؟
واخيرا ثانكس على صبرك ومجهودك الجميل..يا الحلم وردي

كلنااا يالبكريااات نستحي عااادي


لكن لازم نتشجع شوووي والحمدلله احنااا ماسويناا شي حررراام ويغضب ربي


بالعكس احنااا نبذل كل جهدنااا عشاان نحاافظ على هالرووح اللي ربي زرعهااا بـ أرحامنا والله بيجاازينا بالأجر ان شااءالله




1/عاادي خيتوو انا كنت بالشهر الخاامس احس بهالشي زي لمااا أكوون ابغى اتبول الله يكرمك وعلى طوول على الحماام بس المثاانه مايكون فيهاا الا شوي وشي طبيعي لأن الجنين بدى يكبر ويضغط على اجزاء الجسم الداخليه

2/ والله ياوخيتي بالعكس احس اني عاديه مرررررررر ولكن مااقدر اقول لك بالضبط لأني لسى عند اهلي ماخلصت الاربعين باقي كم يوم


3/ هو عاادي لو حبيتي تتحممين كلك بس مابيكون فيك حيل ودك بس تنامين وترتااحين

انا ماتحممت كلي شطفت نص جسمي من تحت بس


و عاااااادي يااقلبي اي سؤال انا تحت الخدمه
معلومه لكم حبيبــآآآآآآتي ...


أوووووووووول ماتطلعين من غرفة الولاده بالسلامه ادخلي الحماااااااااااااام وتبولي حتى لو ماحسيتي انك تبغين الحمااام


بتشوفين دم كثير ينزل معاك ترى عاااااااااااادي جداً لأن تووووك وااالده ومع الايااام بيقل الدم شوي شوي

[طبيبة القلوب]

يسلم ايديكي موضوع في غاية الروعة يا غالية
ربي يكرمك ويرفع من معنوياتك زي مارفعتي من معناوياتي

واكيد ربنا بكون معانا واما بتخلى عنا وهو اهم شي


وربي يجعلها كفارة لذنوبنا ,,,,,,,,,,,,,,,,,,,,,,,,, ويرزق كل محروم ياالله

[ღ ﮔـبر ياء أטּــثـى ღ]

إقتباس:
المشاركة الأصلية كتبت بواسطة *جنان2006*
و دي اكمل الموضوع بس وصلت ص37 وخلاص تعبببببببببببببت
الله يسهل حملى وولادتي وكل الحوامل يااارب

بس عندي سؤال

وهو كيف الحامل تهتم بنظافه المنطقه الحساسه من ناحيه ازاله الشعر مو تعب؟

وكماان الفوط اللى للنفاس غير عن اللى لدوره؟ وكمان انتِقلتي انه كميه الدم تكون كثيره سواء بعد الولاده على كذا كل بعد كم دقيقه تروح تغير الفوط صح
هلا بك أختي ..

خيتووو بخصوص المنطقه الحساسه .. أفضل طريقه لتنظيفها الحلاقه ..

سواء استخدام الأله أو الموس ..

بخصوص الفوط شيكي على الوضع كل ساعتين تقريباً ..

وأنا قلت كمية الدم كثيره مقارنه بكمية الدم أيام الدوره

و حيآآك الله ..

إقتباس:
المشاركة الأصلية كتبت بواسطة وينها عيونك
يقولون الولاده الثانيه مايسوون خياطه العسكري بس البكريه وانا ودي بتجميليه الاولى كانت تجميليه وممتازه والحين شايله هم لأني بولد بالعسكري عندك فكره عن ها الموضوع
جارة أمي ولدت قبل شهرين تقريباً ..

وماشا ءالله تبارك الرحمن أتوقع عندها 6 او 7 أبناء ..

والحمل كان الثامن ماشاءالله ..

تقوول ان الخياااطه ساعدتها ومسكت البيبي مانزل لين وصلت المستشفى

والا كان ولدت بالطريق يعني المكان ماكان وسيع وكانوا مخيطين الولاده السابقه لها

فمعناته يسووون خيااطه سواء الأول أو غيره

إقتباس:
"

المشاركة الأصلية كتبت بواسطة الشامخة لما
مشكوره اختي ريحتي قلبي بس برضو خايفه وبلنسبه للمشي انا الان بسابع يعني ابدأ المشي ولا اركد شوية....


العفوو يااقلبي

امشي على خفيف لا تشدين على نفسك بالمشي

واذا تعبتي أرتاحي

انا قالت لي الدكتوره من الشهر السابع الوحده تبدى تمشي

أنا كنت أمشي بشقتي

أقعد أمشي بالصاله على المجلس

يعني شي خفيف

ربي يقومك بالسلامه أنتي والنونو

وجميع بنات المسلمين

آمين يارب العالمين

إقتباس:
المشاركة الأصلية كتبت بواسطة ايسر2
موضووع اكثر من رائع والله يخلي لكـ الوالده والبنووته...
بس
الم الولادة اهون من الم الخياطه إلي تحسين فيه بعد مايروح مفعول البنج
ايش استعملتي عشان تخففي الم الخياطه؟؟..
بصرآحه اول مرة اسمع عن مرهم ريالوكين!!
هو إيش بالضبط ؟مطهر وإلا مخدر؟؟
طيب بعد ما تحطينه تحسين بألم الخياطه لما تتحركين؟؟
كم الكمية الي تحطينها على الفوطة ؟كثير وإلا بس مسحه؟؟
طيب إيش استعملتي لتطهير المنطقه؟؟ ملح وإلا ديتول؟

أنتظر ردكـــ..


هلا بك أختي ..

بخصوص المرهم هو مطهر ومخدر بنفس الوقت

وجداً رائع في البدايه كنت أكثر عشان أتخدر بس بعدين قللت الكميه شوي شوي

كنت أحرص كل الحرص في حركاتي وأنتبه من الحركات المفاجأه وأتحرك بكل هدووووووووووووووووووووووء

عشان ماأحس بالألم

بخصوص تطهير المنطقه مويه دافيه وملح أتشطف فيها وبس
الديتول مو حلو وماينصحون فيه أبد

لأنه يقتل جميع أنواع البكتيريا

وفيه بكتيريا ضاره ومفيدهو هي تقتل المفيد والضار

وحده من الأخوات بالمنتدى حكت عن تجربتها مع الديتول وانه سبب لها حكه شديييييييييييييده وتشطفت بعدها بمويه كثيره وأرتاحت

فالديتول أبد ما أنصحك فيه مويه دافيه وملح وبس

والبعض ينصح بالمره

إقتباس:
المشاركة الأصلية كتبت بواسطة حبي دودو
اختي الحلم الوردي يجزاك ربي كل خير

حبيت اسالك انت ربطتي بطنك بعد الولاد يعني استخدمتي المشدات ولو استخدمتيها متى بداتي وكم استخدمتيها
لان وحده خوفتني منها قالت لي تضر الارحام ؟؟؟؟؟!!!!!

ويااك يااارب ..
لا والله لاربطت ولاشي ماكان لي خلق بس كان ودي أتسدح وأنااام
خيتوو أنا سألت اللي ولدتني قالت لي أنها يوم تولد بعد 3أيام أو اسبوع تلف بطنها بالشماغ(الغتره)
وماشاء الله تبارك الرحمن ماكأنها حملت وولدت3مرات
أما كم المده والله مدري بس أتوقع بس بالنفاس لين برجع الرحم لوضعه الطبيعي
بخصوص تضر الأرحام يمكن اللي يضر هو المشد لأنه يضغط مره
لكن الغتره لفيها بحيث تصير لامتك مو شاااااااده عليك مره
عاد أسألي الدكتوره أكثر لأني والله ماربطت بس قلت لك كلام الدكتوره اللي قالته لي يوم سألتها
ربي يسهل عليك وأنا أختك
وتفرحين بشووفة ضناااااااااااااااااك

إقتباس:
المشاركة الأصلية كتبت بواسطة **هلا**
والله رحتيني لان باقي خمس ايام تقريبا واخلص التاسع وانا بكرية ورععععععب .!!!!!

بس الغريب ان كلن يقول تروووع الا انتي !!!
فصدق صدق يعني مو مرة تروع والا تبين تهونينها علينا !!!

مدري وش اقول تحمليني معليش بس من جد خاااااااااااااااايفة !!!!
الله يهون عليك يااقلبي

وبعدين والله الولاده ماهي فلم الرعب اللي نسمع عنه من بعض الحريم الله يهديهم

صح بيكون فيه تعب بس اللي تقدر الوحده تتحمله بإذن الله

بعدين على حسب وش الوحده حاطه من فكره في بالها وحسب تفكيرهااا

لو الوحده حطت في بالها ان هالشي عادي جدا

واتكلت على ربي والله ربي بيهونها عليها

وتكون عليها برد وسلام


خيتو خلي تفكيرك ايجابي وان هالشي عادي جدا وانتي مو اول ولا اخر وحده تحمل وتولد

وبعدين هالحريم اللي يتكلمون لو كلامهم صح ماكان كل وحده حملت مرتين وثلاث وعشر

صح او لااا؟؟

المفروووض تستااانسين هااااااااااااااااااااااانت الحمدلله

بس عاااد لاتنسين وقت الولاده ادعي باللي خاااطرك فيه

وعقباااال ماتبشرينااااا يااعسل




إقتباس:
المشاركة الأصلية كتبت بواسطة بسنت21
السلام عليكم

هذا اول حمل لي ادعوا لي ان يثبت لي الله حملي ان شاء الله

انا بفكر مرات بالولادة وامور الولادة ,وانا بصراحة مش خايفة بتاتاً من هم الولادة والحمدلله متوكلة على الله وواثقة اني مش اول وحدة وآخر وحدة راح تذوق الم الولادة "أكيد مش اول وحدة هههههههه" ..
بس الي معقدني هو الخيااااااااااطة ..ما بدي يخيطونيييي انا بس افكر بالخياطة بتصيبني قشعريرة ...مع اني مش خايفة من الاوجاااااااااع

فش اشي ممكن الوحدة تساويه عشان ما يقصولها لحمها ويخيطوها زي وجه الفرشة ههههههههههه؟

مرة سمعت عن زيت اللوز انه بيساعد بترطيب المنطقة وتوسيعها !!وبالتالي بتخفف من احتمال الشق والقص والخياطة ...شو رأيكم ؟؟؟؟


هلا بك أختي والله يسهل عليك

أختي ترى التوسعه شي عادي

ويرجعون يخيطون مره ثانيه
زي اذا انجرحتي وسوا لك غرز عاادي جداً

وانتي مخدره يوسعون ويخيطون ماتحسين بشي ابد

بخصوص الزيوت والخلطات ماعندي والله فكره عن الموضوع

إقتباس:
المشاركة الأصلية كتبت بواسطة حرم عبودي 6000
والله اني دائما أدعيلك
وأرسل رابط موضوعك لأي بكريه محتاجته وأطلب منهم يدعولك
موضوعك المفروض يبقى فوووووووووق
والله تعبت نفسيتي من قصص الولادات السودة إلي نقرأها في المنتدى
الوحده ماتعرف تنتقي كلماتها وتختار أكثر الكلمات وصف للرعب والألم والمعاناه وتوصف ولادتها بعضهم من شدة الوصف أقول في نفسي هذي كيف رجعت للحياة بعد كل إلي صارلها
أحاول ما أتأثر بكلامهم بس غصبن عني لأني بكريه وما جربت
دعواتك يالغاليه أنا في منتصف التاسع والخوف من الولاده حرمني من فرحة رمضان والعيد صرت أحس الحياه بلا طعم بس قلقانه وأترقب وأنتظر الله يعينني ويسهلها
ياااقلبي أنتي تسلمين والله
والله يجعل نشر الموضوع بميزان حسناتك يوم الحساب

وأنا أختك اسمعي من أذن وطلعي من الثانيه

ولا تاخذين أحد مقياس لك أبد أبد

وخلي التفااائل دااايم صفه تميزك

وبالعكس أحلى رمضان عندي وأنا حامل

تدرين ليه؟؟

أووول مره أصوومه كااامل وما أفطر هههههههههههههههههههههههههه

بالعكس حبيبتي المفرووض خلاااص تفرحين قرررربتي تصيرين أم

ويصير عندك بيبي

والله يااوخيتي إن احساااس الأمومه شي ماااينوصف

شفتي كيف تحبين أمك وأبوك وكثييييير ناااس حووولك

هالطفل اللي بيجي بتحبينه أكثر منهم كلكهم

وأكثر حتى من نفسك

بيخلي حياااتك غير والله

ويوم عن يوووم يزيد غلااااااااااااااااه


مهما أكتب ماراح أوصل لك الإحساس

لكن هااانت إن شااء الله فتره

وبتحسين بالإحساس اللي أقوله لك

وانتظر أشوووفك بعد الولاده تحكيني عن النونو

وعن احسااااسك


والله والله والله إن الأمووومه احساااااااااااس ماتووصفه لا كلمات ولاحروف ولا اشعار

ولا أي شي بالدنياااااااااااااااااااااااا اااااااااااا

ما أقووول غير الله يسهل عليك وعلى كل بنات المسلمين

ويحفظ لنا ذريتنا ويصلحها ويجمعنا بها يوم الحساب

تصدقين خيتوو من ضمن دعواااتي وأنا أولد بنتي ومن كثر ماتعلقت فيهاااا

كنت أقووول يااااااااااااارب اصلحها واجمعني بها بجنتك مثل ماجمعتني بها بدنيتك

تدرين وش أول شي بتسوينه اذا ولدتي

بتبكيييييييييييييييييين من الفرررررررررررررررحه

خصووووووصا اذا شفتيه بعيوووووونك

وتوه طلع وماسكينه وهو يصايح وشكله كفته صغنووون

وإلا اذا طلعتي من غرفة الولاده وشايلته بيدك
والله لحظه تحسين انك مو مستوعبه ولامصدقه
تحسين انك طاايره بالهواااا ودك تعبرين عن فرحتك بس ماتقدرين

ماتدرين كيف تعبرين

وإلااااا أوول ماتشيلينه بين يدك وتبوسينه

يااااااااااااه على هاللحظه

مابتطلعين من المستشفى إلا خدووووووده حمراااااااااااا من كثر ماتسلمين عليه هههههههههههههههههههههههه

والله انه احسااس كشخه وباااقي تجربين وتشوفين

[ღ ﮔـبر ياء أטּــثـى ღ]

إقتباس:
المشاركة الأصلية كتبت بواسطة جميلـ@
موضوعك في المفضله والله مرررررره خايفه من التوسيع والخياطه

تخيلي من الرعب قريته كللللللللللللله<<من كم يوم وانا عليه

بس الله يجزاك الفردوووووووووس

ان شاء الله ربي يهون ولادتي

توني زايره وحده والده تقولي كيف ولدت معانااااة ولدت بطلق صناعي واستخدموا لها الجفت<<يعني شفطوا البيبي

قلبي طااااااااااااح

بس دائما افكر انا غير وكل وحده غير وان شاء الله بتهون

المشكله اني بس اتذكر الولاده احس بالم من تحت<<هذا وانا بس افكراجل لو جت

مشكووووووووووووره


هلا بك ياااقلبي

بخصوص الطلق حبيبتي من تدخلين الشهر التاسع كل يوم7تمرات
اذا ماعنك سكر
لأنها مفيد ويساعد بالولاده وهالكلام من رب العباد يوم مريم جاها المخاض وقال لها ربي
وهزي إليك بجذع النخله..
بخصوص استخدام الجفت يمكن اللي زرتيها ماكانت تعرف طريقة الدفع الصحيحه
وماساعدت البيبي عشان يطلع
لكن اللي تدفع بالطريقه الصح
بإذن الرحمن ماراح تحتاج للجفت ولاشي

بس أهم شي طريقة الدفع الصحيحه والتنفس الصح اللي ذكرتها بموضوعي
ومن أهم أسباب تعسّر الولاده

هو عدم معرفة الحامل بطريقة الولاده الصحيحه وماتدري أصلا وش تسوي لاجاها الطلق وكيف تدفع
لكن الحمدلله انتي قريتي الموضوع كااامل وأنا ذاكره بالتفصيل الممل وش المفروض نسوي
الوحده من تجيها الأعراض لين غرفة الكشف وغرفة الولاده و وش يسون ومتى تبدى تدفع ومتى ترتاح
يعني كل شي مذكووووووووووووور
ربي يقومك بالسلامه انتي وجميع بنات المسلمين وأطفالهم
آمين يارب العالمين
وطمنيني عنك ياقمر اذا قمتي بالسلامه

و هذي اسئلة بعض البنات اللي راسلوها على الخاص ...
إقتباس:
السلام عليكم الحلم الوردي....
الله يسعدك يارب دنيا واخره على موضوعك من جد يريح خصوصا اني بكريه..
بس حبيت اسأل ..المويات اللي قبل الولاده كيف لونها؟؟
لانه انا باخر اسبوع بالثامن ونزلت علي افرازات لونها اصفر ولها رائحه.. فهل لها علاقه بالولادة؟؟؟
هلااا اختي
المويه قبل الولاده مثل المويه العاديه اللي نشربهااا سااائله
لما تنزل تكون سريعه لأنها سااائله
ومالها ريحه
الافرازات هل اذا مسحتي بمنديل تحسين لسى ينزل
اذا كان ايوه هذي اتوقع السداده
بس بدري عليك اختي
وعشان يرتاح بالك زوري الطبيب
وربي يقومك بالسلامه انتي والنونو




إقتباس:
وش أقولهم إذا دخلت أقول عندي ولاده ؟>>>> لاتضحكين علي بكريه وماأعرف شي
بيسألونك وش حسيتي فيه

عاااد قولي الاعراض اللي جتك
نزل مويه/ مغص ..ألخ

وهم بيعطونك لبس تلبسينه
عاد تشيلين ملابسك الدخليه عشان يشوفون الرحم كم فاتح
اللبس عباره عن قميص كاروهات فيه طقطق من ورى
وبيحطون جهاز على بطنك يقيس نبض الجنين وبس
ومتى مافتح الرحم 5 سم تطلعين على كرسي متحرك لغرفة الولاده

[ღ ﮔـبر ياء أטּــثـى ღ]

إقتباس:
وش آخذ معي ؟ يعني شنطة أغراضي تكون معي وين مارحت ؟ يعني تكون معي بغرفة الفحص ومعي بغرفة الولاده ؟ وجوالي عادي يكون معاي ؟

شنطه وخليها بالسياره عباره عن
(ملابس داخله وخارجيه/فوط مابعد الولاده/حفائظ صدر عشان اذا نزل الحليب/ فرشة اسنان مشط بكله)
اذا ولدتي بالسلامه ينزلونها لك

انا كانت معاي الوالده ومايدخلونها غرفة الكشف بس بالولاده تدخل
لأن غرفة الكشف عباره عن غرفة كبيره مقسمه بستائر
بس الولاده غرفة كبيره لك لحالك
انا اخذت كيس صغير فيه لبس وفوط وشايلته الوالده لي الله يجزاها الجنه
آمين يارب العالمين
وباقي الشنطه جتني يوم طلعت من غرفة الولاده لغرفتي الثانيه
ولاتنسين اختي اول شي تسوينه اذا ولدتي ورحتي لغرفتك ادخلي الحمام وتبولي حتى لو ماكنتي تبغين الحمام بيطلع دم كثير عااادي جداً

وسوي مساج لبطنك وانتي بالحمام عشان اكبر كميه من الدم تنزل

إقتباس:

وآخذ كرت العائله معي "؟ وبطاقتي الخضراء ؟

وكرت المتابعه حق الحمل

إقتباس:

وعادي أمك يدخلونا معاك غرفة الولاده والاتستنى برى ؟؟

تدخل معااك ولاتنسين خذي مويه معاك ترى بتعطشين

وخذي كرتون منديل عشان اذا عرقتي وقت الدفع تمسحين وجهك

إقتباس:

انا بكريه وقرات موضوعك اللي نزلتيه عن ولادتك

الله يسعدك يااااارب بصراحه انا مره شايله هم الولاده لدرجه اني واللله العظيم 24ساعه وانا افكر في الالم خصوصا اني خوافه وما بقدر اتحمل الالم بس لمن قرات موضوعك ارتحت كثير بس عندي لك سؤال وياليت تفيديني با الاجابه

مرت عليك لحظه ماقدرتي تتحملي الام واقوى طلقه هل هي من جد زي ما سمعت انها مثل سكره من سكرات الموت يعني الوحده من بعدها ينولد لها عمر جديد

تكفين ساعديني وطلعيني من النفسيه اللي انا فيها الله يفرج همك

هلا وغلااا بك حبيبتي ..

والله يتمم لك حملك بخير ان شاء الله وتفرحين بشوفة ضناك

والألم وأنا أختك شي لابد منه لكن صدقيني ألم نقدر نتحمله وإلا ماكان شفتينا عايشين

خلني أفهمك النقطه اللي ذكرتيها بخصوص الطلقه اللي وكأنها على قولك سكرة الموت

هم لما تجين توليدن بيخلون عندك اكسجين يقولون لك استنشقيه كل ماشد الألم معاك

يعني هو أشد من مغص الدوره بشوي يمكن مثله مرتين ثلاثه أو زي مغص البرد اذا جاك هذي اقووى طلقه

فالوحده اذا حست بالألم تستنق هالأكسجين

والأكسجين يخلي الوحده زي الدايخه وبدت ماتحس باللي حولها

عشان يخف الألم عنها

فأجتمعت الألم مع الدوخه اللي مسببها الأكسجين البعض يقول عنها سكرة الموت

لأن فيها الواحد يبدى مايحس باللي حوله مرررره بس يحس شوي

بأقرب لك مثال مثل اذا كنتي بحصه والمدرسه تشرح وانتي مقطعك النووم ودك تناامين وبس تتثاوبين وعينك بتقفل خلاااص وانتي مو فاهمه وش تشرح المدرسه

بس حااسه فيهاا زي كذا مفعول الاكسجين

وبخصوص أقوى طلقه ترى مستوى ألمها يختلف من وحده لوحدها

فلا تاخذين مستوى ألم وحده غيرك مقياس لك

وتدرين وش أحسن مافي الولاده؟؟

من بعدها وطووول عمرك ماعاد تحسين بألام الدووره أبد أبد

تختفي بالمررررررررررررره سبحان الله

وبعدين خلني أقول لك شغله لو ألم الولاده شي مايُحتمل كان كاشفتي كل وحده عندها 3 و4 و10 أطفااال

كان الوحده تحرم انها تحمل مره ثانيه

لكن شوفي سبحان الله حتى اللي عندها أطفال تحن للحمل وودها بأطفال زود

حبيبتي نصيــــــــــــــــــــــــحه من قلب

قفــــــــــــــلي اذنك ولاتقرين عن تجارب الناس عن الولاده ولاتسمعين لأي أحد

ولاتاخذين أي وحده مقيااس لك...

خلك متفائله وخلي ثقتك يالله كبيره

وحطي في بالك انك قد الولاده و زود

وخلي نظرتك دائماً ايجابيه وابعدي عن التشاؤم

ناظري للحياه بمنظار وردي .. استمتعي بكل لحظه من لحظااات حملك

بحركااته برفساااته ههههههههههههههههههههههههههه

بكرة النهااار اذا ولدتي بالسلاااامه راح تقولين كلامي صح

والموضوع مايستاهل كل هذا الرعب والهم والخوف

واسمعي بعد وأنا أختك فرصتك برمضان لما يأذن وتفطرين

ادعي ربك انه ييسر لك أمرك ويسهل ولادتك ويرزقك باللي تتمنين ويكون معافا

ترى للصائم عند الفطر دعوى لاااااااااا ترد

أنا العاااااااااااااام برمضان كنت لما أجي أفطر بس أدعي وأدعي

وياااااااربي لك الحمد والمنه ربي حقق لي حلمي واستجااب لدعااائي

المهم خيتوو انتي طبقي الكلام اللي قلته بموضوعي

من تجهيزات لأمور تسهيل الولاده بإذن الله

طريقة التنفس ...وووووإلخ

ربي يقوومك بالسلامه حبيبتي

وآآآسفه طوووولت بالكلااااااااااااااااام

بس ودي والله أهوون عليك لأني مريت بنفس اللي مريت فيه

وكنت محتاجه من يهون علي

ولاتنسين يااعسووله طمنيني عنك انتي والنونو

إقتباس:

واسمحي لي اذا كنت ابغى شي بمواضيع النفاس اني استشيرك لاني حسيتك خبره وتعرفي اشياء ماشاء الله

وانا فيه اشياء ابغى اعرفها مثل الخلطات وكذاا

فماأدري اذا تساعدين اخت او صديقه لك اذا احتاجت

وعليكم السلام ورحمة الله ويركاته حبيبتي ..

وأنتي بخير وصحه وسلامه

وعيوووني لك ياااقلبي

اسألي اللي ودك فيه

وابشررررررررررري والله لأفيدك بكل ماعندي

لووو مليوون سؤاااال أنا تحت الخدمه بكل اللي أقدر عليه

ربي يهوون عليك ويقومك بالسلامه ويسعدك ويزيل همك ويفرج كربك

أنتي وكل بنات المسلمين

آمين يارب العالمين

بخصوص الخلطااات بصرااحه أنا أنساانه ما أحب هالأشيااء ومالله عطااني حب لها لأأني ما أحب أجرررب اشياء ما أعرف عنها شي

بخصوص نظامي وقت النفااس جداً عاااادي

بس كنت أحررررررررررص كل الحرص بحركاتي عشاان الخياطه ماتخرب علي

وكل مادخلت الحمام الله يكرمك أتشطف بماء وملح دافي(استخدم ابريق) وكنت أدهن الفوطه بكريم مخدر اسمه(ريالوكين) وكنت انشف صح بعد التشطيف

وماكنت أستخدم الرشاش عشان دفعه قوي شوي ممكن يضر الخياطه

الأكل ثم الأكل ثم الأكل

خلي أكلك مفيييييييييييييد جداً جداً

كبده / لحوووم/دجااااج/خضاااااااااار وفاااكهه

احرصي عليهااا وبقووه

منها تعووضين جسمك وتلتم خيااطتك بسررعه

كمااان وأنا أختك لاتجلسين أبد أبد أبد عشان ماتنضغط الخيااطه خليك متسدحه

واذا تعبتي انسدحي على جنبك وارفعي ظهرك شوي وركي على يدك

بإختصااار لاتضنضط المنطقه ابد ابد

ولاتتحركين حركاا ت مفاجأه مثلاً تقومين بسرعه تجلسين بسرعه انتبههههيييي

لأن هالشي يأثر ع الخياطه تحركي على أقل من مهلك

وأهم شي المشي

امشي وأنا أختك من بعد ساااعااات من الولاده

وحتى اذا نزلتي البيت امشي

خطواات بطيئه ومتقاربه

لاتتكاسلين وتقولين نفااس

بس موتمشين كثير لاااااااااا

بس اهم شي انك تمشين هالشي مفيد لك وللخياطه

يعني كل ساعه او ساعتين امشي لك 5 او 10 دقاايق اللي تقدرين عليه

وع فكره اول ماتنزلين من غرفة الولاده ادخلي الحمام الله يكرمك وتبوولي

شي مهم حتى لو ماتبغين الحماااام هذي النقطه مهمه جداً وأنا أختك

والله الشاهد على ما أقوول اني هذا اللي سويته أمااا خلطاااات وبخوور ومدري ايه لااااااااااااااا

والله وأنا أختك ماشاء الله تبارك الرحمن ماشفت هاللي كثير يقولون عنه بالمنتدى

خراااب و اللي تقول توسعت ومدرب ايش

كل هالشي ما أقتنعت فيه

أنا ركززززززززززت على أكل المفيد خصوووصا اللحم لأنه يساعد الجرح يلتم

والفواكه والخضار عشان مايجي امساك لأن لو جا امساك بتضغطين على نفسك وانتي بالحمام وتتأثر الخيااطه

كنت ألبس كمااان بجاايم وترنقااات

وكنت أحرص اني ما أبرد أبد لأني ولدت بالشتااء

هذا كل اللي أذكره كتبته لك

وأي سؤااااااااال ابشرررررررررررررررري من كل قلبي والله سعيده بمساعدتك

إقتباس:

السلام عليكم ورحمة الله وبركاته

بصراحه اسعدتيني بردك الحلوو ..

كنت ادخل بعد ماأرسلت لك واذا ماشفت رد اقوول .. يوووووه شكلي بهدلت البنت برسالتي ..

لكن الحمدلله فرحتيني ياقلبي ربي يسعدك

بالنسبه للكلام اللي قلتيه حلوو جدا وانا مو مره مقتنعه بالخلطات مثلك ..

الله يسعدك دنيا وآخره يااااارب

طيب حبيبتي عندي اسأله :

بالنسبه لوقت الحمل بمثل شهري الحين .. وش تنصحيني فيه ؟؟

وانا ياحلوومه داائما جاالسه .. مرات اتمدد كم دقيقه واقووم لكن داائما اجلس واسولف مع رجلي او الاهل او عالكمبيوتر .. وكانت خالتي تقوول كثرة الجلسه تأثر عالحبل السري وتخليه ينلف وتضر البيبي .. هل انتي كنت مثلي او لا !!ووش رايك بهالكلام

وبالنسبه للمشي والتمارين متى ابدأ .. والمشي لتسهيل الولاده متى ابدا به لاني بكريه ومابغى اتاخر بولادتي ..

يعني وش تنصحيني فيه اشياء تسهل او تسرع الولاده .. أنا بالشهر الثامن مابقى الا اسبوع وادخل التاسع باذن الله

الله يوفقك ويسعدك اعتبريني اختك الصغيره الغثيثه اللي وده الواحد يذبحها

وعليكم السلام ورحمة الله وبركاته ..

خيتوو بخصوص الجلسه ماكنت أطووول جاالسه لأكثر من ساعه

هو صح اللي يقعد ع النت ينسى نفسه بس كنت أقوووم كل ساعه أمشي وأتحرك بالبيت

والسبب في عدم الجلوس لفتره طويله عشان الغذاء والاكسجين لا ينقطع عن الجنين

أذكر وأنا بشهور حملي الأولى كنت مسافره ع ماليزيا ومدة الرحله 9 ساعات

استشرت الدكتوره قبل وسوت لي فحص تتأكد ان الرحم مقفل

وقالت لي وضعك طبيعي جداً الحمدلله لكن كل ساعتين امشي

كنت كل ساعتين امشي بالطاايره

يعني لاتجلسين اكثر من ساعتين متواصله ..

قومي اتحركي خذي لفه بالبيت

غسلي اذا فيه مواعين

روحي اشربي لك حليب

رتبي شوي بالبيت يعني رجعي كل شي مكانه

يعني اي عمل حركي لو بسيط ..

خذي لفه بالبيت

بخصوص وضعي برمضااان لو أقووول لك تضحكين

طبعاً أنا حملي طوول وقتي ناايمه هههههههههههههههه

تخيلي أقوووم 5 العصر أسوي الشوربه والسمبوسه كنت ألف كميه كبيره بالليل وأحطها بالفريزر بس كنت أقوم أصلي الظهر أطلع اللحمه أو الدجاج عشان الشوربه

والسمبوسه أطلع كم حبه

اجهز القهوه والتمر يأذن نفطر

بعد مايرجع زوجي من صلاة المغرب نقعد نص ساعه

ان كنت قايمه نفطر وان كنت نايمه ينتظر زوجي لين أقوم ونفطر طبعا الفطور مجهزته قبل

طبعاً ذبحت الكنبه اللي بالصاله من كثر ماكنت أنااام عليهااا

ههههههههههههههههه

أفطر وبعد الفطور أرجع اتسدح أخذ لي غفوه هههههههههههههههه

أقوم أقعد ع النت وإلا أغسل الملابس

او أنظف اللي أقدر عليه بالبيت

ولاااازم قبل السحور أناااام

ههههههههههههههههههههههه

جد حملي كاااان نوووووووووم في نوووم

وان قمت من النووم أحس اني مرهقه مرررررررره وابغى أنااام هههههههههههههههه

وعلى فكررررررررررره ونقطه مهمه جداً جداً جداً ..

لاتنحين أبد مثلاً تاخذين شي من الدولاب انتبهي

هذا اللي يأثر ع الحبل السري

او اذا جيتي تولعين الفرن أو تاخذين شي من الأرض

اجلسي جلسة القرفصاء وانزلي

يعني لاتنحين أبد

جلسة القرفصاء زي اذا جيتي تجلسين بالحمام العربي<= يمديك ع الوصف ههههههههههههههههه

بخصوص المشي ابدي من ألحين وأنا أختك بس انتبهي تجهدين نفسك

أول ماتتعبين أجلسي

ومو صحيح ان كثر المشي يسهل الولاده

امشي بخطوات عااادي مو تسرعيييييييييييييين

الهدف مو انك تجهدين نفسك بالمشي

الهدف انك تمشين

يعني مو مشي بطييييييييييء ولا سريييييييع

مشي معتدل

ولاتمشين أكثر من ساعه متواصله كذا قالت لي الدكتوره

والسر في تسهيل الولاده مذكور بالقرآن وبالتحديد في سورة مريم

يوم قال ربي لمريم وهزي إليك بجذع النخله ...الخ

هذي دليل صررريح جداً على ان التمر من مسهلات الولاده بإذن الله

كذلك المويه الدكتوره تقول لي المفروض الحامل تشرب 12 كاسه باليوم

المويه مفيده جداً ..

اذكار تسهيل الولاده ان شاء الله سوي بحث بقوقل عنهااا

أما تمااارين والله ماكنت أسووي أبد أبد

المشي والتمر بإختصاار هذي ان شاء الله هي اللي بتسهل لك الولاده بعد الله طبعاً

وفررصتك ادعي ربك اذا جبتي تفطرين لأن للصائم دعوى عند الفطر لاترد

أمااا خلطااات وأعشاااااااااااااب ابعدي عنهااا لأنها ان فادت غيرك مو شرط تفيدك

والدكتوره حذرتني منهااااااااااااااااااااااااا

تقول ابعدوا عن هالاعشاااب لأنها احيااناً تقفل الرحم

عليكم بالتمر وبس

7 حبات تمر باليوم من تدخلين الشهر التاسع اذا ماعندك سكر طبعاً ..

ونصيحه حبيبتي .. حاااولي مايخوفك شي وقت الولاده مهما سمعتي من صيااااح

خلي كل تفكيرك انك بتشوفين ضنااااااااااااااااااااك

لأن الوحده اذا سمعت صياااح احتمااال تنفجع وهالشي ممكن يرفع الضغط

وبعدين خليني أقول لك شي

خفنا من اختبارات 3 ثانوي والنسبه والحمدلله عدينااا

خووفوونا من الزواااج وووووو والحمدلله عدينااا

والهم ماكان له داعي

نفس الشي بالولاده نشيل همها وبعدين

نشوف إن الموضوع مايستااهل كل هذا الهم

وباااقي بنفسك تقولين هالكلام

ونسيت أقول لك كمااان اذا جيتي توليدن ادعي باللي نفسك فيه

لأن لحظتها دعوتك مستجابه بإذن الله

ولاتنسين اقري سورة الزلزله والانشراح بإذن الله تتعجل ولادتك

إقتباس:

ههههههههههههههههههههههههه

ياسلام علييك يام النووم ...

بس معذوووره ماننلامين ابد .. ههههههه

ياحياتي تسلمين على ردك الحلووووو

بس انا بزر ماعرف شي ههههه

الله يجزاك كل خير ..

آخر سؤاال <<ادري ماستحي

الملابس الضيقه تؤثر عالبيبي صح ولا ؟؟

ومو ضيقه مره مره لكن مو فضفاضه يغني ماسكه بالبطن مثل ماتقولين ..

وآآسفه على ازعاجك حبيبتي ..

جد انا منحرجه منك بس الخوووف لاعب فيني لعب

انتي كم اخذتي من التاسع وولدتي .. لاني اتمنى اني ماتأخر بالتاسع وودي اولد ببدايته بتساهيل من رب العالمين ولا وش رايك ؟

ياااقلبي لا احراااج ولاشي أبد

بخصوص الملابس ما انصحك بالضيق عشان ماينقسم بطنك

واصلا انتي ماراح تتحملين اللبس الضيق ابد

بيضاايقك في بطنك

واصلا الحامل بالشهور الأخيره ماترتاح الا بالملابس الواسعه

وان كان بنطلون مايكون ضاغط ع بطنك يعني الشي اللي يمسكه مايطيح

خخخخخخخخخخخخخخخخخخ

بخصوص التااسع ياابعد حيي أنا شطبت عليه ودخلت العاشر ههههههههههههههه

وعااادي البكريه تااخذ من العاشر ممكن تاخذ 10 ايام وهذا طبيعي جداً للبكريه

وأي سؤال تحت الخدمه يااعسل

إقتباس:

يسلمووووووووووووووووووو

بس وشلون ينقسم بطني ؟؟

مابغى الا سلامة عمرك بعد تسلاويني

واذا كنت ابغى شي ماراح اتردد بسؤالك

بس تكفيين ادعي وقولي ربي يسهل علي ولادتي

الله يسلمك عسووله

بإختصار زي اذا مسكتي بلونه منفوخه وضغطتيها من النص راح يبقى أثر

هذا قصدي

وأصلا الحااامل ماترتاح تلبس شي ضااااغط على بطنها أبد

ربي يسهل لك ياقلبي ولكل بنات المسلمين

ويهون عليكم وتفرحكم بشووفة ضنااااكم

آمين يارب العالمين

إقتباس:

تصدقين جد بطني صاير فيه اثر ..!!

وانا اقول ورا بطني صار كذا

طلع من الثياااااب

يسلمو حبيبتي

حلومه حبيت اسألك :

عن الاشياء اللي قضيتيها للبيبي من الصيدليه او اي محل ..<<ماقصد الثياب انا

اقصد مثلا اللوشن والشامبو والحفائض من اي نووع وغيرها يعني من الاشياء

وبالنسبه لك انتي وش الاغراض الضروريه اللي اخذتيها للنفاس ..؟

وشنطة المستشفى متى جهزتيها اي وقت من الشهر ؟؟ ووش حطيتي فيها ؟؟

لاني ابغى اكمل تقضيتي باقي هالاسبوع وادخل التاسع ان شاء الله

........

وحلوومه انا اليوم وغير اليوم اذا كنت نايمه احس بآلام نفس الام الدوره واذا غيرت الجهه او قمت شوي شوي وتروح الالام .. هذا طبيعي ولا ؟

وربي احس اني غثيتك .. لكن انتي الوحيده بالمنتدى اللي ارتحت اسألها .. لاني للاسف سبق وسألت محرره عضوه قبلك وماردت علي مع اني ماسألها كثر هالاسئله سؤاال واحد ..

لكن كل له ظرووفه يمكن مانتبهت ياقلبي عليها

وهذي مني لك

ياااهلااا ومليوون غلاااا بك خيتوو

خيتوو بخصوص أغراض بنتي اللي قضيتها لها هي

(شفاط حليب ماركة بيجون/ رضاعه متوسطه وصغيره بيجون/ فرشة تنظيف الرضاعه/ثلاجه صغيره للمويه الحاره والثلاجه هذي مخصصه للمويه الحاره للأطفال تلاقينها بسيتي بلازاا/ شامبو وصابون سائل من جنسون /

الحفائظ والحليب يوم نزلت من المستشفى شريت لأن طول ما أنا بالمستشفى هم يوفرونها لي

الحفائظ بامبرز والحليب سيميلاك وبعد شهرين غيرت لها الحليب لـ رونالك

لأن سيميلاك سبب لها إمساك

في شي بالصيدليه كمان اسمه شاي أطفال مفيد للمغص

لأن الطفل بالشهور الأولى يجيه مغص ويبكي وكل الأطفال كذا طبيعي

مقص أظافر

الملابس (أقمصه لها أول ماولدت عشان ولاشي يضغط على سرها تلاقين أتوقع بالهرم أو البلاد ناسيه والله بس أتوقع البلاد

عندهم أقمصة المواليد تجنن واللفات(الكوفليات ) البيضاء هذاي وااااااااااااو

أحلى ماعندهم هذول بس أما باقي الملابس مو حلوه

أحلى الملابس من سيتي بلاازا

ممكن كمان أختي تاخذين لك مصاصه(لهّايه)

أنا شريت وحده وانتبهي مكتوب عليها الأعمار بالشهور

خذي وحده بس لأن ممكن طفلك مايتقبلها أنا بنتي ماتحبها أبد

الملابس(بربتوازات/لفات/خذي له فرهولات المقفله/ منشفه/شنطه)

بالنسبه لك أنتي من الصيدليه

(محارم مابعد الولاده/حفائظ للصدر عشان لانزل الحليب مايحوس ملابسك الداخليه/ملابس داخليه /ملابس خارجيه أنا أخذت بجايم أرتاح فيها أكثر)

الأغراض كانت موجوده وشاريتها من قبل بس ماحطيتها بالشنطه إلا يوم جتني الأعراض كنت عند أهلي ومن أول حاطه الاشياء عندهم

لمتها أمي بالشنطه الله يجزاها الجنه

أخذت لي كم غيار بكيس ورحت المستشفى مع زوجي وأمي

وأبوي بعدين لحقني بالشنطه بعد ماولدت ونزلت الغرفه

لأن ماكان فيه مكان أحط فيه الشنطه

وكنت عامله حسابي حاطه لي غيارين بالكيس

بخصوص الألم حبيبتي طبيعي جداً لأن الطفل ألحين بدى ينزل بالحوض

ينزل شوي شووي

وأصلا البيبي ضااغط ع الدنياا جوى فـ عادي تحسين بالألام

ممكن يرفسك على جنبك ممكن تحسين بضلوعك

عاادي لأان ألحين حجمه صار كبير والمكان ضاق عليه

لكن اذا الألم شاااد عليك ومرررره يعورك احتياط روحي للمستشفى تأكدي

لكن اذا ألم عاد إن شاء الله عادي

و والله يااقلبي لاغثى ولاشي بالعكس زي العسل على قلبي اذا ساعدت أحد

ويسلمو على الـ يااذوووق