حماتي رافضة أجهز لبناتي أدخلوا و أعرفو السبب؟؟؟؟؟

[مروة الجزائرية]

السلام عليكم بناات

بدخل الموضوع مشان تفهمو
أنا الحمد لله حامل بتوأم و هذا أول حمل لألي و أنا هلا بالشهر السابع و تعرفون أنو التوأم ممكن تجيهم ولادة مبكرة بنسبة كبيرة بس حماتي بتقول انوبعوايد العيلة ممنوع يشترو للبيبي أي شي و لما تقول أي شي بتقصدها بالحرف الواحد فقلتلها و كيف لما اروح المستشفى و كيف يطلعون من المستشفى و كيف و كيف.......لأني عن جد كنت مصدومة لأني و كأي أم جديدة من يوم ماعرفت أني حامل و أنا استنى اليوم الي أبدا فيه التجهيزات حتى زوجي كان كتير متشوق و لما شافتني مصدومة و مو مقتنعه ردت انو العيلة كلها تمشي بها العادة و لازم أرضى فيها و السبب انو ما يكونو عارفين أن كان البيبي الله كاتبلو يعيش أو لا و الصدمة للأم لو حصل شي للجنين تكون أخف من أنها تكون جهزتلو و تفقدوا؟؟؟؟و لما شافتني ما أقتنعت راحت حكت هالاكلام لزوجي لأنها عارفة أنو ما راح يناقشها و راح يعملها خاطرها
المشكلة مو هون المشكلة أنو أحنا ما في بعاداتنا هيك شي و أمي أتصلت علي لأنها مسافرة و خبرتني أنها جهزت للبيبي من طقطق للسلام عليكم و ما حبيت خبرها بعوايد أهل زوجي مشان ماتنقهر لأنها كانت كتير فرحانة بحكم أني أكبر بناتها و هاذول أول أحفادها؟؟
برأيكم حماتي قنعكم كلامها ؟؟؟
و هل في بالمنتدى ألي هما كمان منعو من التجهيز؟؟؟ و لو أه كيف تعاملو مع الموضوع؟؟؟
و الأشياء الي شرتها الماما شو أعمل معاها؟؟؟
منتظرة ردودكم و نصايحكم و أراءكم