السلام عليكم قصتي بالتفصيل

[المساء]

السلام عليكم ورحمه الله وبركاته

حبيت انضم اليكم يااخواتي في المنتدى بصراحه المنتدى عجبتني وحسيتكم متعوانات
وجيت الى قسم المتاخرات او بالاحرى المنتظرات لحلم الامومه
لانه انا وحده منكم وراح اعرف بنفسي
انا صار لي سنه وشهر متزوجه اول ماتزوجت كنت مو مهتمه الى الحمل يعني عادي صار ولالا
المهم لما مرت 8 شهور على زواجي حسيت نفسي قلقت وقلت بروح اعمل تحليل هرمونات لانه كان عندي لخبطه في الدوره وكانت متقطعه وكذا
المهم لما عملت تحليل الهرمونات طلع الحمدلله كل شيئ سليم بس كان هرمون الحليب مرتفع نسبه بس
وبعدين انا طنشت الموضوع وقلت اذا كملت السنه وماحملت راح اتابع عند دكتوره متخصصه وكذا
طبعا لما كملت السنه الشهر اللي فات عملت قالت الي بالاول لازم اول نقيس الضغط والوزن
لانه الضغط اذا كان مرتفع وهي تابعت معي للحمل يمكن يصير حمل وحمل وضغط مايصلح
المهم طلع ضغطي مرتفع وتابعت وعملت تحاليل وطلع بسبب الكلسترول واخدت حبوب وتخفيف الاكل
المهم لما خففت الاكل واتبعت نظام غدائي نزلت الدوره بشكل نظامي وانتظمت معي
المهم رحت الها بعد مانزل الضغط والكلسترول وقالت اول خطوه لازم نعمل الك تحليل الهرمونات وكان يوم 11 للدوره وقالت بتشوف المبايض والبويضات والحجم وهالسوالف
المهم طلع اوكي كل شيئ كويس وكان حجم البويضه تقريبا 19
قالت عندك بويضه في المبيض اليمين وحجم البويضه 19 وعطتني ابره تفجيريه وحددت الي
اوقات الجماع وقالت يكون بعد يوم من الايره يعني تقريبا 30 ساعه
ولمده 3 ايام وباليل يعني كل يوم وقالت الي على الوضعيه وكذا
المهم عملت اللي قالته
وبعد اسبوعين تقريبا نزلت الدوره
طبعا انا تضايقت وانقهرت ولازم انواع البكاء ههههه
المهم رحت الها بعد مانزلت الدوره بيوم
قالت الي انتي كل شي جيد عندك لازم تحاليل الزوج
وعطتني عينه وكذا
المهم رحت لزوجي وقلت اله قال مو مشكله وعملنا التحليل

وكل التحليل الحمدلله كويس وكانت عدد الحيوانات المنويه والحركه كويسه يعني الحمدلله
كل شيئ جيد

وهذي كل قصتي
ادري طولت عليكم بس علشان تعيشو معي الاحداث اول بااول
تحياتي اختكم الجديده

المســــــــــــــــاء