الي جرب الولادة في مستشفى فقيه جدة تجاااوبني

عليا لولو · 03-01-2012, 09:39 PM

سلام عليكم
يابنات بدي اسألكم مين جربت تولد في فقية هل صحيح الجنين ينزل نايم مع البنج حقهم
انا كنت عند الدكتورة سحر ميلودي وكدا قالتلي
وكيف الولادة تحسي بالم ولا لا
الي تعرف تجاوبني جزاكم الله خير

قمر للدنيا · 03-03-2012, 09:32 PM

انا كمان حابه اعرف اكتر عنهم
بس حابه اسالك عن الدكتورة سحر كيف تعاملها
وشو الاسعار بالنسبه للولاده والمتابعه عندهم
الله يخليكي جاوبيني

شهرزاااد · 03-04-2012, 08:45 AM

هلا فيك حبيبتي
والله انا اراجع عندهم الحين وعلى وشك ولادة بس هذي اول مرة اولد عندهم ان شاء الله
بس جارتي واخت زوجي ولدوا عندهم
يقولوا اثناء الطلق يعطوكي كمام يخفف الالم
ولمن خلاص يشوفوا الراس يحطولك ابرة تنامي ولمن تصحي يكونوا خلصوا خياطة

قمر افضل تروحي بنفسك او تكلمي السكرتيرة تبع سحر وستفسري منها مزبوط لان بعض السكرتيرات ما يعطوكي معلومات دقيقة او صحيحة الا اذا رحتيلهم انا حصل معايا كذا

برومي · 03-05-2012, 04:33 AM

انا جربت الولاده عندهم عند الدكتوره سحر ملودي وصراحه الدكتوره شاطره وخياطتها حلوه ..والتخدير عندهم مررررره مريح تصحي تلقي نفسك خلصتي الخياطه والشغلات اللي معاها بس ماما قالتلي ولدك نزل نايم ومابكى على طول ضربوه ودخلوا انبوب من فمه بعدين خرج زي البلغم من صدره وبكى..والدكتور حق الاطفال قلنا عادي لاتخافوا يمكن من البنج لاني طولت وانا اولد والكمام يوم وليله استنشقه...
وهدي تجربتي مع سحر بس هالمره بجرب عفاف النوري وقالتلي الولاده عندهم الطبيعي 10 الاف (التسعيره الجديده)
ادعولي ربي يسهلي ولادتي لاني تعبت المره الاولى..ربنا يفرج عليكم ويسهل ولاداتكم ويرزقكم الاطفال السليمين

منى · 03-05-2012, 05:09 AM

أنا ولدت ببنتي في فقيه بس للاسف ماعجبني
اقرأوا قصة ولادتي في مواضيعي وتعرفوا السبب
وفي ولادتي الثانيه بولدي ولدت في الطبي الدولي
بصراحه قمة الراحه والدكاتره والتمريض مره شاطرين
الله يسهل لكم يارب
اللي حابه اي استفسار تراسلني على الخاص وأشوف
رسائلكم من التنبيهات

..ام بدر.. · 03-07-2012, 02:58 AM

انا ولدت فيه وكثير من اقاربي يولدون فيه بس مافيه وحده قالت انو جنينها ينزل نايم..وانا عند فاطمه العتيبي اخلاقا افضل من سحر راجعت عندها كمم مره في حملي هذا بس ماعجبتني اخلاقها عندي فاطمه العتيبي افضل وللحين محتاره اولد عند فاطمه او سحر وهما يعطونك كمام الين وقت طلوع الراس بعدين يعطونك ابره تنامين وتصحين تلاقينهم اخذو البيبي والخياطه خلصت تجلسين تحت الملاحظه كم ساعه بعدين تطلعين غرفتك...وانا لمن سألت سحر ملودي عن الولاده قالو لي ب7500 مع ليلتين بغرفة خاصه وتطعيمة البيبي والخياطه

dolla · 12-21-2012, 07:11 AM

كثير يمدحوها افكر اولد فيها اذا ربي اراد

يارب لك الحمد · 12-24-2012, 10:11 PM

طيب حبايبي جاوبوني سحر ملودي بكم شغل يدها
انا قلت بولد عند وحده اسمها خديجه عباس في احد سمع عنها
يقولو استشاريه ومع سعر المستشفا تطلع 8000 الولاده عندهم
بس بكم تقريبا تاخد سحر حاليا

مهره الدنيا · 12-24-2012, 10:24 PM

بصراحه انا ولدت في فقيه

واللي ولدتني الدكتوره المناوبه مروه بغدادي

وسحر ملودي رحت لها زياره وحده وما حبيتها

كئيبه ورحت لها تعبانه ومع الاستعجال

ما كشفت زي الناس وقالت كل أمورك تمام ومافي
ولاده

لين وصلت بيتي نزلت مويه الرأس وكم ساعه

وولدت الحمدلله في المركز الطبي

يارب لك الحمد · 12-24-2012, 11:55 PM

مافهمت يعني ولدتي في فقيه ولا
الطبي الدولي
وكيف مروه بغدادي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
سؤال عن مستشفى سليمان فقيه	creema	إستفسارات المستشفيات و عيادات نساء وولادة	63	07-30-2012 01:27 AM
احذرو مستشفي سليمان فقيه	لورا220	إستفسارات المستشفيات و عيادات نساء وولادة	26	05-08-2012 08:56 AM
مستشفى فقيه	عيون يحي	إستفسارات المستشفيات و عيادات نساء وولادة	6	02-17-2012 08:22 AM
مستشفي سليمان فقيه	ريماس الحربي	إستفسارات المستشفيات و عيادات نساء وولادة	9	02-06-2012 03:13 AM
الحمد لله ولدت في مستشفى سليمان فقيه	نبض التحدي	إستفسارات مرحلة الولادة	15	11-14-2010 03:11 AM