تجربتي مع المعالجه...تفضلوا..

[بنت الرياض]

بسم الله الرحمن الرحيم


السلام عليكم ورحمة الله وبركاته


كيفكم حبيباتي ...اشتقت لكم واااجد..كثير..

مررره...موووت...حيل..

بصراحه انا جربت العلاج عند المعالجه..

وحبيت انقل تجربتي وتستفيدوا منها..

الشهر الماضي سافرت لاهلي..في منطقة

الحدود الشماليه ..

وكانت فيه معالجه ممتازه ومعروفه ..ماشاء الله

كثير عالجو عندها بعد عقم 14 سنه ..

وربي رزقهم ..

المهم اول ماجيتها ..كانت معي الدوره..

ورفضت تكشف تقول لازم تجين بعدها ..

عشان اكشف على رحمك ..

ولما رجعت للسياره قلت لزوجي ..وقال نرجع

بعد ماتطهرين ..
ورفضت قلت خلاص ربنا مو كاتب لي

اعالج عندها لاني استخرت ..ورحت لها

وماكشفت ....

وجلس يقنعني هو وحماتي ويقولو عادي

نجي مره ثانيه وتفحصي,,

وشوفي فلانه جلست اربع سنين بدون حمل

ولما عالجت عندها حملت ..

ومن هالكلام والاقناع ...

وافعلا اقتنعت...وبعد الدوره رجعت لها

وكشفت علي من جوا الرحم قرف..

قالت معك برود بالرحم وسببه شرب المشروبات

البارده في الدوره والنوم على التكييف ..

ومنعتني من التكيف وقالت تدفي كويس..

والشي الثاني الرحم مايل ..وعدلته لي

بس شفت الموووت وهي تعدله

وتعدل ..

واعطتني تحميله اخليها 3 ايام وبعدين اشيلها

وفعلا حطيتها ..

وبعد ماشلتها رجعت من جديد لها..

وكشفت على الرحم ..ولقته للاسف رجع مال..

وعدلته ...وقالت خلاص ماعاد اعدله لو مال..

وانا مابيدي شي اطلبي من الله يشفيك

الي بيدي سويته ..

ومرختني 3 ايام متتاليه مع كاسات هواء..

واعطتني علاج اخذه بالدوره وتحاميل

استخدمهم بعد الدوره الجايه...

واستخدمتهم الحمدلله ...

نسيت اقولكم اول تحميله اخذتها نزلت مووويه

كثيره وسألتها قالت هذا دليل ان عندك تكيس

وتفجرت الاكياس

وانا فعلا معي تكيس بس الدكتوره تقول ماياثر على الحمل..

والحين انا بااخر يوم من ايام التبويض..

وياارب اكون حامل...

وطول الشهر ذا وانا اشرب حليب كل يوم

واكل فواكه..وانام باليل واجلس في الشمس

الصباح..

يعني متهيئه للحمل ..

واليوم حلمت اني اجمع بيض ..والله يجعله

بشارة خير ..ويارب اكون حامل هالشهر

انا وكل محروم مسلم ياارب..

واي استفسار انا حاضر ياحبيباتي..


ادعولي ..الله يتتم علي واحمل هالشهر

حمل تام سليم بذريه صالحه حسنة الخلق والخلقه

[مشتاقةلبيبي]

اسأل الله العظيم رب العرش العظيم ان يرزقك بالحمل السليم المعافى عاجلا غير اجل
والله العظيم دعيتلك هالدعوه اللي طالعه من قلب مجربه
انامثلك يالغاليه رحت عند وحده تمرخ وعطتني عسل ومدري وشو
وللاسف استخدمته فقط اسبوع وبطلت
رحت لها وعلي الدوره
وجتني الدوره الثانيه وحملت ولله الحمد بعد مارحت عندها بشهر
وانا الان حامل في الشهر الثاني بقدرة ربك
دعواتك ان ربي يتمم حملي
والله حملي ضعيف مرررره وماشيه ع المثبتات لكن قدرة ربك فوق كل شي

[يارب اكرمنى بطفل]

يارب ياحبيبتى تكونى حامل هذا الشهر وتبشرينا بالخير يارب انت قادر على كل شىء ياواحد يااحد ياصمد
حبيبتى ممكن سؤال ايه هى التحاميل اللى اعطتها ليكى علشان التكيسات

[بنت الرياض]

مشتاقه لبيبي ..

هلابك يالغلا منوره ..

الله يثبت حملك ياارب خلي ثقتك بالله اكبر

وتفائلي بالخير..

قلبي معك يالغلا ..

[بنت الرياض]

يارب اكرمني بطفل..

هلابك ياقلبي ..كيفك ..

منوره صفحتي حبيبتي ...


بالنسبه للتحاميل ...

والله مااعرف مكوناتها لانها تسويها بنفسها ..

بس ريحته حلبه ومره ..وماادري وش ممكن بعد..

لكن انا شخصيا مااعرفت المكونات ..

الله يشفيك ياقلبي ..ويكرمك بالحمل التام هذا الشهر

ويفرح قلبك ياروح قلبي ..وتفرحينا يااارب

[demoshka]

ربي يرزقك الحمل السليم عاجلا ليس اجلا

ويرزقك الذرية الصالحة انتي وكل مشتهية


امين يااارب العالمين

[بنت الرياض]

توئم كوكو ..هلابك منوره صفحتي

مشكوره يالغلا ..

الله يرزقنا جميعا يااارب

[روح الورد]

ان شاءالله الله يرزقك بالذريه الصالحه حبيبتي..

[ĆǑόҚ ỉĕś]

اللهم ارزقها الذرية الصالحة و ارزق كل محرومة الأمومة

فأنت تقدر و لا نقدر

اللهم انت الرازق فارزقها الذرية الصالحة التي تسعدها و تفرحها و تملي عليها بيتها

[زهرة البنفسج]

اللهم يارب العالمين ارزقها الذرية الصالحة وفرح قلبها واجبر كسرها يارب العالمين
حبيبتي خلي املك بالله كبير لان المعالجة والدكتورة والادوية ماهي الا اسباب سببها الله تعالى لنا فليكن تعلقك كله بالله انه القادر على كل شيء