بليييز ياللي تجهزون ساعدوني شغله بسيطه

[البرنسيسه الجنوبيه]

السلام عليكم
يابنات انا لمن جهزت ماشتريت الا طقم كان معاه المدس حق النونو
الحين ابي اشتري مدس وشنطه طقم بليز علموني من وين
انا شفت بسنتر بوينت بس صراحه مرا غاليه المدس لوحده فوق 250 مدري ليش استخسرت المبلغ فيه
وانا كمان ابغا طقم مع سنطه مو معقوله توصل 400 بس مدس وشنطه
بليز اللي عندها خبره تعلمني وين احصلها بسعر معقول
انا في الرياض وجديده عالرياض مالي الا سنه...

[راويه 25]

آهلين خيتو
الله يتمم لك ع خير ويسهل عليك ولادتك

والله ماعندي خلفية عن محلات الريآض
ان شاء الله احد يجي ويفيدك

او انتي يوم اتفضي لمقاضي البيبي
وروحي لكم مول تكون اسعارو حلوهه وشوفي

[Sho0og]

انا كمان مو من الرياض بس ماحبيت اطلع بدون رد الي بسنتر بوينت صراحه اشكالها معدوده ومعروفه كل الناس شايفتها مافيها تميز وغاليه والي يقهر نفس المدس لقيته بهرم جده ب40 اتوقع يقهر بقوووه


بس روحي لمجمعات حتلاقي اشياء ماتتوقعيها وانشاء الله بنات الرياض مايقصرو

[البرنسيسه الجنوبيه]

راويه وشوق يعطيكم الف عافيه عالردود الحلوه
انا تعبانه من والحمدلله يارب يكتبلي الاجر انا والحوامل كلهم
عشان كذا مارحت لمجمعات لان رجلي مرا تعبانه بس ان شاءالله تخف واروح

[حياة فارس]

انا بقولك يا عمري روحي الهرم بلازا بالريااض بعد العثيم مول فيه اشياااااااااااااء روعه واسعارها ممتازة // وبالنسبة للمدس والشنطة في اشكال تجنن انا اخذت طقم بربري يهبل مفرش ومخدته ومدس وشنطة ب 66 ريال بس // روحي شوفي ولو لقيتي طلبك ادعي لي

[سمسم كيوت]

الهرم بﻻزا وين مكانه بالضبط عند اي عثيم الي بخريص والى الي ع طريق الخرج؟

[شروق الرياض]

عندك الهرم العادي مو بلازاوعندك اسواق المجد. والرياض الدولي. اوشيقر كلهاا فيها محلات للاطفال
الهرم بلازا مخرج16 بعد ايكيا ع اليسار طريق الدائري


الهرم العادي بعد الحراج ع اليمين طريق الدائري

[البرنسيسه الجنوبيه]

شروق الرياض يعطيك العافيه انا عن نفسي ماافرق بين الهرم والهرم بلازا مدري وش السالفة
الرياض الدولي اللي في شارع المدينه صح؟؟

[فانيلا بالفراولة]

حبيبتي في محلات البيبي مدس وشنطة ومفرش واحيانا يجي معاه افرول واشكالهم مثل الي بسنتر وروعه

كلها تلقينها بمية وشوي 120 الى 160 انا شفت الي بعثيم الربوة بوابة 3 الدور الثاني محل الشماس طقم حلو 140

اربع قطع مره عجبني يشبه حق سنتر لو ماشريت كان اخذته

محلات المواليد تلقينها ارخص كمان عندك رياض مول الي بالروضة الدور الأرضي فيه محلات موااليد

بتلقين فيه

قالولولي بالمجد بس انا ماعمري رحته شوفي فيه يمكن تلقين اعرف وحده تشتري من هناك فيه

محلات الشماس ومحلات ثانية

[البرنسيسه الجنوبيه]

يسلموووو فراوله اما الروضة بعيده عننا مره تصدقين ماقد رحتلها ابد ولااعرفها
بس بشوف الرياض الدولي اذا انه هو اللي ببالي اللي بشارع المدينه يارب احصل عندهم محل الشماس