ممكن تعطوني الحل؟

[نورة الحربي]

السلام عليكم ورحمة الله وبركاته
كيفكم اخواتي
ابغى مشورتكم ...انا لي اربع سنوات متزوجة وتزوجت زوجي عن حب ..
بس للاسف بعد الزواج تغيرت علية واحس اني مو قادرة اتحملة لاني رسمت في بالي انه راح يكون رومنسي بس احس تغير وصاير دايم مهموم وساكت واذا سالتة يقول من الديون واذا جلس مع اي احد غيري اسمع ضحكة وسوالفية وماكانة المهموم اللي معي وانا صراحة ماحط الغلط علية مية في المية حتى انا صرت اعصب علية ودايم انتقدة ومابغاة يلمسني وحاسة انة عبئ في حياتي وانا والله مو عارفة كيف اتغير معة تكفوووووووووووووووون اعطوني الحلول ابغى حياتنا تتغير..

[ظلال المستحيل]

قلبو نورة اولاً تذكري دايم لحضات الحب اللي بينكم
وحاولي قد ماتقدري تمسكي اعصابك اذا غلط او زعلك الزوج مايحب اللي توبخه على كل شي زي الاطفال بلعكس خليك صديقته اذا سواء شي غلط حاولي تساعدينه كانه وحده من صاحباتك استهبلي واضحكي لا تحطين فبالك انه زوجك عامليه بحب وصدقيني شوي شوي بيتغير، كل الرجال سواء تزوجتيه بقصه حب او لا مايعرفون الرومنسيه بس الذكية تصبر وتعلم زوجها كيف يكون رومنسي تسوين له 10 حفلات و10 ليالي رومنسية ويردها لك مره يعني بتتعبين بالاول بس بتشوفين النتايج بعدين الرجال الرومنسية عندهم عشاء بمطعم ،لا تنتقدينه وتسالينه انت ليه مو رومنسي ولا ليه تضحك مع الناس ومعاي مكشر خلي دايم كلمة احبك على لسانك حتى لو يطالع التلفزيون نادية واذا ناظر فيك قولي احبك لو بحركه شفايف انا عن نفسي مستحيل يمر يوم بدون ما اسويها واللحين حتى زوجي متعود يسويها عوديه دايم تنامين بحضنه لا تقولي مرت 4 سنين راحت عللي لا حاولي حتى نفسيتك انتي راح تتغير ولو يوم زعلتي عليه راح يفتقدك بحضنه ، وزوجي معودته انام بحضنه دايم واللحين حامل ماتصدقين قد ايش اتضايق منه بس احاول بطرق غير مباشرة ابعد عنه لاني بالثامن وانكتم بس رغم ذالك ما احاول اصدهـ اكره شي عللى الرجال لما تصده زوجته يفسرها انها ما تبيه وماتحبه
انا اعطيتك بعض النصايح واعذريني على الاطاله

[هوبا]

مرحبا صديقتي قالت لي حكمة الله يوفقها و يسعدها ويسعد عيالها ويبلغها فيهم امين قالت حلاوة الحياة في شقاوتها والرجال يحب زوجته تتفاعل معاه خصوصا في الاوقات الحميمة نصيحتي لك سامحي واجلسي معاه ناقشي بوضوح في الي مضايقك منه مثلا ريحة فمه بعد الاكل او الدخان او اهماله لنفسه في البيت بقولك كيف جيب له حلوى بطعم النعناع من مكان مختص تغير طعم فهمه ولانها هدية منك بيتقبلها و يستخدمها واذا كنت تخجلين اشتريها وحطيها على التسريحه بيشوفك وانت بتاخذين منها بيجيه فضول ممكن يسالك وممكن يفجاءك وتلاقين رائحة فمه اتغيرت قلت لك مثلا بس انا ما اعرف صغائر الامور الي كبرت بينك وبينه الفجوه اذا كنت جريئة الحوار الهادئ واذا خجول تصرف بسيط بنيه طيبه و تفال والله بيعطيك على قد نيتك والله سبحانه يقول (انا عند ظن عبدي بي ) حاولي تصنعي كل شي حتى بطريقتك انا اصبت فمن الله وان اخطئت فمن نفسي والله ييسرلك و يوفقك

. :ما ابيح ولا اسامح الي تستخدم كلامي هذه لغير زوجها حلالها شرعا من القراء و الزوار وانا خصمها يوم القيامه:

[نورة الحربي]

شكرا لكم والله يجعلة في موازين حسناتكم .. ويسلمو ع المرور