بخصوص نوم ومغص الاطفال ؟

[3rosajadeda]

السلام عليكم

كيفكم يا حلوات
حمدلله علا سلامت كل وحده ومبروك النونوهات

انا الحمدلله ولدت قبل 3 اسابيع
وارضع ولدي صناعي ، عندي كم سؤال واتمنا انكم تجاوبوني عليه ، بما انو اول نونو وماعندي احد اساله !!
ولدي اليوم طاحت سرته بس حمرا هل هادا طبيعي ولازم احطلها شي بعد ماتطيح
كمان دايما يبكي واشوفه يتالم يعني يكون ساكت بعدين يبكي ويشد نفسه بعدين يسيب زي كدا
اكتر وقته صاحي يمكن ينام 8 ساعات باليوم بس وبقيه اليوم صاحي
ايش اعمل وهل هادا الشي طبيعي ؟؟؟ في احد زيي؟
استخدمتله شاي ميلبا بعد ماشربه خرج براز كتير وجلس شويه من غير الم و بعدها برضو رجع الالم!!
في احد بيستخدم دا الشاي ؟ وكم مره في اليوم او في الاسبوع
موعده مع الدكتور لما يكمل شهر ، اوديه دحين ولا استنا ؟؟

شكرا لكل اللي ترد عليا والله يهديلكم ويحفظلكم اطفالكم

[lody]

يا عيوني ،،
بالنسبه لسرته بما انها اليوم طاحت اعصري عليها مسحآت طبيه ( كحول ) ،، وبعدين حطي عليها بودرة سلفا .. << هذا ضروري ..
اما صيآحه اكيد بسبب المغص ،، كويس شاهي موليبا ،، وكمان سويله يآنسون وحليه بسكر نبات ،، مررررره طيب للمغص ..
طريقته // اغسلي ملعقه صغيره من اليآنسون وصبي عليها مويه مغليه تقريبا 80 ملي قيسي حجم المويه برضاعته حطي ع النار اول ما يغلي شيليه وصفيه وحطيه في الرضآعه بس 60 ملي واغسلي 4 حبآت سكر نبات و حطيها عليه وحركيها لين ما تذوب بعدين حطي في كوب مويه بااارده وحطي الرضاعه في الكوب لين ما يدفى ورضعيه .. اعطيه شآهي 4 مرآت في اليوم بين الرضعآت ..
وبعد جيبيله قطرة مغص من الصيدليه .. تريحك كثير
واستمري ع الشآهي والقطرات يومين ،، واذا باقي تحسينه ممغوص وديه العيآده لأن ممكن يكون الحليب ما نآسبه وحتكتبلك الدكتوره على حليب جديد ..

وان شاء الله يطيب النونو حقك ومآ قدامه الا العآفيه وتشوفينه عريس يآرب ..

[غرام اطفال جمعنا]

هلا حبيبتي اقوولك طريقتي وان شاء الله تنفع معاااك

اول شي المفروض ترضعي ابنك طبيعي اقل شي الاسابيع الاولى

غلشان مع رضاعة الطفل الرحم يرجع وتكوني كويسه من تحت صح تحسي

بالم مع الرضاعه هذا دليل رجوع رحمك ان شاء الله
ثانيآ.. بخصوص المغص

جيبي زيت زيتون وحطيه ع النار لحد مايصير دافي واضيفي له اما زنجبيل او قرنفل او دارسين او فلفل اسود
مع العلم لازم يكونو مطحونين طحن ناااااااااعم وبصراحه انا بس جربت الزنجبيل والقرنفل اما الباقي سمعت فيهم
وتدهني بطن ابنك بإتجاه عقارب الساعه يومين قبل لا ينام بس انتبهي ل سره
ادهني كل طفلك خصوصا البطن ومن عند رجليه كأنك تخرجي الغازات من تحت ياريت فهمتي قصصدي
ولمدة اربع اشهر بس لازم تلفي ابنك ودفيه علشان ينفع معاه وتقدري بس تستخدمي الزيت زيتون


وكمان في موضوع هينا استفدت منوو اتمنى الكل يستفيد وامانه اذا احد محتاج لطريقة هذي خبريه وادعيلي
ب تحقيق الامنيات وهداية ابني وزوجي

[3rosajadeda]

جزاكم الله خير
بس مااعرف كيف شكل الينسون ، انا جبت معايا من السعوديه أعشاب كتيره بس ماعرفت كل واحد من التاني
واستخدمت ماء غريب لانه الشي الوحيد الموجود عندهم هنا في امريكا
وشاي ميلبا مافي فايده منه برضو يبكي

[~ L o l a]

أهلا عروسا كيفك ؟؟.

حبيبتي بالنسبة للسرة استمري على مسحها بالمسحة الطبية ولو صار فيها وسخ نظفيها كل فترة وفترة بعدين خلاص خليها.

البكاء عشان المغص :( غالبا الحليب الصناعي يسبب مغص للبيبي أكثر من الطبيعي.
اليانسون كويس.
وهذا صورته حاولي تقارنين بينه وبين اللي عندك من أعشاب.


كمان سويله مساج راح يرتاح كثير. هنا رابط باليويتوب رولا قطامي تشرح مساج مفيد عشان المغص

علاج الغازات

واهم شي بعد كل رضعة. ( تكرعينه )اممم مادري ايش تسمونه بس دايما أسمع هالكلمة خخخ بس وصفته رولا قطامي في المقطع اللي هو يطلع الهواء من فمه بعد الرضعة .

عموما عروسا تصفحي باليويتوب كل الفيدوهات الخاصة بـ رولا قطامي مرره مفيدة تكلمت التروش وعن النوم والحرارة عند الآطفال وحساسية الدايبرز والعناية بالطفل بشكل عام و اشياء كثيرة مفيدة.


*