مقلوبه زاكيه كتير

[sanaa2]

هاي الاكله بحبها كتييييييير ودايما بعملها :)
هلا المقادير : خضار: زهره - باتنجان - بطاطا - جزر
رز (انا بستخدم رز تايجر انسب اشي لهلاكله)
زيت عافيه للقلي
بهارات مشكله حاره - ملح وفلفل طبعا
جاج مقطع حسب عدد الاشخاص

الطريقه: بنسلق الجاج وبنحطه عجنب لينشف ميته عشان ما يطرطش لما نقليه (انا دايما بحرق ايدي لاني مستعجله بدي اطبخ بسرعه :( )

(بس ملاحظه بالعاده الكل بعمل مقلوبه بنوع واحد من الخضار او اتنين بس انا دايما بحب اعملها بكل انواع الخضار لاني بحب الخضار كتيير والرز يعني نسبه 50% خضار و50% رز)(جوزي بحكيلي انتي عامله مقلوبه خضار وراشه رز عليها هههههههههه )

بنقلي الخضار وبنحطهم عجنب متل هيك --->




هلا هون انا نقعت الرز بمي دافيه لمده ربع ساعه وغسلته وحطيت عليه البهارات متل هيك



بعد ما قلينا الخضار والجاج بنبلش نطبقهم بالطنجره نبلش بالرز بحطه بالاول


بعديها بحط الخضار فوقها



والجاج وبنحط مرقه الجاج (انا بحط نفس كميه الرز واكتر بشوي بس لانه رح يستوي الرز من البخار وهيك ما رح يعجن معك)



وهاي بعد التقديم طبعا عن جد عن جد طلعت روعه يمكن الصوره مو معطيتها حقها بس كتييييييير زاكيه وبتشهي







وصحتين :)

[ريحانة الجنة]

يمي يمي
شكلها زاااكي بجد
تسلم الااياااااادي

[υм вtℓαα]

تسلم الايادي
يعطي ك العافيه

[p!nk rose]

للمقلوبة أنواع كتيرة بس شكلها هي طيبة شكرا ألك حبيبتي

[sanaa2]

صح حبيبتي المقلوبه الها كتير طرق وكل ناس بعملوها عطريقتهم بس هاي طريقتي ودايما انا بعملها هيك وكتيييير زاكيه بتمنى اتجربوها ورح تدعولي ان شاء الله :)

[Dana]

شكلها بشهي
تسلم إيديكِ

[ام نادين]

تسلم ايديك حبيبتي شهيتيني اقوم اعمل مقلوبه

[نقوش الذهب]

ممممممممممممممم رووووعه يسلمودياتك

[ام شروقه]

تــســلم الايــــادي

[إحساس إمرأة]

تسلم الايادي الله يعطيك الف الف الف عافية ♥ ♥