حركة الجنين في الشهر السادس طمنوني

[خوخه12]

السلام عليكم

بنات

طالبتكم

الله يفرج عليكم ويتمم على كل وحده فيكم

انا بالاسبوع 23 يعني بداية الشهر السادس والحمدالله

بس المشكله حركة الجنين خفيفه مررررررررررررره

كانت في وسط الخامس اكثر

صرت ابلع من هالحلويات واتسدح على ظهري بس الحركه احس فيها خفيفه
وبعد طلعة الروح

وزوجي يقول طفشت من الوسوسه ماراح اوديك الا في مواعيدك وبس

السؤال هو

حركة الجنين كيف تكون في بداية السادس ومتى تحسون بالرفس والحركه القويه

ادعوا لي وساعدوني انا قد حملت وتوفى البيبي في بطني في الشهر السادس

علشان كذا صرت اوسوس

اعتبروني اختكم

[!راما!]

الله يثبت حملك يا رب
لااااا تخافي ولا شي
شي طبيعي جدااااااا متي تخافين ؟؟
اذا ما تحرك ابددد
شوفي الحين هو ما يتحرك كثير لاكن اصبري بعد اسبوع او اسبوعين او يمكن اقل من كذا راح يتحرك وراح يعذبك ^^ ويرفسك ><
بس الجنين يبي ياخذ فترت راحه ما يتحرك كثير يالله يتحرك
بس اذا ما تحرك ابد يعني جلستي يومين ثلاث ايام لا لازم تروحي المستشفي لأنه كذا مو طبيعي :/
والله يقومنا بسلامه يا رب

[خوخه12]

يعني طبيعي كذا

[мїѕŠ βпỒơ]

لاتتخوفي ياقلبي احسني الظن بالله وادعي ان الله يحفظه لك ويبلغك شوفته . وداااااائما حطي دك على بطنك اقري المعوذات .
الله يطمنك ويرزقك الذريه الصالحه ياارب وكل مسلمه .

[طموحي الجنة]

اهم شئ في حركة مو شرط كثير وقويه
كنت حامل وكان الجنين قليل الحركة وجات زي الفل الحمد لله والشكر
وحاليا باولي ابتدائى عادي جدا يجي ويكون الطفل هادي بزيادة
احمد ربك واشكره
والله يطمن قلبك وتقر عينك بشوفته
وكلي الله والله يحفظكم
دعواتك

[المحيط الهادي]

لاتخافي حبيبتي ولا توسوسي
انا بعد خمسة ايام ان شا الله بدخل السابع
ونفس الشي صارلي يومين احس بحركت الجنين بشكل خفيف جدا
وصرت اوسوس

لكن اليوم الحمد لله حسيت بحركته اكثر

عسى الله يتمملنا حملنا ع خير يارب
ويقومنا بالسلامه ويقر عينا فيهم يارب

[ابتسامة الامل]

حبيبتي
وانا مثلك اليوم بداية السادس
البارحة ما حسيت بحركتة مثل كل مرة
بس اليوم في الصباح هو اللي مصحيني من النوم
عادي حبيبتي لا تخافي والله يتمملنا على خير

[خوخه12]

ابي احس برفسه ابي احس بالحركه

افوض امري الى الله ان الله بصير بالعباد

ادعوا لي ياخواتي

[حنان2006]

شوفي يا اختي حركة الجنين تختلف من جنين وآخر يعني في حريم يحسون بالحركة من الشهر الرابع وفي حريم يحسون بالحركه من الشهر الخامس
أنا سالت الدكتورة قالت حركة الجنين بشكل عام تبدا من الشهر الخامس او السادس ويقل في الشهر التاسع
فلاتحاتين وتخافين وتوترين نفسك واللي حوليك فتوكلي على رب العالمين لانه خير الحافظين *

[اشكرك ربي]

طبيعي جدا بعد نونتك دلوووعه ههه
الله يتمم لك ع خيير وتقومي بالسلاكه
واكثري من الاستغفار والصدقه بنية سلامة البيبي