عوارض حملي لتستفيد غيري

[اية من الجمال]

بسم الله الرحمن الرحيم
السلام عليكم ورحمتو الله وبركاتو
حبايب قلبي انا قررت احط هون عوارض حملي
عشان كل وحدة شاكة انها حامل تستفيد منها
ورح اعطيكم عوارض حملي عن طريق نقاط
عشان يسهل عليكم فهمها
1=الم بسيط ونغزات في الصدر وانا مش متزكرة انو بتصير معي
بالدورة لهيك حسيتها اشي جديد او انو بكون الوجع متل تحجر الصدر لما تكون
الوحدة ترضع بس بكون الالم اخف وجعا
2=وجع بالخواصر
3=تشنج اسفل البطن عجوانب
4=بعيدا عنكم كثرا الدخول الي الحمام والتبول
5=نغزات مؤلمة وغير طبيعية اسفل البطن بتحسي كانو في حد جوا جرحك بشفرة ههههههههههههه
6=دووووووووووووووووخة وزغللة بالعيون
7=غثيان وخاصة في الصباح الباكر بس الحمدلله لهلاء مافي تقئ
مع انو بحبلي بابني وبنتي كتير بكون عندي تقئ خاصة او 3 شهور
بس يمكن لانو لسة اول الاسابيع مافي تقئ لسة
8=كسل وحب النوم
9=وياءتي وجع الدورة قبل الدورة بيومين او 3 ايام وبتحسي
انو الدورة رح تنزل عليكي وكل شوي بعيدا عنك بدخل بفقد
انو رح تكون نزلت علي وما بكون في اشي
10=وجع اسفل الظهر ولكنه يكون وجع مختلف نوعا ما عن وجع الدور
وبنفس الوقت بكون وجع الظهر كمان وجع دورة لهيك الوحدة بتحتار
هل هو وجع دورة ولا وجع حمل
11=الافرازات خفة عندي بس لما تنزل بكون لونها ابيض او كريمي بعيدا عن السامعين
12=العصبية الزائدة والملل
واذا اتزكرت اي اشي جديد بحكيلكم
يارب اكون قدرت لو اشي بسيط اساعدكم وبخصوص
جهاز الفحص المنزلي للحمل لو طلعلك خط غامق وخط باهت يا دوب تشوفيه بكون
فيه هرمون حمل
وانشاءالله بتكوني حامل لانو انا هيك صار معي
وتاكدي طبعا بتحليل الدم لانو اوقات جهاز الفحص المنزلي بعطيكي نتيجة خاطئة
اتمنى الحمل السريع والمعافى لكل محرومة

[شعور الامومة]

يعطيك العافية على المعلومات ورالله يتمملك على خير يارب

[ثقتي بربي تغمرني]

الله يثبته لك ويتمم عليك

[ام جمال ان شاء الله]

حبيبتي الله يثبت حملك ويجعله سليما معافى
وربي ان شاء الله يخفف عنك الم الوحام
ومبروووووووووووووووووووووووووووك الف مبروووووووووك
والعقبال عندنا كلنا نحن المنتضرات
تسلمي ويسلم لك جنينك
الله اكبر

[حياتي توأمي]

حبيبتي شكرا لطرح اعراضك ومبروك مره اخرى ويارب يثبت حملك وتقر عينك بشوفة ضناكي سليم معافى ياااارب

[ام هبة]

الله يعطيك ألف عافية انت وجنينك يارب

أعراضي هي نفس اعراضك ويارب ما يحرمني من الحمل هذا الشهر وكل مشتاقة يارب
قولوا آمييييييييييييييييييييييييييييييين

[leila24]

حبيبتي الله يثبت حملك ويجعله سليما معافى
الف مبروووووووووك
ا

[Uaeyah]

حبيبتي الله يثبت حملك ويجعله سليما معافى
الف مبروووووووووك

[زيزومة]

اول شي الف الف الف الف مبروك اختي ع الحمل . . عسى الله يثبت لج حملج امين يارب العالمين
وتقر عينج بشوفة طفلك . . يارب


واشكرك اختي ع الموضوع

بس عندي سؤال بخصوص المغص اللي جاك؟ هل كان مستمر؟ والا يجي مغص خفيف زي (كأن عليكي الدورة وتحسين الرحم فيه غرغرة) . . ؟

اوصفي لي المغص اختي؟


لأن انا طاف ع موعد دورتي 5 أيام ... وقبل 5 ايام . . كنت احس بمغص وغرغرة هيك
ومافي شي ينزل مافي دم . . . بس صار لي يومين اختفى
وكنت احس ان الدورة اليوم نازله من المغص االللي يجي ببداية الدورة (كنت طالعة ازور صديقتي) .. فـ كنت اتمغص وبنفس الوقت اعررررررررررررررررق .. الين وصلت البيت شيكت مافي دم !!!!!



تتوقعين حامل؟

ياريت وصف بالتفاصيل عن المغص . .

[اية من الجمال]

اخت زيزومة كان عندي مغص دورة يروح ويجي
بس كنت احس باشي جواتي متل كانو اشي تحرك بقوة جواتي
وكانو خواصري يوجعوني وكان يصير عندي تشنج باسفل بطني عجوانب وخاصة
اذا كنت قاعدة واقوم وبتحسي بوجع دورة وانها رح تنزل وكل شوي بتفقدي حالك
ومابكون في دورة ويارب تكوني حامل وتجي تبشرينا ياقمر