بنات تعالو نغير ونبدل قبل يفوت الفوت

ام سعد 2 · 05-31-2010, 03:42 PM

ماراح اتكلم بأسلوب وشسمه بأتكلم بأٍسلوبنـآ كـ بنـآت..

بنـآت..

مره رحت لمسجد صلاه القيام .. شفت بنات كثير من عمر 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شيl

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده k..

معقوووووول.!

ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابه l..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس اللي كل يوم نجيب 4 للشله..

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف<~ توها سامعه المعلومـه..

بنات والله ماينفعك..شيء الا عملك الصالح

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص ووضحي له انك تعدلتي..

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي لربي لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان <~ اجل وين..

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيييييييييييييييييييييييير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا اعجبك الايميل وعارفه اسلوبي مدري وش يبي...

بس ارسليه لاقرب شخص لك ..

اللي تحبينها وتخافين عليها..

من نار جهنم..

لا يقولك هالسخيف<~ تقصد ابليس

لاترسلين مشوار وكذا

كلامه المعروف..

لا خذي اجر لو سمحتي..

واذا بغيتي تحطينه بمنتدى بتصيرين بطله...

واخيراً..<~ ياكثر الاخيرا

لاتنسووني من دعاءكم ..

Mقمة البرااااائهM · 05-31-2010, 05:33 PM

الله يباااااااااااااااااااااااااااااااارك فيج يالغااااااليه....ويرحمنااااا برحمته يااااااااااااارب.....

غـ روحي ـلا · 05-31-2010, 05:54 PM

باااااااااارك الله فيك يا ام كشه وجزاك الله خير تقبلي مروووووووووري الاموره لموووره

rose · 05-31-2010, 05:57 PM

يسلمممممممممممممو وجزاك الله الجنة
والله مؤخرا صار بحياتي تغير كبير جدا ارجع لله الحمد
ثم لصبتي في المنتدى
للاخت ميمو بينك
اقنعتي وذكرتني باهمية غطاء الوجهة
وفعلا اقتنعت من بعد فضل الله ثم نصحها لي ودعمها
وفعلا اقولها وانا صادقة من ترك شيئا لله
اما الاغاني
سبحان الله
صارت من فترة 3 سنوات بدون شي انززززززززززززعج جدا لسمعتها ولا كنت بزواج
اطلع برة اجلس احسها تصدعننننننننني مادري ليش
والافلام
ابشركم اخواتي ولله الحمد
صارت قناتي المفضلة من بعد الرسالة قناة فتافيت حقت الطبخ
مافهم عليها بس اقول يمكن الطش وصفة يمكن يقولوا طريقة مفيدة بالاكل
جزاك الله الف خير

قطرات ندى · 06-01-2010, 03:36 AM

جزاك الله خير

يارب ترزقني بطفل أضمه · 06-01-2010, 03:40 AM

مشكورة ياقلبي الله يجزاك خير

شهرزان · 06-01-2010, 04:27 AM

الله يعطيك العافيه والله زدتى من همتى وان شاءالله انى اخذ بنصيحتك وبعد ترى برسل الموضوع على بنات عمى وكل من يعز على والله يجعله بموزين حسناتك واعلمى ان كل ماخذو منك نصيحه كل م سار لك الاجر والله ان الموضيع الى كذا تؤنسنى وتزيد من حماسى

demoshka · 06-01-2010, 05:38 AM

ايه والله معك حق غاليتي وانا متلك بقول ياريت عايشة بزمن الصحابة بس يلي مخفف عني انه الرسول عليه الصلاة والسلام وصفنا باحبته يلي امنا به دون ان نراه وان عملنا يساوي اضعاف عمل المسلمين بزمانه

والاغاني مابحب اسمعها ولما اسمعها غصب عني بتكسي او مكان عام بكون كتير مدايئة

والله هالزمن منشوف العجب العجاب

يارب اهدينا واهدي جميع المسلمين والمسلمات واغفر لنا وارحمنا