ميني شاورما

[F.A.A]

السلام عليكم شحالكم بنات اليوم حبيت اقدم لكم طريقة عمل شاورما صغيره وان شاء الله تنال على رضاكم نبداء بمقادير الخبز :- والي تبي تسوي كميه اقل تقسم الكميه * 3 أكواب طحين * 1 1/2 ملعقة ونص كبيره سكر * 1/2 ملعقة صغيره ملح * 1/3 كوب زيت * ملعقة كبيره خميرة * نص كوب ماي نذوب الخميره فيه * 1 بيضة ** نبداء بالعجن واذا حسينه ان العجينه ناشفه نزيدها ماي شوي بعد ما نعجنها عدل تغطيها ونتركها تخمر على مانجهز تتبيلة الدجاج . مقادير الدجاج و التتبيله :- * 6 صدور دجاج (( نقطعها شرائح رفيعه )) * كوب روب (( زبادي )) * 4 فص ثوم مطحون ناعم * 1/2 ملعقة صغيره فلفل اسود * 1/2 ملعقة صغيره بهارات مشكله * 1/2 ملعقة صغيره كزبره مطحونه * 1/2 ملعقة صغيره كمون * 1/2 ملعقة صغيره كركم * 1/2 ملعقة صغيره ملح * 2 ملعة كبيره عصير ليمون * 2 طماط قطع * بقدونس مفروم * مخلل خيار * بطاطس مقليه * 1 بصل كبير ( نصها حق الحمسه ـ والباقي نقطعه شرائح ونحط معاه صماء ) أول شي نخلط التتبيله و بعدها نحط الزبادي و اليمون وبعدها نخلط الدجاج في الخلطه ونخليه فالثلاجه على مانعجن الخبز ونخبزه. نقسم العجينه بعد ماخمرت على كور صغيره ونفردها نخلي القرص رقيق جدا عشان مايكون الساندوتش عجين و راح تطلع لكم كميه زينه من هالكميه نسخن الصاج على نار عالية (( غير قبال للإلتصاق )) ونمسح عليه زيت بعد كل قرص و مسحي الطحين الزايد عن القرص - ونوطي على النار اذا حسنه انه حار جدا مجرد ما يطلع على السطح فقاقيع نقلبه قلبتين ونشيله عن النار ونحفظه تحت فوطه او في الحراره. نرجع لدجاج اول شي نحمس نص بصله في الجدر وبعد مايذبل شوي (( اذا حابه فصين ثوم )) نحط الدجاج مع التتبيله ونغطي الجدر لحد ماتنشف التتبيله وبعد ماينضج الدجاج نطفي النار عنه ونحط عليه قطع الطمام و بقدونس مفروم ونقلبه شوي. (( وخلصنه الدجاج )) مقادير الطحينه :- * نص كوب زيادي * ربع كوب طحينه * 3 ملعقة كبيره عصير ليمون * 6 فصوص ثوم (( الي مايحب طعمه يقلل )) * ماي حسب السمك الي تبونه نخلطهم مع بعض واذا كانت ثقيله نزيدها ماي نحط في قرص الخبز طحينه وبعدها شرائح البصل وفوقها شوي مخلل و بطاطس و اخر شي الدجاج ونلفه والطحينه و البطاطس الي بتزيد نحطها كطبق جانبي.. << بعد ماخلص من التحضير اخليه في الفرن درجة 70 على ماجهز الطاوله عليكم بالعافيه < جربوه تراه لذيذ وخفيف وحلو تقدمونه حق الضيوف

[♥IcE pRiNcEsS♥]

يم يممممم رووووعة
يعطيك العافية

[F.A.A]

. * * الله يعافيج حبيبتي ولاهنتي ع المرور الطيب * * .

[قلب عايض]

وااااااااااااااو رووووووعه
جوعتيني ارسلي لي شاورما الحين ههههههههههه
يسلمووو ياقلبو

[F.A.A]

. * * هههههههههه ان شاءالله ماطلبتي غير عزج يسلمج ربي حبوبه * * .

[F.A.A]

. * * هههههههههه ان شاءالله ماطلبتي غير عزج يسلمج ربي حبوبه * * .

[مهره الدنيا]

تسلم يدك ياقلبي

يقيم حبيبتي

[المهـ ـرة]

[υм вtℓαα]

يعطيك العافيه
تسسلم ايدينك

[F.A.A]

المشاركة الأصلية كتبت بواسطة مهره الدنيا

تسلم يدك ياقلبي

يقيم حبيبتي

تسلمين ياقلبي