ممكن يكون الرحم مفتووح

[يغار الحلى]

السسلام عليكم

كيفكم اخباركم

ابستشيركم وماخاب من إستشار

يجني مغص قوووي مرره لمدة خمس دقايق ويروح بعدها بـ ثلآث ساعات اربع يرجع

نفس المغص والله يكرمكم معاي إسهال

واخاف الرحم يكون مفتووح وانا مدري لآني اقراء بالنت انه الي يجيها الألم متواصل

معناته ولآده طيب اذا كان بينه فتراااات بعض الأحيااان اجلس ست ساعات ثم يجني المغص

بالله الي عندها خبره او مجربه تطمممني و الله حتى زوجي مسافر مايجي إلآ الأربعاء

ولآ كان رحت اكشششف ..

[ρυяỉтч •]

شوفي حبيبتي الرحم احيانا يفتح 1سم او حتا 2 سم بدون ذيك الالام اللي تذكر
لكن بوضعك اولا تاكدي انه مغص طلق مو مغص من الاسهال وانتي بكرامه
ممكن داخلك برد ؟ دفي نفسك كويس وخذي اشياء توقف الاسهال مثل الموز وكذا
الم الطلق مميز .. يجيك مغص يبدا من ظهرك وينتهي ب اسفل رحمك تحسينه مثل النار
مو يبدا بالبطن مغص وبعدين تحسين الالام الظهر هذا مو طلق
اذا بدا الشد من الظهر للبطن هنا يكون بدايه الولاده
اما كل 6 ساعات ف لسا بدري يبيلك وقت
اذا تاكدتي انه طلق شدي همتك وامشيلك ساعه بيشد الطلق وتولدين
انا عن نفسي ماحب اروح وافحص داخلي دام اموري طيبه والجنين يتحرك ومانزلت مني مويه
انتظر لين ينتظم الطلق كل 5 دقايق بعدها اروح يكون فاتح 4 سم ، مايلحقون يستهبلون معي وكل من هب ودب فحصني
ف انتي طلقك مو منتظم حتا لو يجي كل 6 ساعات راح يرجعونك لان لسا بدري
اهم شي لا تجهدين نفسك ب المشي ابدا .. اذا مشيتي مثلا وتعبتي فعلا بعد نص ساعه خلاص وقفي مو تقولين لا بمشي عشان اولد وتجهدين نفسك
خطر جدا .. وحده كذا فاتح 3 سم وقالت بروح امشي وارجع .. وحطت جهدها بالمشي وارهقت نفسها بشكل
لما رجعت لقوا الاكسجين نازل عندها وعند الطفل ورفضوا يولدونها طبيعي وولدت قيصري
ف الواحد مايرمي نفسه بالتهلكه .. على تحمله يمشي ويتحرك ،
الله يهونها عليك وتتسهل يارب ، ولا تنسين سوره الزلزله ،

[ملكتني بهمسك]

اعتقد ولاده وهذا الرحم جالس يفتح بس مو من دحين تروحي المستشفى خليه لين ينتظم بعدها روحي المستشفى وربي يسهل ولادتك وعلى فكره مغص الاسهال ينشط الطلق ويسرعه وربي يسهل ولادتك وتقومي بسلامه

[حرم ضابط]

الّلـِّـِِّـٌه يسهلها عليك.
حبيبتي الطلق يكون منتظم والالم مايحتمل. يعني مايمديك تدخلين المنتدى خخخخ
بس اظنها تعديلات ولاده يعني الرحم يتهيئ.
يارب تيسر عليها وعلينا.

[النوري84]

الله يسهل عليح ياربي الله وياااج...

[يغار الحلى]

الله يرزقكم الشهاده عند الموووت

وربي يسسعدكم و يرزقكم ماتتمنووون

الحمدالله طمنتوني ...كنت خايفه يكون مفتوح و يسيرلي شي وانا مدري عن نفسسي

[عهود الحربي]

انا سمعت انه قبل الولادة يجيك مغص زي التقلصات لان البيبي ممكن يعدل نفسه ويستعد الرحم للولادة
الله يسهل علييك وعلي ياااارب

[يغار الحلى]

هلا عهوود مشكوره على المعلومات

ربي يسسعدك آمين يارب الله يسسمع منك ..

[Sn Sn]

تعرفي وانا كمان مبارحه الفجر صار معي هيك وكان طول النهار يجيني مغص بفترات متباعده ومتل ماقالولك انو مغص الاسهال يحرك الطلق ويسرعه اسمعي كلي كتير تبوله فيها بقدونس كويس للطلق اقرأي عنه وكمان مفيده مليئه بالحديد طبعا بتعرفي التبوله اكله سوريه ولبنانيه

[Sn Sn]

شو نوع الجنين يلي عندك