اللي عندها فكره عن تفسير الاحلام

[أم البندري111]

مرحبا

حبيباتي صارلي فتره احلم احلام يمكن يكون لها دليل على نوع الجنين اللي فبطني فابي احد يساعدني لان ما عندي فكره ابادا عن التفسير


أول ماكتشفت اتني حامل حلمت ان السحاب تحول لخيلين حقيقين لونهم ابيض وكانو في غاااااية الجمال

والحلم الثاني حلم انتي الاعب عصفور في يدي وكان يطير من يدي يروح عن زوجي ويرجعلي

والحلم الثالث حلم ان البخور خلص من عندي فاتصلت بمره كنت شاريه من عندها نفس البخور من معرض وقلت لها ابي بخور من هذا النوع وجابت لي وكان مكتوب على العلبه(أم سعيد) ورقم موبايل مو ذاكره الارقام بالضبط .. بس سألتها بكم قالت لي بـ 90 او 100 وقلت لها انتي روحي الحين ويوم بجي زوجي بيعطيني المبلغ وارجعيلي عشان تاخذينه ومشت ..
وبعدين طلعت برع في الشارع لقيت زوجي يتمشى وعطاني 100 درهم حق البخور فجأه شفنا ابوه شاري سياره جديده لونها رمادي وعجبتني كثيير وكان وقاعد يتمشى فيها بالشارع وفجأه شفت ابن خالت زوجتي وابناء خالي وبعدين رجعنا البيت وشفت بنتي ما غيرت ملابسها فرحت الخزانه كان مليان ملابس بس مالقيت اللي عجبني وطلعت لها بيجامه اول مره اشوفها وصلتنا هدية من بنت خالي لونها ازرق وفيها ورود صفرا بس كانت صغيره عليها قلت رح اخبيها للبيبي



وووبسسس بليييز انتظر احد يفسرلي

[هوادي***]

هلا هلا

وش هالجمال احلاامك تجننننن


احسها حلووه...


شوفي حبيبتي...انا احس انك حامل بولد والله اعلم

بس فسريها عشان تقع

ودي ووردي

[أم البندري111]

المشاركة الأصلية كتبت بواسطة هوادي الحربي

هلا هلا

وش هالجمال احلاامك تجننننن


احسها حلووه...


شوفي حبيبتي...انا احس انك حامل بولد والله اعلم

بس فسريها عشان تقع

ودي ووردي

صباحج ورد اختي هوادي
مشكوره على مرورج وانشالله ياااارب الله يرزقني به

الله يتمم لج ويسهل عليج حبيبتي

[الحلم المنتظر]

سمعت ان الخيل ولعصفور بالمنام ولد والله اعلم والله يرزقك.ماتتمنينه يفضل تسالين الشيخ ويارب يسهل عليك

[بنت ابويه]

اسالي شيخ احسن العصفور صديقتي كانت حالمه فيه وبشروها بولد