فراقي صار يحلا له ؟؟

[فراقي صار يحلا لك]

السلام عليكم

اولا أنا عضوه جديده بالمنتدى
بس وربي متابعه لكم من قبل تسجيلي بشهور
كثير استفدت منكم ومن تجاربكم المتنوعة بجميع الأقسام واللي كان اهمها تجارب الحمل و الولادة

اليوم تجرأت وسجلت بينكم
تجرأت / لأني قررت اطرح مشكلتي وتشارك وني الحل و الأفكار

أنا كثير تعبت نفسيا أصارع هال عاصفه لحالي

بداية قصتي أنا متزوجه عن علاقته حب دامت خمس سنوات ثم تزوجت ولي الان اربع سنوات
لا أخفيكم أنا احب زوجي كثيييير بس مشكلتي معه لم تنتهي

طبعا مشكلتي هي خياناااات زوجي المتعددة و المتكررة
في كل مره اكتشف الامر ينكر و و و حتى لو عندي إثبات كبر الدنيا يجحد و ينكر
في البدائع كنت أزعل اروح لأهلي بس أهلي دائم واقفين بصفه ومصدقينه
اصلا لما اجلس يومين عند أهلي احس ناقصني شي وأبي ارجع له اشتاق له مدرررررري ليييش
الحين صرت ما اطلع من بيتي بس تزعل ونتهاوش ونجلس بالاسابيع ما نكلم بعض
اخر مشكله حصلت
او بالأحرى اخر بنت اكتشفته يخونني معها لما واجهته ما انكر ك العاده ؟؟؟؟؟
تخيلوا كذا فجأه دق عليها وحط سبيكر ويقول لها ابي اتزوجك
انصدمت وربي انكسسسسرت
أخذت رقمها وصرت أدق أتهاوش معها او اتمشكل وصارت تقول حبيبي ومدري وش !!! رفعت ضغطي
صار دائم يهددني انه يتزوجها
عايشه بقلق نفسي فضيع
تغير علي كثير من بعد ما كشافته وتهاوشنا ي بنات والله حتى لما يطالعني كذا بعين قويه نظره تخوف لما أجي اقلده عند المرايا مقدر عيوني تعورني
صار يتلفظ علي يسبني يدعي علي
لما يشوفنا صاحين يروح ينام و العكس !!
حتى مع ولده تغير يهاوش يضرب
دائم صوته عالي
دائم يقول انتي ما تقومين بواجباتي !! أنا فعلا لما أزعل منه اطنشه بكل شي لا كلام ولا اكل ولا ملابس
ودائم يهدد ويقول والله لا خليك تبكين والله لا حرمك عيالك
صرت احس انه يكرهني وانه مؤ هذاك اللي حبوته وحبني وتزوجنا
أنا مدري شسوي أهلي مابي اقولهم
وما بي انطلق منه علشان عندي ولدين
أبيكم تساعدوني عمري ما تخيلت انه يعاملني. كذا بهالوقاحه
حتى لما اسبها واتلفظ عليها يتنرفز ويجادل نئ
لما ابي احنن قلبه علي واذكره أني حبيبته وكذا يقول عادي احب ثنتين !!!
احيانا تجئني أفكار أني انتقم منه واسوي زيه واعيش جوي مع حب جديد بس مدري مابي اخرب علاقتي فيه أنا احيانا احس أني غبيه لأني متعلقه فيه بزيادة
أرجوكم خلوكم معي وساعدوني أنا الأفكار تلعب بمخي
مدري وش اسوي