سؤال لكل معلمة موجودة معنا في المنتدى

[فضــــــ بينكم ــــولية]

كيفكم يا حلوات (طبعاً المعلمات و كمان اللي دخلوا فضول أو حب استطلاع ) , يا رب دايماً تكونوا بأحسن حال
أنا عندي سؤال
يعني أكيد معانا معلمات في المنتدى
و أنا أريد أوجهلهم سؤال
يعني عشان أفهم معلماتي
لازم أعرف كيف يفكروا
و عشان أعرف كيف يفكروا
ما فيه طريقة أحسن من إني أسأل
المهم.. أسألكم السؤال
شكلي طلعت روحكم بس خليني أحمسكم شوية
خلينا في المهم
ندخل ع السؤال
أنا طالبة مجتهدة و نشيطة و دايماً الأولى و كل المعلمات -و الطالبات كمان- يعرفوني و يعرفوا إني ذكية و متميزة, و يعرفوا كمان إني بنت راقية و أخلاقي عالية
بس كمان يعرفوا إني شاعرة رقيقة و مشاعري مرهفة
و يعرفوا إن الكلمات هي لعبتي, و الألفاظ هي شغلي, و يعرفوا إني دائماً أحب أنتقي ألفاظي و أجملها و أزينها
و كل المعلمات يحبوا قصائدي, و أحياناً في مناسبات معينة أقدملهم بعض من قصائدي
يعني مثلاً في مناسبة معينة أو في موقف صار
و ما خليت حد (تقريييباً) إلا و قدمتله مرة شي من قصائدي
حتى المديرة ما سلمت مني
(انتبهوا أنا لحد الآن ما سألت السؤال)
السؤال:
عندي معلمة كثير حبوبة, و هي أكثر وحدة كتبت عنها و قدمتلها قصائد, هي معلمتي من زماااااان و تعرفني أكثر من أي معلمة ثانية
بس صار موقف و زعلت مني, ما زعلت بمعنى الكلمة, يعني عادي تكلمني بس من جوا أنا عارفة إنه في شي, يعني كأنها آخذة موقف شوية
و أنا بصراحة ودي أصالحها
السؤال الأساسي:
أنا كتبت القصيدة و جهزتها, بس فيها كلمات مثل ( عهد - وعد - خيانة - في قلبي - نور عيوني - حبيبتي )
بس ها المعلمة عارفة إخلاقي 100% و عارفة إني كل ها الأشياء أقولها ببراءة و بحسن نية, و أنا مستخدمة ها الكلمات بشكل حلو, يعني كعتاب خفيف ( عشان إذا عرفتوا الموقف رح تشوفوا إني أنا المفروض أزعل ما هي )
المهم.. هي ممكن تأخذ ها الكلمات يعني بشكل ............ ؟؟
خصوصاً إن ها الأيام منتشرة ظواهر كثيرة شوهت بصراحة معاني الصداقة البريئة, يعني تعرفوا هذي ظواهر الإعجاب و الأشياء اللي مثل كذا......

( يا الله علي كل هذا و لسة ما قلت السؤال!!)
السؤال كالتالي:
ها المعلمة ممكن تفهمني غلط؟؟ و لا هي رح تفهمني مثل ما كانت تفهمني زمان؟؟ يعني هي تعرف مثل ما أصدقائي يعرفوا إني كلي براءة مثل الأطفال و ها الأشياء ما في تفكيري؟؟ و لا ممكن تدخل عليها أفكار مش حلوة؟؟ بلييييييز اتخيلوا نفسكم مكانها
يعني طالبة تعرفيها شاعرة و كاتبة و إحساسها مرهف (الله أكبر هههههههه)
و تعرفوا الشعر يحتاج لألفاظ معينة ممكن تدل على معنى غير المعنى المعروف
فكيف رح تاخذوها؟؟ ع أساس إنها من ها البنت الحبوبة اللي اتعودتوا على برائتها و قصائدها الشبه رومانسية؟؟ و لا ممكن تفكروا في شي ثاني؟؟
.
.
.
.
أكيد تقولوا الحمدلله أخيراً خلصت كلام هههههههههههه
يلا يا حلوات جاوبوا