الله يعوضني و يعوض كل أم

[أم العصفور]

مرحبا خواتي ... مبروك عليكم الشهر

حبيباتي بتكلم عن تجريتني في أول حمل لي في حياااااتي امممممممممم ...
كنت حامل في الشهر الرابع من أول يوم حمل الحكه كانت ما تتخلى عني و كانت مستمره معاي و غير إني كنت مجهده نفسي واااااااااايد (يعني دوام و دراسه و شقتي تنظيف و غسيل و طبخ) و كانت حالتي التفسية من الدوام واااااااااي تعبانه و مضايجه من تصرفات الموظفات معاي

المهم استمر معاي الحمل لين أول أسبوع من الشهر الرابع و ع نفس الفترة الحكه زادت و صاحبها حمى بس فالليل و كانت داخليه و توصل لين 38.9 و تأخذ فترة علشان تنزل...

لين ب تاريخ 21 شهر 6 ع وقت المغرب كانت تنزل معاي ماي و كان غليظ و عقب الساعة 11:00 بدأ ينزل معاي دم و استمر الدم و كل اشويه يزيد و يزيد و ع طول رحت المستشفى و خلوني تحت المراقبه عطوني مثبتات الحمل و غي المغذي و واااايد أوديه... لين ما خف عني الدم و الحمدلله خف بس الحراره و الحكه ما كانت مستقره ترتفع و تنزل .....

و كان زوجي يعرف انه الجنين بينزل بس ما خبرتني و أنا كنت شاكه و في نفس الوقت متوكله ع رب العالمين و ايماني بالله كبير ....

لين تاريخ 23 شهر 6 أول الصبح نزل مني مااااي وااااايد و أنا في المستشفى و من عقبه بدأ معاي الآلم في البطن و اظهر يروح و يرجع من الساعة 8 صباحا و طلبت من النيرس انها اتجييب لي جهاز أسمع نبض قلب ولدي و سمعت النبض كان وااااضح والله العظيم و استمر ألم الاجهاض و أنا اذكر الله و استغفر الله لين ما نزل عصفوري من بطني و أتوفى نفس الوقت (الله يرحمه) حبيبي والله - الحمدلله ع كل حال لأنه عصفور في الجنة

بس والله شعور صعب الحمدلله....

الحين أفكر بالحمل علشان يلهيني عن التفكير فيه لأني مب قادره أنسى و لا شيء و إن شاء الله أحمل قريب إن شاء الله... و اتمنى من الله إنه يرزق كل أم محرومه من الضنى...

سامحوني طولت معاكم