الغيرررره مو بكيفي شوفي السبب

[قرعوطه]

السلام عليكم جاتكم قراعيطو من جديد والله ياخوفي يغيرون نكي الاداره من قرعوطه الى ام المشاكل خخخ الله المستعان بس

المهم تعالن بقولكن شي لايسمعونا الرياجيل اوص
زوجي كان من طفولته عايش مع بنات خالته وعياله وعرفت بعدين من الي حولي بالصدفه انه كان يحب بنت خالته ويروح بيتهم كل يوم على اساس يلعب مع العيال وهو قصده يشوف البنت لحد ماكبر وسافر يدور على وظيفه بعيد وقلت جياته المهم كان سعيد ويكون نفسه على اساس يرجع يتزوجها البنت هي بنت خالته يعني ابوها غريب عن العايله من برى المهم بعد مارجع خطبها وكانت صغيره ماكملت العشرين ابوها رفضه وقال انه معطيها لعيال عمها ومعطي الرجال كلمه المهم زعل ورجع سافر وتزوجت البنت والحين عندها درزن اطفال ماشالله المهم زوجي رفض موضوع الزواج ولو مااهله ضغطو عليه ماتزوج خطب اكثر من وحده وماصار نصيب الى ان كتب الله وتزوجته لاحظت عليه اذا حضرنا عشاء او عزومه يسالني بنت فلان حضرت وصرت اعصب واقول وش دخلك انت ترضى احد يسال عن زوجتك وبعدين يقول لابس اذكر لما كنا صغار كانت مزيونه عاد انا انقهرررررررررررررت قلت يوم كنتو صغار الحين صارت شيفه وتلوع الكبد ولاتعرف تلبس واسب فيها البنت والله انها احلى مني بس من الغيره الي فيني خلاص هي تزوجت وعايشه مبسوطه وهو زوجي الحين ولا لي يد بالتفرقه بينهم
كيف اخليه ينساها وهل علي ذنب يوم اسب المسكينه واعذرب فيها وهي ماتدري
اذا شاف ولدها الصغير ابد مايشيل عينه من عليه وهو يجنن ماشالله بس كرهته وكرهت خالته واحاول اخليه يقلل من زيارتها مدري شسوي
ياطول موضوعي ههههههههههههه توها تنتبه الاخت